قصه حلوه ابطالها كويتين.....اجزاء

[عيونكـ غرامي]

ترقبوا القصة


الجزء الاول,,,
عذارى بنت عمرها 17 سنه امها متوفيه من وهيا صغيره واهى وحيده ابوها ومو وايد مع عمامها ولا اتعرفهم لانه ابوها ما يحب يختلط معاهم بس معطى حريه لعذارى انها تروح لخوالها بأى وقت وكانت حيل متعلقه بخوالها بس مو اكثر من ابوها وكان ابوها مريض وعلاجه كان بالشيك لازم كل عطله يروح عشان يتعالج وكانت عذارى تقعد عند خوالهاوكانت عذارى تروح مع ابوها للعلاج بس هالمره ابوها راح بوقت امتحانات اخر السنه فما اقدرت تروح معاه بس بتروح بعد ما اتخلص الامتحانات

راح نتكلم عن خوال عذارى عشان تعرفون الشخصيات
فواز كان عمره 19 ووايد حبوب وطيب وهالصفه خلت الناس تحبه سميه عمرها بعمر ريم 17 كانو حيل مع بعض اسماء عمرها 20 واهيا بالجامعه اولا سنه وكان ابيت خالتهم جده ريم ام امها ما توفت وخالها وخالتها وفهد عمره 23 يشتغل بشركه مع ابوه وكان يحب عذارى وايد ودايم يحاول يتقرب لها بس اهى ما اتفكر غير بدراستها

هذه نبذه قصيره
نبدى الحين

عذارى,,سميه ويهد قومى يالله حشى كل هذا نوم

سميه ,,انتى اشتبين مقعدتنى بنام

عذارى,, انا شبى ابى اتصبح ابويهج الحلوو قومى امتحان الساعه 6 ونص

سميه ,,امبى صج نسيت وتقوم سميه واتجهز عذارى كانت تحب تقعد قبل وقت الامتحان بساعه عشان تقدر اترجع
انزلت عذارى بعد ما تجهزت لقت خالها وخالتها وجدتها

عذارى,,صباح الخير على احلى خال وخاله واحلى جده وتحبهم كل واحد وعلى راسهم

خالها,,ياهلا والله ابنت اختى مشالله عليج دايم تقعدين الصبح مبجر الفال لبنت خالج سميه
خالتها,, هلا والله عذوره تعالى شربى اقلاص العصير زين لج قبل الامتحان
عذارى,,تسلمين خالتى
جدتها,, وين عيل الباقى حشى عيالكم بس نوم
خالتها,,انا بروح اشوفهم هذه امتحانات اخر السنه والله يستر منهم

فهدنزل وشاف عذارى وابوه وجدته

فهد,,صباح الخير
الكل,,صباح النور
عذارى,,هلا فهد تعال اخذ اقلاص العصير قبل ما تروح لشغلك
فهد,,مشكوره يا بنت خالتى معنى ما اشرب شى الصبح بس عشان عيونج بشرب
خالها,,اقول فهد يالله تأخرنا على الشركه بتروح معاى ولا بتجى بعد شوى
فهد,,لايبى معاك يالله مع السلامه جده مع السلامه عذارى
عذارى+الجده,, مع السلامه
يالله مع السلامه يما
مع السلامه يولدى
خالته عذارى راحت فوق عشان تشوف فواز واسماء
ادخلت على اسماء لقتها اتجهز
اسماء,,صباح الخير على احلى ام
امها,,هلا صباح النور زين لقيتج جاهزه عبالى لى الحين نايمه يالله نزلى اريقوج جاهز
اسماء,,اوكى يما كانى نازله
امها,, يالله انا بشوف فواز الى مجننى ليم يقعد

راحت لغرفته
امه,,فواز ويهد كل هذا نوم ما عليك امتحان انت

فواز,,يما اشوى وقوم تو الناس

امه,,على كيفيك اهو تو الناس يالله قوم احسن لك وبلا دوخه

فواز,,يالله كانى قمت متى اتخرج وافتك من قعده الصبح

امه,,والله انا الى بفتك مو انت صوتى راح وانا كل يوم حالتى جذى اقعد

انزلت سميه واسماء وتريقو مع عذارى وجدتهم

سميه,,والله انا خايفه من امتحان الانجليزى ما ادرى ليش

اسماء,,اكيد لانج مو دارسه لو دارسه ما خفتى

عذارى,,انشالله بيكون سهل

جدتهم,,اقول بلا سوالف مالها داعى كل وحده اتريق وتروح تشوف شغالها

الكل,,اضحكوا على كلمه جدتهم

فواز نزل
فواز,,يا حبيبى اشوف الصاله كلها بنات ما اشوف فهد وابوى

عذارى,,لايكون بس مو عاجبيك

فواز,,انتى بذات لا مو عاجبتنى

عذارى,,مو لازم اعجبك يالله سميه اسماء نروح قبل ما نتأخر

سيمه+اسماء ,,يالله مع السلامه

عذارى ,, مع السلامه

الجده +فواز,, مع السلامه يام السان

عذارى ,, اردها لك

راحو للمدرسه سميه وعذارى قطهم السايق بعدين بيوصل اسماء للجامعه ما فواز كان يروح مع الباص

بالمدرسه
عذارى,,سميه شوفى احنا اى قاعه ليم اروح اسأل الا بله سؤال مو فاهمته قبل الامتحان

سميه,,يبه ليش تسألين انا اقول السؤال ما راح يجى

عذارى,,على كيفج اهو يالله اشوفج بالصف

سميه ,, انزين

راحت عذارى واسألت الابله وطق الجرس بدايه الامتحان

طق الجرس وكل وحده سملت الاورقه حق الابله وطلعوا ينطرون السايق

سميه,, ها عذارى اشسويتى

عذارى,,الامتحان كان حلو بس القواعد شوى يبيله تركيز اصلن الوقت مو كافى

سميه,,حشى ساعتين مو كافى الوقت بعدين انتى دايم جذى تقولين هذا صعب ويطلع صح اقول امشى بس السايق وصل

عذارى,,والله بسقط والسبه عيونج جنى مو بنت عمتج

اركبوا مع السايق وراحو عشان يمرون اسماء
الجامعه

سميه,,اقول عذور خلنا ننزل ليم تجى اسماء خاطرى اشوف الجامعه من داخل

عذارى,,وين تنزلين وانتى لابسه ملابس الثنويه ياحلات اشكالنا بنصير مصخره

سميه,,خلاص كاهى اسماء جت ما يحتاج تفتحين محاظره عشان قلت شى

اسماء,,السلام عليكم

عذارى+سميه,,وعليكم السلام
وراحو للبيت وبهالحزه كان فواز وصل

فواز,, السنيورات اوصلو معاى يا محاسن الصدف

عذارى,,والله صدفه مو حلوه الى تجمعنى معاك

سميه,,اقول انا جوعانه بدشون ولا تظلون تسولفون جذى عند الباب

اسماء ادخلت للبيت
لقت جدتها
السلام عليكم
الجده ,,وعليكم السلام هلا بالزين كله يالله روحى لامج تنجب لكم الغدا

اسماء,,انشالله جده

فواز,,هى انتى وياها الرجال اول يدخل مو البنات اشوف يالله وراى

عذارى ,, هذا وايد شايف عمره على شنو بس الفاشل

سميه,,انا جوعانه ودخلت

سميه +فواز+عذارى السلام عليكم جده

الجده,, وعليكم السلام
الام,,يالله الغدا جاهز سميه اتصلى ببوج شوفيه بيجى ولا لا
سميه,,يمه انا ببدل وباكل لانى جوعانه مالى خلق اتصل بأحد

عذارى ,,انا بتصل خالتى

الام,,صج بنت ما فيج خير تسلمين يا عمرى عذور

اتصلت عذارى ورد خالها

خالها,,الوووو منو معاى
عذارى,,السلام عليكم خالى

خالها,,وعليكم السلام هلا ابنتى عذارى خير محتاجه شى

عذارى ,,لا خالى بس خالتى تسأل متى بتجى على الغدى عشان نتغدى

خالها ,,احنا بالطريج خالها تنجب
عذارى ,,اوكى خالوو
واتسكره من خالها خاله خالى يقولج اهم بالطريج انا بروح اببدل ملابسى
خالتها ,, اوكى يبنتى روحى

وصل فهد ويه ابوه
نزل فواز وسميه واسماء يتغدون
ونزل الابو وفهد بعد ما غيرو

فهد,,عيل وين عذارى شنو ما تبى

سميه ,,الحين بتنزل بس قاعد اتغير
انزلت عذارى
تغدوا وكل واحد راح لغرفته لانه فواز وسميه وعذارى كان اخر امتحان لهم باجر
فهد راح لغرفه سميه وعذارى
فهد,,عذارى ولا عليج امر سوى لى شاى

عذارى,,غالى والطلب رخيص

سميه,,البنت عليها امتحان باجر وانت تتطلب

فهد,,مالج دخل انتى ما طلبت منج

عذارى,,اتفضل

فهد,تسملين

سميه,,يالله برا الغرفه بندرس

فهد ,,يصير خير يأم كشه بتدرين

عذارى,,ماعليه فهد باجر اخر امتحان وبنذاكر

فهد ,,عشانج بس

طلع فهد وراح لغرفته

فهد,,لو تحسين يا عذارى فينى لو مره بس

وبعدين انسدح على السرير واستسلم للنوم ونام

ثانى يوم الصبح

الكل قعد وتريق وكل واحد راح الى على امتحانه والى على شغله

بالمدرسه
سميه,,اف ما بقت واتقط الكتاب

عذارى,,الحمدالله والشكر ليش تقطين الكتاب

سميه,,شنو ليش اخر امتحان والله يستر من النتيجه شكل المعدل بينزل

عذارى ,,جذاتج عشان ما درستى

ارجعو للبنت وتغدو نامت سميه واسماء لانهم يحبون نومه الظهر

اما عذارى بهاليوم ما نامت الظهر وقالت بقعد بالصاله اقعد على التلفزيون

نزل فواز وشاف عذارى قال فرصه انرفزها شوى

فواز,,اقول هاتى الريموت بطالع مباراه

عذارى ,,شنو على كيفك ولا التلفزيون مكتوب بأسمك ما راح اعطيك

ويرن التلفون

فواز,,لا تردين انا الى برد انا رجال البيت

عذارى,,اذيتنا كل كلمه رجال البيت حيل واثق

فواز,,الووو منو معاى

ابو عذارى,,الووو السلام عليكم قوه فواز شلونك

فواز,,هلا والله عمى انت شلونك وشلون العلاج معاك

عذارى اسمعت هالكلام طارت على السماعه

يتبع....

[عيونكـ غرامي]

الجزء الثانى

اول ما سمعت عذارى كلام فواز اعرفت انه ابوها راحت على طول للسماعه

عذارى,,فواز عطنى السماعه بكلم ابوى

فواز,,صبر شوى خلينى اتكلم معاه بالاول

عذارى,,امانه فواز والله مشتاقه له بعدين شكو انت تكلمه انا بنته هات السماعه

فواز,,هاج بس لا تبجين علينا

عذارى,,الوو قوه يبه شلونك شخبارك

ابوها,,هلا والله بعمرى انا زين انتى شلونج وشلون الامتحانات معاج

عذارى,,زينه خلصت اليوم يبه انا بجى لك

ابوها,,ماله داعى يا بنتى انا شهر بالكثير واجى الكويت خلج عند خوالج ولا مو مرتاحه عندهم

عذارى,,شهر وايد يبه ما اقدر انا بجى ولا بزعل بعدين خوالى مو مقصرين معاى كلش

ابوها,,خلاص مدامج مصره بكلم خالج يحجز لج وانتى او اول ما توصلين الشيك وتنزلين للمطار تلقانى انطرج

عذارى,,اوكى يبه بس مو تنسى اتكلمه الله يخليك

ابوها,,انشالله يبنتى بس الحين عطله وانا اعالج ما اظن بتستانسين

عذارى,,مو مهم المهم اظل معاك

ابوها ,,اوكى انا بسكر الحين وراح اكلم خالج سلمى على الكل مع السلامه

عذارى ,,مع اسلامه يبه

بهالحزه كان فهد يسمع كلام عذارى ومنصدم لانها بتسافر

فهد,,عذارى منو تكلمين ((يسوى عمره ما سمع شى))

عذارى,,اكلم ابوى ويسلم عليك

فهد,,الله يسلمه ها متى بيجى انشالله

عذارى,,شكله مطول عشان جذى بسافر له

فهد,,تسافرين له ابوج رايح يعالج مو سياحه عشان تروحين وبعدين القعده معانا ممله

عذارى,,لا تفهمنى غلط بس انا مشتاقه لابوى ما قلت انه القعده معاكم فيها شى

فهد,,اوكى سوى الى يريحج

عذارى بقلبها اكيد الى يريحنى عيل يريحك

قعده سميه من النوم كانت الساعه 4 العصر
راحت للصاله وشافت عذارى

سميه,,اقول عذور بطلب فطاير تبين

عذارى,,لا ما ابى شى

سميه,,شفيج متضايقه فى احد كلمج

عذارى,,لا بس انا بسافر لابوى

سميه,,شنو ما سمعت عيدى

عذارى,,الى سمعتيه

سميه,,ليش بعدين العطله انا منو بقعد معاه واطلع معاه

عذارى,,شسوى ابوى بيظل شهر ولا يقول يمكن اظل اكثر ما اقدر اصبر

سميه,,اوكى بس فكرى عدل بالموضوع
صج نسيت يوم الاربعاء النتايج الله يستر
انشالله انجح يارب

عذارى,,مالت بس انتى خايفه تسقطين يعنى مو خايفه ينزل المعدل

سميه,,يبه المعدل عارفه انه بينزل شنو الجديد
اقول بلا هذره اشرايج نقول لفهد يودينا شرق

عذارى,,ماعندى مانع بس خله يوافق

سميه,,اذا انتى قلتى له ما بيقول شى

بهالحزه وصل خال عذارى

خالها,,السلام عليكم

عذارى+سميه ,,وعليكم السلام

خالها,,ها اشوفكم قاعدين بالصاله بعد خلصتوا امتحانات بتبدى الطلبات والطلعات

سميه,,جنك تدرى يبه نبى نروح شرق ونبى فلوس انت كريم واحنا نستاهل

ابوها,,يا حبكم للسوق اوكى قبل ما تطلعون تعالى واخذى الى تبينه

سميه,,شفتى اضبطج

عذارى,,اقول ماعندج سالفه بروح اكلم خالى عن السفره

خالى خالى

خالها,,هلا يبنتى بغيتى شى

عذارى,,اى بغيت اقولك انه ابوى كلمنى قبل شوى ويسلم عليك

خالها,,الله يسلمه انشالله اشلونه وشلون العلاج معاه

عذارى,,زين بس خالى انا كلمته وبسافر له واهو قال راح يكلمك

خالها,,ليش يبنتى ابوج رايح للعلاج ماراح تستانسين

عذارى,,مو مهم المهم انى اقعد معاه

خالها ,, اوكى باجر انشالله احجز لج ولا يهمج

عذارى,,صج مشكور يا احلى خال وحبته براسه

طارت عذارى من الفرحه لانها بتروح لابوها

سميه,,الحمدالله والشكر شفيج جذى اتنطين

عذارى,,بسافر لابوى باجر خالى بيحجز لى

سميه تضايقت لانه ما عندها غير عذارى الى تحس فيها اكثر من رفيجاتها

سميه,,اوكى انا بكلم فهد عى الطلعه بتجين معاى

عذارى,,اوكى معاج

راحو لغرفه فهد طقوا الباب

فهد,, منو

سميه,,انا وعذارى

فهد,,دخلوو
دخلوو سميه راحت لفهد وقعده اطالعه

فهد,,وراج شى قولى

سميه اطالع عذارى يعنى انتى تكلمى احسن

عذارى,,فهد انا وسميه ودنا روح السوق وفواز ماخذ السايق

فهد,,افكر

سميه,,فهود الله يخليك عشان عذارى قبل ما تسافر نبى انطلعها

فهد,,ليش متى بتسافر

عذارى,,باجر خالى بيحجز ما ادى متى

فهد,,اوكى روحو تجهزو ولكم عشر دقايق بشغل السياره اذا ما لقيتكم بمشى عنكم

سميه,,اوكى يالله عذارى بسرعه

عذارى ,, انزين

البسوا وراحو لشرق كان السوق زحمه لانه كل الناس عطلو

عذارى,, شنو هذا كله شباب شلون باخذ راحتى

سميه,,وانتى شكو فيهم امشى كمشيه الملكه مالج دخل فيهم

عذارى,, فهد خلك معانا مو تبعد

فهد,,ليش منو الغبى الى بيقرب منكم

سميه,, انت لانك يمنا

عذارى,,ههههههههه حلوه

فهد ,, ما تضحك يالله خلصوا اشتروا يا كره مشترى الحريم لو يخلونهم يوم كامل ما يخلصون

عذارى,,اشفيك اتحلطم جنك عجوز ماخذين عشاها

اشتروا وتعشوا وردو البيت

اسماء,, اقول يمه انا بغرفتى تبين شى

امها,, لا سلامتج

الجده,, فواز اودلج وينه الهايت

الام,, وينه بعد مع السايق تلقينه الحين بالمجمعات

الجده,, الله يهديه بس

الام,, ما قتلج انه عذارى راح تسافر لابوها

الجده,,ليش اتسافر ما تقعد اهنى

الام ,, يمكن مشتاقه لابوها عاذرينها

وهنى ادخلو عذارى وسميه وفهد
السلام عليكم

الجده+الام,, وعليكم السلام

الام,, ها خلصتوا من السوق

فهد,, انا بصراحه هونت اتزوج بظل اعزوبى

الجده,, وليش انشالله

فهد,, من شفته اليوم تعبت من محل لى محل المشكله انهم ما تعبوا

عذارى,, ههههههههه خلاص اخر مره نطلب منك

سميه,, اقول عذارى امشى فوق احسن
راحوا فوق اقعدو يشوفون الملا بس الى خذوها

سميه,, اقول عذارى اشرايج حلو صح

عذارى,, وااااو ماخذ منج حته على قولت المصرين هههههههههه

سميه ,, يالله بشوف الى شريتيه لبسيه مانه

عذارى,, لا خليه ليم اسافر شوفيه

وقعدوا يسولفون دلخت اسماء

اسماء,, صج انكم خونه تروحون السوق ولا تقولون ليش مو معاكم بالبيت انا

سميه,, كنتى نايمه ما حبينه نقطع عليج نومتج بعدين ما دريتى عذارى بتسافر لابوها

اسماء,, صج ليش عذارى تعودنا عليج

عذارى,, والله بصراحه انا بعد وايد تعود عليكم بس شسوى ابوى بيظل اكثر من شهر وانا ما اقدر اصبر عنه

اقعدو يسولفون ليم جا حزه النوم وناموا

ثانى يوم

فهد,, السلام عليكم

ابوه وامه وجدته,, وعليكم السلام

الام,, يالله تعال تريق

فهد,, لا ما اشتهى

الابو,, اقول فهد ترا انا حجزت لبنت عمتك والاسبوع الجاى يوم الثلاثاء طيارتها

فهدتضايق حيل اول ما سمع هالكلام

فهد,, اوكى يبه انا الى بيوديها

الابو,, يالله عيل لا نتأخر ويأم فهد مو تنسين تقولين لعذارى عشان اتجهز

الام,, ولا يهمك مع السلامه

مر اليوم عادى على الكل جا اليوم الى فيه النتايج

سميه,, الله يستر يرب ناجحه يا رب وقعدته رايحه وراده وادعى

فواز,, بس ويهد دوختى روسنه يبه ناجحه

عذارى,, الله يستر من المعدل

فواز,, جت الثانيه الحين انتو قدمتو وخلاص

عذارى,, اى انت شهامك ما يهمك شى وظيفته موجوده بدون شهاده
قصد عذارى انه خالها قال انه فواز اذا خذ شهاده الثنويه بيخلى فواز معاه بالشركه

اسماء راحت تشوف نتيجه البنات وفواز راح يشوف نتيجته

عذارى وسميه,, رايحين رادين بالصاله

الام,, بس يا بنات اقعدو اشوى ناجحين انشالله

الجده,, الى مقدم عدل ما يخاف

وتدخل اسماء عليهم

مبروك ناجحين مشالله معدلج حلو عذور اما سميه زين

فرحو الكل وفواز كان ناجح

سوا حفله بهالمناسبه واستانسوا
ثانى يوم

عذارى,, سميه يالله تأخرنا على اسماء برا

سميه,, انزين يالله كانى جاهزه

انزلو بيروحون السوق عشان عذارى باقى يومين على طيارتها

اسماء,, حشى رايحين عرس كل هذى

سميه,, اقول الحين احنا مو جينه لا تتكلمين

راحو للسوق
اسماء,, اقول انا بروح لهالمحل القاكم بالكافى انزين

عذارى+سميه اوكى

راحت اسماء محل ساعات معنها مو وايد تلبس ساعات بس شافت ساعه بالجريده وحبتها

كان المحل فيه اثنين شباب

اسماء,, شنو هذا بكل مكان شباب ما على منهم

ادخلت اسماء السلام عليكم

خالد ولد موظف حلو ووسيم وكان ما يعرف سوالف المغازل عمره 24 ورفجيه محمد كان بالجامعه عمره 23 كان مغازلجى وحلو بنفس الوقت

خالد+محمد وعليكم السلام

محمد ,, خالد هذه البنت معاى بالجامعه ونفس الكليه

خالد,,شسوى لك يعنى واذا معاك

محمد,,ما اتعرفها هذه عليها جمال واخلاق ما شفت مثلى نفسها

اسماء كانت تشوف الساعات ما انتبهت لاشكال الشباب

خالد,, قعد يطالعها واول مره يسويها انه يطالع بنت

اسماء طلعت من المحل ما عجبها شى

خالد,, اقول محمد امش خل نطلع محل ثانى

محمد,, ليش انزين

خالد,, بس بتطلع ولا اطلع وخليك

محمد,, لا معاك

راح خالد وما كان يحب يبين لمحمد انه يلاحق اسماء

خالد,, اقول محمد امش هالمحل

محمد,, هذا بدى شوب شتبى فيه

خالد ,, بشوفه
اسماء دخلت محل كان جبال محل ابدى شوب وكان خالد يطالعها حس انه هالبنت عاجبته
راحت اسماء للكافى

اسماء,, ها خلصتوا

عذارى,, اى خلصت

سميه,, لا انا بدى شوب

اسماء,, الحين منو الى بيسافر السوق عندج بأآ وقت

سميه,, مو كل يوم جايه انا هنى يالله امشو

كانو شباب يلاحقون اسماء وعذارى وسميه
اقول سميه هذولى مو صاحين شوفى شيسون

اسماء,, مالكم دخل امشو

فى صبى قرب منهم حيل
وكان بيده تلفون كاميرا

اسماء شافت راحت له

انت ما تستحى تصور ابنات خلق الله
الصبى,, ممكن تقولين على الى لابسه ابيض تكلمنى
قصده عن عذارى
اسماء,, صج انك قليل الادب

تجمعو الناس خالد ما انتبه

محمد,, خالد شوف هذه الى بالجامعه معاى ومعاها بنتين وشباب

خالد,, عصب اكيد هذولى الشباب تحرشوا فيهم

راح خالد ومحمد

خالد,, خير اختى شنو فى

اسماء,, هذا الى مو متربى بيده تلفون كاميرا وبيصور وبكل وقاحه يقول ابى اكلم بنت خالتى

خالد,, انت ما تستحى ما عندك خوات تصور ابنات الناس

الصبى,, اقول انت مالك دخل لا تحشر عمرك

خالد,, عصب وطق الصبى وصارت هوشه

عذارى,, ما قدرت توقف جذى راحت للشرطى الى برا المجمع

سميه,, عذارى انتى وين رايحه

عذارى,, بروح اشوف شرطى قبل لا ينذبح احد


يتبع....

[عيونكـ غرامي]

الجزء الثالث


راحت عذارى للشرطى الى كان واقف برا المجمع

عذارى,, لو سمحت اخوى ممكن تلحق علينا فى هوشه داخل بين شباب واخاف يتأذى احد

الشرطى,, اوكى اختى انا الحين بجى بس بستدعى اثنين من الشرطه عشان اقدر افج الهوشه

عذارى,,اوكى بس لا تتأخر
راحت عذارى لمكان الهوشه ولحقها الشرطى وفك الشباب واخذهم للمخفر وارجعو اسماء وسميه وعذارى للبيت

وهم بالسياره
عذارى,,زين الشرطى لحق عليهم ولا انذبح احد

سميه,,والله محد سبب الهوشه والغلطان غير الصبى الى كان ورانا وبقا يصورنا صج ما يستحى اقول اسماء انا جوعانه نمر المطعم

اسماء كانت متضايقه وماكان ودها تكبر المشكله وخايفه انه الشباب الاثنين الى ساعدوهم يصير فيهم شى قصدها عن محمد وخالد

سميه,,اقول اسماء جنى اكلمج

اسماء,,شنو قلتى ما سمعت

عذارى,,اسماء اشفيج متضايقه

اسماء,,ما فينى شى وسميه انا تعبانه وبرد البيت طلبى ماله داعى نروح

سميه,,اوكى مو مشكله

اوصلو البيت وعلى طول ادخلت اسماء لغرفتها ودخلو سميه وعذارى وراها

عذارى وسميه ,, السلام عليكم

الام+الجده,, وعليكم السلام

الام,,اشفيكم رجعتو امبجر واسماء على طول ادخلت غرفتها

عذارى,,مافى شى خالتى بس اسماء راسها عورها اشوى وردينا

سميه,, انا بطلب يمه

الام ,, انتى بس على بطنج بروح اشوف اختج شنو فيها

راحت ام فهد لاسماء

الام,,اسماء يمه فتحى الباب

اسماء,,هلا يمه بغيتى شى

الام,,شفيج متضايقه يعورج شى اوديج الطبيب

اسماء,,لا ما يحتاج طبيب بس صداع وبيروح انا بنام

الام,, اوكى على راحتج

نرجع لمحمد وخالد

الشرطى,, انتم ما تستحون كل واحد طوله للباب وتتهاوشون بالمجمع عشان بنات

خالد,,احنا ما تهاوشنا عشان بنات بس اهو كان معاه تلفون كامره وبغى يصور البنات وليم تدخلت قال مالك دخل يعنى لو انت مكانى يا حضره الشرطى اكيد ما راح ترضى

الصبى,,انا ما بغيت اصورهم جذاب انت ولا عشان كان بيدى تلفون كاميرا مسكتها على

الشرطى ,,بس انت وياه اى كلمه ثانيه حولتكم للنيابه وسجلتها قضيه

محمد,,لا شنو قضيه ونيابه لا نطلع بكفاله

الشرطى,, مو على كيفيك اتحدد العقوبه اوكى

محمد,,انشالله

الشرطى,,شوف انت وياه الحين بتطلعون بكالفه وراح تكتبون تعهد انه هالشى ما يحصل مره ثانيه اوكى

محمد+وخالد ,, انشالله

الصبى,,انشالله ما يصير

اكتبو تعهد وادفعوا الكفاله وطلعوا

محمد,,خالد ماكان له داعى تتدخل وتهاوش معاه

خالد,,يعنى يرضيك يتحرش بالبنت انا ما ارضى احد يقرب يمها فاهم قصده عن اسماء

محمد استغرب من اهتمام خالد بهالبنت
ارجعواكل واحد للبيت

نتكلم عن خالد واسرته
ام خالد وابو خالد واهو الولد الكبير لهم وعنده اختين وحده بعمر عذارى والثانيه بعمر اسماء ورفيجاتها بنفس الكليه وعمرها 22 وابو خالد عنده شركه وخالد معاه يشتغل
خالد,, السلام عليكم

ابو خالد,, وعليكم السلام انت وين تدرى جم الساعه الحين

خالد,,ادرى بس كان عندى شغل

ابو خالد,, شنو هالشغل الى يظل لى الفجر

خالد,, يبه الله يخليك انا تعبان وبنام

ابوخالد,, ماعليه روح نام والصبح لى كلام معاك ثانى

ثانى يوم الساعه 10 الصبح

ابو فهد,, ها فهد باجر راح توصل بنت عمتك مو تنسى

فهد,, انشالله يبه ولا يهمك

ابو فهد ,, اوكى انا بروح للشركه منت جاى

فهد,, لا عندى جم شغل ويمكن امر على الشركه بعدين

ابو فهد,, اوكى على راحتك مع السلامه

فهد ,, مع السلامه

انزلو سميه وعذارى

سميه,, قوه فهيدان

فهد,, شنو فهيدان اصغير اعيالج انا

عذارى,, اقول فهد منو باجر بيوصلنى للمطار

نزل فواز بهالحزه

فواز,, مشالله متجمعين شعندكم

عذارى,, ما عندنا شى يا ابو لسان طويل

فواز ,, انا ابو لسان ولا انتى

عذارى,, لا والله انت

فواز,, جنج طيحتى الميانه معاى

فهد,, بس فواز احترم بنت عمتك شوى

عذارى,, زين سوه فيك

فواز,, يالله باجر ونفتك من نجرتج

عذارى,, لا يكون قاعده على قلبك وانا ما ادرى بس

فواز,, انتى قلتيها على قلبى

سميه,, اقول فواز حدك اوكى على عذارى

فهد,, عيل وين اسماء ما شفتها هاليومين شعندها

سميه,, ما عندها شى بس الحزه الى انت تقعد فيها بالبيت للاسف تكون فيه نايمه

عذارى,, اقول فهد وين جرايد اليوم

فواز,, الله يا الثقافه الى انزلت عليج من متى تقرين جريده

عذارى,, مالك دخل انت احسن منك يا الفاشل

فواز,, انا فاشل اوكى اردها لج

فهد,, الجريده بالغرفه التلفزيون

عذارىراحت وقعدت تقرا وانصدمت انها شافت بالجريده انه فى بالمجمع هوشه وكاتبين اسامى الشباب

عذارى,, سميه تعالى بسرعه
راحت سميه لها

سميه,, شنو فيج

عذارى,, تعالى اقرى شنو مكتوب عن الهوشه

سميه,, حلفى
اشوف
وقرت امبى صج وكاتبين اساميهم بعد صج فشله
عذارى,, بروح اقول لاسماء
سميه,, انا معاج

فهد,, اشفيهم هذولى شنو بالجريده الى شدهم

فواز,, بنات ما عندهم شغله اكيد صوره مغنى او لا عب او مسوين تنزلات ملابس

فهد,, هههههههه حلوه هذه

عذارى,, اسماء لحقى

اسماء,, عذارى بنام شتبين

سميه,, شوفى شنو كاتبين بالجريده الهوشه الى امس

اسماءعلى طول قامت

وين اشوف

سميه,, كا شوفى وكاتبين اساميهم

اسماء,, قرت خالد سالم الرشيدى ومحمد عبدالله الرشيدى وعلى الكندرى
ياترى شنو اسمه الى كلمته امس
ابيت ابو خالد

خالد,, صباح الخير

ابو خالد وام خالد ,, صباح النور

ابو خالد,, انت يا مسود الويه

خالد,, اشفيك يبه

ابو خالد,, اقرا الجريده

خالد انصدم

ابو خالد,, سوت ويهى متهاوش عشان بنات

خالد ,, يبه انت فاهم الموضوع غلط

ابو خالد,, لا غلط ولا شى

ام خالد,, هدى شوى يا ابو خالد خلنا نفهم السالفه من الولد

ابو خالد ,, ما ابى افهم شى وطلع من البيت
طلع وراه خالد

خالد وتصل على محمد

خالد,, الوو محمد

محمد,, هلا خلود

خالد,, شكلك ما تدرى عن شى

محمد,, شنو صار

خالد,, بالجريده حاطين كل شى عن الهوشه ولا اسامينا بعد

محمد,, من صجك صج فشله

خالد,, وابوى معصب على

محمد,, فهمه السالفه

خالد,, ما عطانى مجال على العموم انا بكلمك بموضوع وين القاك

محمد,, تعال المقهى الى كل يوم

خالد,, اوكى جم الساعه

محمد,, 9
خالد,, اوكى باى
محمد,, باى

ابيت ابو فهد

عذارى,, اقول سميه وين علبه المكياج واستشوار للشعر مو لاقيته

سميه,, بالدرج الثانى

عذارى,, الحين شلون الجنطه مو راضيه اتسكر

سميه,, ههههههه حشى شحاطه فيها

عذارى,, ولا شى

سميه,, ولا شى واهى تبى تنفجر

اسمعوا طقه الباب

سميه,, منو

انا فواز بدخل

سميه,, ادخل

فواز,, شقاعد تسون

سميه,, مثل منت شايف عذارى قاعد اتجهز جنتطها

فواز,, ههههههه شنو هذا شحاطه بالجنطه صج لى قالو حريم ناقصين عقل

عذارى,, الحين جاى عشان اتطنز حضرتك

فواز,, خلينى اسكر الجنطه معاج

عذارى,, ما ابى منك شى بقول حق فهد

فواز,, اقص ايدى اذا ما فى زياده وزن

عذارى,, وانت شكو منو الى بيدفع انت

فواز,, لا ابوى

عذارى,, عيل فارج

فواز,, طرده

سميه,, فواز الحين بدال ما تقولها كلام يفتح النفس عشان بتسافر تقولها جذى

فواز,, انا بطلع يالله سي يوو

عذارى,, سي يوو توو يا الفاشل

كان فهد صاعد السلم وفواز نازل بيطلع

فواز,, اقول فهد مو تنسى تاخذ معاك فلوس اذا راح تودى السنيوره المطار

فهد,, ليش انشالله

فواز,, شنو ليش روح شوف شحاطه بالجنطه مو مخليه شى بالبيت مو حاطته

فهد,, ههههههههه خلها براحتها

فواز,, روح بس على راحتها
اقول روح سكر الجنطه لانه حرام الجنطه بتموت من الملابس

فهد,, روح بس ما عندك سالفه

راح فهد لغرفت البنات

فهد,, ها يا حلوين شتسون

عذارى,, فهد تعال سكر الجنطه مليت انا وسميه قاعدين فوقها نبيها اتسكر مافى فايده

فهد,, ليش جذى اخذى جنطه ثانيه

عذارى,, جذى يصير وايد

فهد,, ولا يهمج انشالله ول تحطين عشر جناط

عذارى,, تسلم يا احلى اخو بهالدنيا مو فواز

فهد اول ما سمع كلمت اخوى تضايق وطلع من الغرفه

سميه,, اشفيه هذه طلع

عذارى,, وانا شدرانى يالله انا بنام باجر من الصبح الطياره

سميه ,, يالله وانا بنام بعد

ثانى يوم

فهد,, عذارى يالله تأخرنا على الطياره

فواز,, لا تحاول من الصبح واهيا من مكان لى مكان وما تتعب

عذارى,, يالله كانى
فواز,, شنو هذا الجمال مشالله عليج
فهد اول مره يشوف عذارى فاتحه شعرها وكانت عجيبه وين الجنطه
عذارى,, الشغاله ودتها السياره

فهد ,, اوكى انا بالسياره مو طولين

عذارى احضنت سميه حيل وقعدت تبجى

سميه,, والله اذا ما دقيتى كل يوم بزعل والله

عذارى,, وانا اقدر

حبت اسماء وخالها وخالتها وجدتها وسلمت على فواز وراحت للمطار

فهد,, يالله هذه التذكره دخلى بهالبوابه وشوفى لا تكلمين احد وانا موصيه عليج هالحرمه اوكى

عذارى,, اوكى ولا يهمك

فهد,, ما اوصيج اول ما توصلين تدقين

عذارى,, اوكى باى

راحت عذارى للطياره وكان اول مره تركب فيها الطياره بروحها كانت متعوده ويه ابوها

اركبت وكانت الطياره اكثر شى عوايل وحريم ويهال بس فى اثنين كانو وراها شباب

عذارى,, اف شنو هذا مالقوا يقعدون الا وراى

عبدالله ولد عمره 19 حلو وكان مغرور شايف عمره بس طيب معاه اخوه عمره 24 كان مريض ورايح يتعالج اسمه على

عبدالله ,, على شوف البنت

على,, اشفيها

عبدالله ,, حلوه وبروحها وشكلها كويتيه

على,, يمكن ماعندها احد

عبدالله استغرب انه بنت بعمرها بروحها بالطياره وحلوه شلون

عذارى كانت خايفه بذات ليم يكون فيه مطبات هوائيه

اول ما اوصلو كانت عذارى تعبانه حيل اكيد 8 ساعات بالطياره

عذارى,, الحين وين اروح مطار الشيك كبير
واقعدت بالكرسى وبس اطالع الناس الرايحه والرداه

عذارى,, سنو بسوى الحين بنام بامطار الحين

راحت حق الجوازات لانه شافت الناس كلها واقفين اوقفت معاهم واهيا ما تدرى شنو صاير
اوقفوا على وعبدلله ورها

ليم اوصلت حاولت اتكلم راعى الجوازات بالانجليزى عشان يعلمها بس ما فهم بغت تبجى راحت ووقفت شوى من الدريشه

عبدالله ,, اقول على هذه شكلها مو عارفه شى

على,, انا بروح اشوفها

عبدالله ,, اوكى

على ,, لو سمحتى اختى انا شفتج اتكلمين راعى الجوازات بالانجليزى وشكلج مو عارفه وين تروحين تبين اى خدمه

انطرو الجزء الرابع عشان تعرفون شنو راح يصير مع عذارى


يتبع....

[عيونكـ غرامي]

جزء الرابع

وصلنا ليم سأل على عذارى اذا كانت تبى اى خدمه لانه حس انها ضايعه

عذارى,,مشكور اخوى بس صج انا مو عارفه وين اروح

على ,, اوكى ممكن جوازج عشان اوقعه ولا تخافين انتى بتكونين معاى عشان ما تخافين انى بسوى شى بالجواز

عذارى,, ما عليه انا بروح بس انت قولى

على,, اوكى تعالى معاى

راحو عذارى وعلى وعبدالله ووقعت عذارى الجواز واخذت جنطتها

على ,, اقول اختى هذه البوابه الخروج مع السلامه

عذارى,, مشكور اخوى مع السلامه

اطلعت عذارى واول ما اطلعت من الباب لقت ابوها اركضت عليه حتى انها خلت الجناط

عبدالله,, على شوف البنت اركضت على الريال شكله ابوها

على,, اى شكله جذى وخلت اجناطها بعد

عذارى,, مشتاقه لك وايد وايد يبه

ابو عذارى,, وانا اكثر ها ليش تأخرتى الطياره وصلت اقل من نصف ساعه وانتى طلعتى متأخر

عذارى,, شقولك يبه ضعت ولو مو الشباب هذولاك واتشر عليهم جان انا ما وصلت لك وقعت بالمطار

راح ابو عذارى وسلم على على وعبدالله

ابو عذارى,, السلام عليكم يا عيال

على +عبدالله وعليكم السلام

ابو عذارى,, مشكورين لانكم ساعتوا بنتى اهى قالت لى

على,, ماسوينه الا الواجب وهذه مثل اختى وشفتها ما عرفت شى وساعتها

ابو عذارى,, ما تقصر بس انا بعزمكم بمطعم

على,, ماله داعى احنا الحين بنروح نشوف لنا شقه عشان نحط اغراضنا ونرتاح

ابو عذارى,, عندى الشقه انا اعرف كل شى اهنى

على,, يريت اتساعدنا

ابو عذارى,, ولا يهمك تعالو معاى

راحو لبيت كان ابو عذارى ساكن فيها وفيها شقه مجابل بيت ابو عذارى

ابو عذارى,, هذه الشقه اظن كافى عليكم وقريبه يم شقتى بس ما قلتو لى ليش جاين الشيك

على,, والله يا خالى انا من كنت صغير ورجلى يالله امشى فيها ولازم علاج طبيعى وانصحونى بالشيك وهذه اول مره لى هنى وهذا اخوى عبدالله معاى

ابو عذارى,, سلامت وما تشوف شر وترا الى قالو لك انه العلاج اهنى صح كلامهم انا بعد بس انا من زمان اعالج اهنى كل عطله اجى واعالج وهذه بنتى اتخلص من الامتحانات وتجى

على,, اوكى عيل اشوفك على خير

راح كل واحد ولشقته

فى الكويت
وبالتحديد بالمقهى

خالد,, قوه

محمد,, هلا خلود وينك يا اخى كنت بمشى تأخرت

خالد,, اسف كان عندى شوى شغل

محمد,, اوكى بعديها لك هالمره المهم قولى شنو الموضوع الى بغيتنى فيه

خالد,, بصراحه انت اخوى واكثر بعد عشان جذى كنت بقولك شى

محمد,, قول

خالد,, انا بصراحه حبيت البنت الى قلت عنها انها معاك بالجامعه

محمد,, انزين وشنو المطلوب منى

خالد,, انا ما ابى العب عليها ولا شى انا ابيها على سنه الله ورسوله يعنى بتزوجها عشان جذى ابى اوصل لها بمساعتك طبعا

محمد,, اوكى ولا يهمك انا بسأل عن اسمها واسم عايلتها ووين ساكنين بس شوف خالد انت قلت راح اتزوجها يعنى مو شى ثانى

خالد,, اكيد هالشى انا مو من طبعى لعب على البنات

محمد,, يصير خير

فى بيت ابو فهد

اسماء كانت اتكلم شذى رفجتها واهيا روح معاها

اسماء,, اقول شذى ضايق خلقى اشرايج نطلع

شذى,, مالى مزاج اطلع مكان

اسماء,, ليش اشفيج

شذى,, بيتنا متكهرب

اسماء,, هههههههه متكهرب ليش

شذى,, والله صج متكهرب اخوى خالد متهاوش امس بمجمع شرق وحاطين اتفاصيل الهوشه بالجريده ولا بعد حاطين اسمه واسم عايلتنا وابوى معصب

اسماء استغربت وقالت لهدرجه الصدفه انها تطلع شذى اخت خالد الى تفكر فيه وودها اتعرف عنه

شذى,, اسماء انتى معاى

اسماء,, اى معاج انزين انا اخليج واتصل فيج بعدين اوكى

شذى,, اوكى باى

راحت اسماء تحت بالصاله وكان الكل قاعد

سميه,, بصراحه انا بموت من دون عذور

اسماء,, اى والله تعودنا عليها

فواز,, كله شهر ما تقدرون تسغنون عن ام السان طويل

سميه,, اقول حدك لا تغلط واهيا موموجوده

ابو فهد,, اعنبو خيركم ولا جنى قاعد بينكم مناجر

ام فهد,, عيب يا عيال ابوكم قاعد يالله كل واحد وغرفته

سميه,, اسفين يبه يالله انا رايحه

اسماء,, اخذينى معاج

فهد ما كان معاهم يسمع بس عقله مع عذارى لانه صج تعودو عليها
راح لغرفته ونام

فواز طلع مع ربعه وسميه واسماء قاعدين على الفيديو

فى الشيك

عذارى,, يبه شنو بغيت عشى

ابو عذارى,, مو متعود اتعشى ياعمرى

عذارى,, لا ما يصير لازم تتعشى من اليوم ورايح لانه انا الى بسوي العشى

ابو عذارى,, اوكى الى يريحج

راحت عذارى وسوت عشى وتذكرت على وعبدالله انه ما عندهم احد وما يعرفون شى بالشيك سوت لهم بعد عشى خفيف

عذارى,, يبه ترا سويت عشى لنا وحق عبدالله وعلى اذا ما عليك امر تودى لهم العشى

ابو عذارى,, اوكى يبنتى ما قصرتى لانه حرام ما عندهم احد يطبخ لهم وما يعرفون للمطاعم الزينه اهنى

راح ابو عذارى لهم

ابو عذارى,, السلام عليكم يا عيال

عبدالله ,, هلا خالى شنو هذا عنك

اخذ منه الصينيه

ابو عذارى,, هذا عشى من عذارى بنتى اكيد مو ماكلين شى

على,, والله تونى اقول حق على شنو راح ناكل ما قصرتو رايتكم بيضه

ابو عذارى,, يالله اخليكم عذارى تنطرنى على العشى مع السلامه

على +عبدالله مع السلامه

نامت عذارى بعد تعب 8 ساعات

ثانى يوم

ابو عذارى,, يالله انا بروح للمستشفى وما اراح اطول بس دربالج تروحين منى ولا منى

عذارى,, لا توصى يبه انا مو اول مره اقعد بروحى وانت تروح للمستشفى

ابو عذارى,, اوكى يالله مع السلامه ما تبين شى من برا

عذارى,, اتعرف ابى ايس كريم

ابو عذارى,, ههههههه انتى لى الحين غالى والطلب رخيص

طلع ابو عذارى وقال بمر يم على وعبدالله

ابو عذارى,, ها على تروح معاى

على,, اى يا خالى المستشفى عشان ابدى العلاج

وراحو وعبدالله ظل نايم اما عذارى فقعدت اطالع التلفزيون

عذارى,, شنو هالملل ليش ما اروح للحديقه الى تحت

البست عذارى واخذت معاها هتفون اغانى

قعد عبدالله وما كان عنده اى شى يسويه وحتى كان عنده تلفزيون لانهم اول مره لهم بالشيك راح للبلكونه وشاف عذارى بالحديقه

عبدالله,, هذه شنو قاعد تسوى ما تخاف احد يخطفها خل اروح لها

راح عبدالله لها

عبدالله,, السلام عليكم

ما ردت لانه كانت حاطه السماعه وما تسمع شى واهو كان وراها

عبدالله,, قلنا السلام عليكم
وهم ما ردت

عصب وراح جدامها

قلت السلام عليكم

عذارى,, شنو ما سمعت وشالت السماعه

عبدالله,, وانا اقول ليش ما تردين
عادرى اتسلف منج الهتفون ضايق خلقى وما عندى شى اسويه

عذارى,, اسفه روح واشتر لك وحده

عبدالله,, انزين ما ابى منج شى مشكوره وراح عنها

عذارى,, الحمدالله والشكر يعنى زعل ولا اهتمت له
وقعدت تسمع
اما عبدالله حقد عليها

عبدالله,, انا عبدالله بنت تقولى اسف والله شايفه عمرها ما ادرى على شنو

وقعد ويطالعها

عذارى,, وين توم اليوم لا يكون انتقلو لمكان ثانى

توم ولد انجليزى عمره 10 سنوات واهم من زمان عايشن بالشيك وعذارى كانت تلعب معاه معنه فارق السن بينهم كبير بس الملل اجبرها

توم,,hi

عذارى,, toom wher are you

توم,,a,m her a miss you and a miss for pley with you

عذارى,, me too
ok lest go pley

اقعدو يلعبون طول الوقت

عبدالله ,, الحمدالله والشكر صج عقل ياهل تلعب مع واحد عمره 9 ما ادرى 8

تملل عبدالله وايد وقال بروح لهم

عبدالله,, عذارى منو هذا

عذارى,, هذا توم اعرفه من زمان وكل ما اجى اهنى العب معاه

عبدالله,, تلعبين مع ياهل

عذارى,, الياهل هذه افهم منك

عبدالله,, شقصدج

عذارى,, ولا شى وراحت عنه بعد ما راح توم

عبدالله,, لحظه تعالى شقصدج انى ياهل

ما اهتمت له وراحت للشقه

عبدالله,, انزين اردها لج

رد على وبو عذارى

عبدالله,, تو الناس مخلينى اهنى بروحى

على,, انا ما رحت العب رحت اعالج وزين انى عرفت هالريال والله لو مو اهو ما عرفت وين اروح

عبدالله بقلبه اى وانا يريت ما عرفت ام السان طويل هذه

عبدالله,, اوكى انا بنام

على ,, وانا بعد لانى تعبان

ابو عذارى,, اقول عذارى ما تبين ادقين على خوالج اطمنينهم

عذارى,, يريت يبه

ابو عذارى,, اوكى هاج التلفون دقى

دقت عذارى

عذارى,, الووو

فواز,, الووو منو معاى

عذارى,, معاك الانسه عذارى

فواز,, والكوبه انزين

عذارى,, الحين بدال ما تقول شلونج يا بنت عمى شخبارج تقول جذى مالت يالله عطنى الى احسن منك بالاسلوب

فواز,, ما راح اعطيج احد

سميه,, فواز منو اتكلم

فواز,, وانتى شكو

سميه,, تقول ما راح اعطيج احد منو هذه

فواز,, عذارى

سميه,, صج احلف صج ما عندك ذوق وتقولها جذى هات السماعه

سميه,, قوه عذور

عذارى,, هلا سميه شلونج وشلون الكل

سميه,, تمام بس تصدقين البيت من دونج مو حلوو

فواز,, بالع** احلى من قبل

سميه,, مالج دخل منه

عذارى,, وين اسماء

سميه,, لحظه اناديها لج

اسماء اسماء ويهد تعالى

ما ردت عليها
راحت وطول الطريج اتصارخ

فهد,, وعمه انشالله ما فيج حيه اتصارخين ما فى جيران يسمعون

سميه,, عذارى بالتلفون بعدين ينقطع الخط

فهد اول ما سمع عذارى راح على طول وكلمها

فهد,, قوه عذارى

عذارى,, هلا فهد شلونك شخبارك

فهد,, انا تمام ليم سمعت صوتج

عذارى,, وين اسماء

فهد,, افا الحين تبين اسماء يعنى ما تبين اتكلمينى

اسماء,, هات السما عه ما طلبتك انت

اسماء,, قوه عذور

عذارى,, هلا والله بالحلا كله شلونج وشلون العطله معاج

اسماء ,, كلو التمام التمام

وينقطع الخط

اسماء ,, لا انقطع الخط

سميه,, ليش جذى ما كلمتها وقلتها متى تجى

فواز,, البنت امس رايحه تبين باجر تجى صج غبيه

سميه,, بس ما عندك سالفه وراحت فوق

اما عن محمد عرف اسم اسماء وعرف عايلتها وقال لخالد وعرف خالد انه شذى بنفس الكليه الى اهيا فيه بس وده يسأل عنها شذى اذا يعرفها ولا لا

خالد,, شذى ممكن ادخل

شذى,, ادخل خلود

خالد,, شذى ممكن اتكلم معاج بموضوع

شذى,, اى اكيد

خالد,, انا بصراحه ودى اسألج عن بنت بنفس كليتج

شذى,, شسمها وليش تسأل عنها

خالد,, اسمها اسماء ناصر الخالدى

شذى,, شنو قلت

خالد,, الى سمعتيه

شذى,, خالد هذه رفيجتى حيل معاى

خالد,, صج والله
وبقلبه هيا قدرت اوصل لها اكثر

شذى,, خالد شتبى من البنت

خالد,, انا بتزوجها

شذى,, شنو وانت وين اتعرفها عشان اتزوجها

خالد,, شفتها وانعجبت فيها وسألت عنها وليم دريت انها بفس كليتج قلت بقولج يمكن اتعرفينها

شذى,, فهد ترا هالبنت محترمه وما اسمح لك تسوى لها اى شى

خالد,, اشفيج انتى ما راح اسوى لها اى شى والله بتزوجها بس بسألج عنها ابيج اتكلمينى عنها

شذى,, والله اسماء بنت اعرفها من اول ما دخلت الجامعه واهيا بنت اخلاق ما عندها غير دراستها يعنى ما اتعرف سوالف هالايام

خالد,, هذا اهم شى عيل انا بروح اكلم امى

شذى,, مو جنك مستعجل

خالد,, اى قبل ما تطير البنت

فى بيت ابو فهد
ابو فهد,, اقول ام فهد بغيتج بموضوع

راحو للغرفه

ام فهد,, خير يا ابو فهد

ابو فهد,, فى واحد تقدم لاسماء

ام فهد,, منو هذا

ابو فهد,, ولد اخوى جابر محمد

ام فهد,, اى عرفته

ابو فهد,, ترا الولد ما يعيبه اى شى وكافى انه ولد اخوى

ام فهد,, انشالله انا اكلم اسماء والى مكتوب بيصير انشالله

راحت ام فهد عشان اتكلم اسماء بالموضوع

ام فهد,, اسماء بغيتج بموضوع


اسماء,, هلا يمه

ام فهد,, ولد عمج طلب ايدج للزواج

اسماء انصدمت

منو هذا سمه

ام فهد,, محمد

اسماء,, ما ادرى افكر واقولج

ام فهد,, اوكى على راحتج

ما اهتمت اسماء للموضوع وايد ونامت

اما خالد فكلم امه عن اسماء وما كان عندها اى اعتراض لانها اهيا كان ودها من زمان انها اتزوج ولدها

ام خالد,, انشالله الاسبوع الجاى اورح لهم واطلبها لك

خالد,, ليش يمه الاسبوع الجاى ليش ما يكون باجر

وللحديث بقيه

[عيونكـ غرامي]

الجزء الخامس

وصلنا ليم خالد كلم امه واهيا واعتده انها الاسبوع الجاى بتخطب له البنت الى يبيها

خالد,,يمه اسبوع وايد ليش مو باجر

ام خالد,,اثقل الثقل زين ليش الاعيله البنت مهى طايره

خالد,,شوفى يمه انتى بتحملين اذا البنت راح اطير منى اوكى

طلع خالد من البيت وهو متضايق اول مره بنت تقدر تخليه يسوى جذى معنى ما عرفتها ولا كلمتها بس انا مو من سوالف الى يكلمون

فى بيت ابو فهد

سميه,,فهد امانه ليش جذى انت يا اخى

فهد,, سميه قتلج مالى خلق اوديج روحى مع السايق

سميه,,ليش تبى امى تذبحنى اروح بروحى معاه

فهد,,مومشكله اخذى اسماء

سميه,,اسماء بتروح عند رفيجتها شذى

فهد,,روحى معاها

سميه,, انت شفيك والله يناس متملله من راحت عذارى وانا مو طايقه احد انا بعطله من حقى اطلع

فهد حس انه اختى متضايقه واهيا بعطله ومن حقها انها تطلع

فهد,, اوكى بس شوفى اذا تأخرتى مثل عوايدج بالبس بهون

سميه,, اوكى

راحت والبست احلى ما عندها
دخلت عليها اسماء

اسماء,, شنو هذا الاخت وين بتروح عرس

سميه,,جب مالج دخل يالله طلعى عن غرفتى ولا تكلمينى

اسماء,, احسن بعد

راحت اسماء تحت الصاله لقت امها

اسماء,, يمه عيل وين جدتى

امها,,نايمه انتى وين رايحه

اسماء,,بروح لشذى

امها,,اوكى حدج ساعه بالكثير وانتى اهنى ودربالج على روحج

اسماء,,انشالله يا احلى ام

اطلعت ويه السايق على بيت شذى اول ما وصلت اتصلت على شذى على اساس تطلعها برا

شذى,,حياج ما فى احدغريب

اسماء,, السلام عليكم

ام خالد ,, وعليكم السلام هلا والله ابنتى

اسماء,, هلا فيج خالتى اشلونج

ام خالد ,, بخير الحمدالله اشلون امج والاهل

اسماء,, يسلمون عليج

ام خالد,, الله يسلمهم

شذى,, تعالى معاى الغرفه عن اذنج يمه

ام خالد,, اذنكم معاكم

راحت شذى واسماء للغرفه اول ما دخلت استأذنت شذى على اساس تضيفها بشى

اقعدت اسماء اطالع غرفتها

اسماء,,مشالله بيتهم حلو
جت عين اسماء على صوره شذى مع بنت وصبى

اسماء,, هالولد وين شايفته
اى صح هذا اخوها خالد الى قالت عنه صج نسيت السالفه يا رب ما اشوفه
عشان ما يعرفنى

ادخلت شذى

شذى,,اتفضلى العصير وهذا الكيك امى مسويته

اسماء,, ماكان له داعى انا مو غريبه

شذى,, ادرى بس هذا الواجب

وقعدو يسولفون واستانسوا حيل وقعدت شذى اتوريها صورها وصور بنات خلاتها

اما عن سميه فراحت اهيا وفهد يتمشون

فهد فكر قال ليش ما اقول حق سميه واتساعدنى عشان ا**ب حب عذارى
تردد قال لا ما ابى

بعدين قال ليش لا سميه قريبه حيل من عذارى وانا اخوها ما اظن راح تتضايق بالع** بتستانس لانه عذارى اذا تزوجتها بتظل طول عمرها معاها
اى ليش لا

قعد طول الوقت يفكر شنو يسوى وشنو يقول وشنو الصح وشنو الغلط

سميه,, اقول فهد الى ماخذ عقلك يتهانبوو شفيك

فهد,, ما فى شى سلامتج

سميه,, على غير مو على قول انا اختك وروحى تفداك بس اشوفك فرحان

فهد,, تسلمين بصراحه فى موضوع بس ما ادرى بتساعدينى فيه ولا لا

سميه,, افا عليك قول بس

فهد,, بصراحه سميه انا احب عذارى

سميه,, شنووووووووو
شقلت
تحب عذارى
من متى

فهد,, من زمان بس محد حاس لانى ما كنت احب ابين لها

سميه,, وانا اقول كله ادافع عنها وليم قالت لك اخوى ذيج المره طلعت من الغرفه

فهد,, اى صح

سميه,, انزين بس عذارى صغيره عليك

فهد,, مو مهم بعدين عذارى عمرها 17 والحب ما فى كبيرو صغير وما اظن انها يا هل بالع** اهيا

سميه,, اى كمل اهيا شنو

فهد,, ولا شى

سميه,, اوكى انا بساعدك

فهد ,, صج شلون

سميه,, ما عليك خل الموضوع على انا بس الحين بتعشينى ولا لا

فهد,, افا عليج اختارى بس انتى اى مطعم وانا اوديج له

سميه,, كل هذا عشان عذارى

فهد سكت

خلاص ما ابى احرجك

راحو وتعشو ورجعوا
كان فهد مستانس لقى احد يقول له الى بقلبه بس الحين ما عنده غير سميه وشنو الى بتسوى

اما اسماء

شذى,, وين اسماء تو الناس

اسماء,, الساعه 10 وين تو الناس حلات الضيف يكون خفيف

شذى,, والله القعد معاج ما تنمل

اسماء,, وانتى بعد بس ها تردين الزياره بزياره

شذى,, اكيد يالله امشى اوصلج

اسماء طلعت وصلتها شذى لى الباب اول ما ادخلت شذى دق تلفون اسماء وقعدت تتكلم
بهالحزه وصل خالد وما كانت تدرى اسماء

اسماء,, اوكى ساره ولا يهمج باجر اعطيج الى تبينه

ساره ,, اوكى عمرى اخليج الحين

اول ما نزل خالد استغرب

خالد,, منو هذه البنت الى يم بيتنا وواقفه عنده شتبى

قرب يمها
خالد,, هلا اختى بغيتى شى

اول ما دارت اسماء شافته وعرفتنه من الصدمه طاح التلفون

خالد انصدم انتى مو معقوله

اسماء على طول اخذت التلفون الى ت**ر واركبت السياره وخلت السايق يروح

اما خالد من الصدمه ظل واقف مكانه

دخل البيت وما سلم

خالد,, شذى يا شذى

شذى,, اشفيك اتصارخ شنو صاير

خالد,, اسماء شنو كانت تسوى اهنى

شذى,, عبالى عندك سالفه

خالد,, ردى على سؤالى

شذى,, انزين لا تعصب على شنو بعد تسوى رفيجتى وزايرتنى

ام خالد,, شفيك انت تصارخ

راح لغرفته وكان منصدم من الموقف

اما اسماء انحرجت حيل

اسماء,, وانا شكو فيه بس خرعنى حسبى الله عليه و**ر التلفون اف عاد مو وقته

اوصلت اسماء
اسماء ,, السلام عليكم

ام فهد وابو فهد,, وعليكم السلام

ام فهد,, تو الناس ليش ما تردين على التلفون

اسماء,, شوفى التلفون طاح منى وان**ر

ابو فهد,, مو مشكله يبنتى نشترى لج واحد ثانى

اسماء,, اوكى بروح انام

ابو فهد,, ها ما كلمتى البنت على ولد اخوى

ام فهد,, امبله بس قالت بفكر

ابو فهد,, ما نبى انطول على اخوى اكثر روحى وشوفيها واعرفى جوابها الحين

ام فهد ,, اوكى

راحت لها
ام فهد,, اقول اسماء

اسماء,, هلا يمه

ام فهد,, ابوج يبى يعرف ردج على موضوع ولد اخوه

اسماء,, يمه ما ادرى

ام فهد,, شنو ما تدرين فكرى وباجر تجين انتى وتقولين ردج


اسماء,, اوكى

راحت ام فهد تحت الصاله

ابو فهد,, ها شقالت لج

ام فهد,, باجر بنعرف الجواب

ابو فهد,, اوكى بشوف

وبهالحزه يدخل فواز

فواز,, هاى

ابو فهد,, شنو هاى اتكلم واحد من الربع انت

فواز,, اسف السلام عليكم

ابو فهد,, وين كنت لى هالحزه

فواز,, يعنى وين ويه ربعى

ابوفهد,, ربعك شوف الربع الى يظلون لى الحين ما منهم فايده

فواز,, يبه احنا بعطله ما فيها شى اذا قعت مع ربعى لى هالحزه

ابوفهد,, اذا شفتك تأخرت مره ثانيه ما تلوم الا نفسك

فواز,, اوكى
راح لغرفته ونام

فى الشيك
عذارى,, يبه بروح للسوبر ماركت تبى شى

ابو عذارى,, لا بس تحملى على نفسج

عذارى,, اوكى مو اول مره لا تخاف

راحت عذارى اول ما انزلت شافت عبدالله بالحديقه ما اهتمت له وراحت

عبدالله,, هذه حيل شايفه عمرها والله لعلمها منو عبدالله الى كل بنت تتمنى اتكلمه

عبدالله,, عذارى
عذارى صبر شوى

عذارى,, هلا اى خدمه

عبدالله,, وين رايحه

عذارى,, ليش السؤال

عبدالله,, فضول

عذارى,, السوبر ماركت

عبدالله,, بروحج شلون ابوج يخليج بروحج

عذارى,, عادى انا هالمنطقه يعرفونى لانى كل عطله اجى اهنى وما فى خوف

عبدالله بقلبه حيل واثقه من عمرها

عذارى,, عن اذنك خيوو

عبدالله,, بروح معاج

عذارى ما ردت عليه وكملت طريجها واهو كان وراها

شرت كل شى تبيه واهو كان يشترى بس ما يعرف قيمه الى يشتريه

عذارى حاسبت وطلعت وما اهتمت له

عبدالله ,, عذارى صبر شفيج مشيتى وخليتنى

عذارى,, لو سمحت عبدالله انت قاعد تحجرنى لو ابوى يشوفنى معاك شيقول انت غريب على اى اساس اروح معاك
وراحت عنه

عبدالله استغرب بس حب شخصيتها وعرف انها بنت تربيتها حلوه وما عندها سوالف بطاليه

ادخلت عذارى للشقه
ابو عذارى,, زين ما تأخرتى

عذارى,, لا السوبر ماركت مو بعيده ورانا

ابو عذارى حس بتعب وقعد يتنفس ابطىء

عذارى,, يبه شفيك

ابو عذارى,, ما فينى شى

عذارى,, امبله انت تعبان

ابو عذارى تعب حيل وما عرفت شنو تسوى عذارى اهيا ما اتعرف مستشفى غير الى يتعالج فيها ابوها واهو علاج طبيعى

شسوى يربى وين اروح
اى ما فى غير توم

عذارى راحت للشقه الى فيه اهل توم يمكن يعرفون مستشفى
كان ابو توم يعرف اخذو ابو عذارى للمستشفى

وكان حالته حيل صعبه

ردت عذارى للشقه على اساس تاخذ تلفون اتكلم الكويت عشان ترد اهيا وابوها

عبدالله,, عذارى وين رايحه هالحزه
ما ردت عليه اركضت واهيا تبجى
عبدالله استغرب حس انه فى شى
راح وراها
راحت لابوها مع ام توم عبدالله ما قدر يروح وراها لانه ما عرف شلون يروح
ظلت عذارى طول الليل جم ابوها

عذارى,, انا لازم اروح اكلم الدكتور بعرف شنو فيه ابوى

راحت كلمت عذارى الدكتور ومن حسن حظها انه اجنبى

انصدمت عذارى من الى اسمعته
حست انه خلاص مو قادره تسوى اى شى ولا بيدها اى شى
كان ابوها فيه جلطه بالقلب

حست انه بتفقد ابوها حست انه لازم ترجع للكويت مو عارفه شنو تسوى
المشكله ما تعرف شلون تدق لانه ما كان بالتلفون كرت
تذكرت على
راحت مع ام توم ووصلتها للشقه وخلتها تنطرها

طقت الباب فتح عبدالله

عبدالله,, عذارى ترا حركه بايخه انج تخلينى اكلمج وتروحين اشفيج

ما ردت عليه وقعدت اتنادى على على

على ,, خير اختى شنو فيج

عذارى قعدت تبجى

عبدالله منصدم لهدرجه انا ولا شى ولا جنى موجود

عذارى,, على لو سمحت ممكن اكلم الكويت ابوى تعبان حيل جتله جلطه بالقلب فجأ

على وعبدالله انصدموا ابو عذارى ماكان فيه شى

دق على على الرقم الى عطته له عذارى

فواز,, الووو منو معاى

عذارى,, فواز وين خالى

فواز,, بسم الله الرحمن الرحيم انتى من وين طلعتى

عذارى,, فواز بلا بياخه عطنى خالى

فواز حس انه عذارى فيها شى

فواز,, اشفيج عذارى

عذارى,, عصبت انت ما تسمع قاعد اقول لك عطنى خالى

راح فواز وقعد ابوه من النوم

ابو فهد,, خير شفيك مقعدنى هالحزه

فواز,, يبه عذارى على التلفون وقاعد تبجى

اقعدت ام فهد راحو للتلفون
ابو فهد,, خير عذارى شنو فيج

عذارى,, الحق خالى ابوى تعبان ولازم يجى الكويت اهنى مو عارفه شسوى قاعده تقول كلام وتبجى

خالها,, اوكى انا اكلم فهد وراح يحجز لكم اول طياره

ابو فهد,, فواز روح قعد فهد بسرعه

ام فهد,, خير شنو فيه

ابو فهد,, ابو عذارى جتله جلطه بالقلب والبنت مو عارفه شنو تسوى

فواز,, فهد فهد قوم

فهد,, اشتبى انت بنام

فواز,, قوم مو وقته

فهد,, شنو صاير

فواز,, ابو عذارى تعبان وعذارى توها دقت

فهد على طول قام من الفراش وراح تحت

فهد,, خير يبه صج كلام فواز

ابو فهد,, اى صح من باجر تحجز تذكرتين لى ولك نروح نجيب بنت عمتك وعمك اوكى

فهد ,, اوكى

انتظرو الجزء السادس عشان تعرفون

شنو راح يصير مع اسماء وخالد

وشلون راح تقدر سميه تقرب بين عذارى وفهد
وشنو راح يصير مع عذارى وابوها


يتبع...

[عيونكـ غرامي]

وهذا الجزء عشان عيونكم

الجزء السادس

وصلنا ليم قال ابو فهد لفهد انه راح يروح يحجز عشان يجيبون عذارى وابوها

الساعه كانت 3 الفجر والبيت كان مقلوب فوق تحت الكل قاعد ويحاتى بذات فهد الى حس انه عذارى الحين ما عندها احد يوقف معاه

بغرفت سميه ما قدرت تنام تسمع اصوات شافت الساعه لقتها 3

سميه,, شنو السالفه شعندهم هالحزه
خل اروح اشوف اسماء

راحت لغرفه اسماء واهيا ما تدرى شنو صاير

سميه,, اسماء اسماء ويهد انزين قومى

اسماء,, خير شتبين

سميه,, قومى معاى ما ادرى شنو صاير تحت الساعه الحين 3 الفجر والكل مجتمع تحت

اسماء,, شنوو

سميه,, مالت عليج انزين الشرهه مو على على الى يقعدج ويحسب لج احساب

راحت عنها واسماء النوم سيطر عليها وردت نامت ولا حست بكلام سميه

سميه,, خير شفيكم

فواز,, ابو عذارى تعبان جتله جلطه بالقلب وعذارى مو عارفه شتسوى

سميه,, يا قلبى يا عذارى انزين وشنو بتسون

فواز,, باجر ابوى وفهد بيروحون لهم

فى الشيك

كانت الساعه 9 بليل
وعذارى كانت حالتها حاله مو عارفه شتسوى او وين تروح

على وعبدالله ما خلوها لانها بنت صغيره وبروحها واهل توم الاجانب هما كانو معاها

على,, اختى عذارى شنو قالو لج بالكويت

عذارى,, بيحجز لنا خالى تذاكر وبنرد

عبدالله لا ليش تردون تعوت عليج
بقلبه زعلان ومتضايق زعلان عشان ابو عذارى ومتضايق لانه تعود على عذارى

الدكتور طلع وطمنهم انه حالته شوى صارت احسن بس لازم يتعالج والعلاج مو متوفر اهنى

عذارى,, ابوى بيروح من ايدى وانا مو بيدى شى وقعدت تبجى

عبدالله تقطع قلبه من شاف عذارى جذى يتيمه الام والحين ابوها تعبان وبروحها

عبدالله,, لا تحاتين انشالله بيصير احسن

فى اليوم الثانى
بالكويت
فهد من الصبح راح وحجز تذاكر له ولابوه
بس للاسف ما لقه بنفس اليوم لانه مستحيل يحجز وبنفس اليوم يروحون

فهد,, الله يخليك يا اخوى الحاله مستعجله شوف اى طياره توصلنا للشيك مو مهم الفلوس

راعى التذاكر,, اسف اخوى ما اقدر الطيران للشيك فل

فهد,, انزين متى يعنى

راعى التذاكر,, شوف انا براعى ظروفك راح اشوفلك باجر لانه باجر فى طياره وعلى حظك

فهد,, اوكى الله يخليك انطر منك اتصال

راح للبيت واهو تعبان الكل كان تعبان ما نام باليل

ام فهد,, ها جبت التذاكر

فهد,, ما فى حجز هالايام

ابو فهد,, اشلون يعنى ما فى الريال تعبان والبنت بروحها ما يصير جذى

فهد,, الريال وعدنى انه بيشوفلى حجز حق طياره بكرا وبيتصل

طلع ابو فهد من البيت وراح للشركه الطيران الشيكيه

ابو فهد,, لو سمحت اخوى ممكن اكلم المدير

السكرتير,, ليش فى مشكله بالحجز عندك

ابو فهد,, لو سمحت حاله مستعجله وودى اكلمه

السكرتير ,, اوكى لحظه شوى

راح ابو فهد للمدير وقاله كل شى يمكن يلقى حل والحمدالله قدر يتفاهم مع اثنين مسافرين كويتين وتفاهمو يعنى باجر بيسافرون

ابو فهد,, ما ادرى شنو اسوى لك يا اخوى والله لو مو حاله طارئه والبنت بروحها ما احرجناك مع الناس

المدير,, لا عادى هذه حياه وموت وانا مراعى ظروفك

طلع ابو فهد وعلى طول للبيت

ابو فهد,, السلام عليكم

الكل ,, وعليكم السلام

ابو فهد,, اسمع يا فهد باجر راح نسافر الساعه 9 بليل اوكى

فهد,, شلون يبه ما فى حجز

ابو فهد,, انا تكلمت مع المدير وفهمته وخلاص بنسافر روح ارتاح الحين عشان ما تتعب باجر

فهد استانس لانه ابوه لقه حجز وبيروح لعذارى

اسماء اقعدت وما كانت تدرى شنو السالفه

اسماء,, سميه شنو صاير

سميه,, تو الناس لا ردى لنومتج احسن

اسماء,, سميه مو وقته لا صج اشفيكم

سميه قالت كل شى لاسماء واهيا بعد تضايقت

اسماء راحت لغرفتها وكان ضايق خلقها

اسماء,, اف شالعطله الكئيبه

ادق على شذى احسن

اسماء,, الووو السلام عليكم شذى

شذى,, هلا والله وعليكم السلام

اسماء,, شلونج وشلون الاهل

شذى,, الكل تمام انتى شلونج وشلون الاهل

اسماء,, والله احنا بيتنا متكهرب اليوم

شذى,, ليش عسى ماشر

اسماء,, عذارى بنت عمتى مو سافرت لابوها الى يعالج بلشيك

شذى,, اى

اسماء,, امس جتله جلطه بالقلب فجأ والبنت بروحها وما تعرف شتسوى

شذى,, يحرام الله يعينكم انشالله ويشفيه

اسماء,, انشالله

شذى,, اقول سماء ودى اسألج سؤال

اسماء,, تفضلى

شذى,, انتى مرتبطه يعنى احد تقدم لج

اسماء,, ليش

شذى,, جذى اسأل

اسماء,, قبل جم يوم خطبنى ولد عمى وما ادرى

شذى ,, اهاا

اسماء,, اوكى شذى اخليج الحين تامرين على شى

شذى,, لا سلامتج بس خلينا نشوفج

شذى اضحكت بتروح منك البنت يا خالد
خل اروح ابشره

شذى,, خلود ممكن ادش

خالد,, دخلى

شذى,, عندى لك خبر

خالد,, شنو

شذى,, اسماء انخطبت

خالد,, شنوووووووو
شقلتى

شذى,, اسماء انخطبت

خالد,, وانتى اشدراج

شذى,, تونى مكلمتها وقالت لى


خالد على طول نزل تحت يكلم امه

شذى,, وين رايح

خالد,, يمه بكلمج ابموضوع

ام خالد,, شنو صاير

خالد,, يمه البنت بطير منى قتلج روحى خطبيها لى قلتى لا الاسبوع الجاى

شذى,, خالد ترى مو وقته تروح تخطب

خالد,, ليش انشالله

شذى,, لانه ابوها وفهد اخوها بيروحون للشيك لانه عمها تعبان وبنته ما تعرف شتسوى بروحها

خالد,, شنو هالحظ
طلع من البيت وكلم محمد

خالد,, قوه حمود

محمد,, هلا والله

خالد,, محمد شفت حظى

محمد,, اشفيه حظك

خالد,, البنت بطير منى

محمد,, اى بنت

خالد,, تستعبط انت ووجهك منو يعنى اسماء

محمد,, ههههههههه الحين خالد الى ما يعطى وجه للبنات بنت تسوى فيه جذى

خالد,, اى تمصخر ليش مو من البشر انا احب يعنى

محمد,, هههههههههه

خالد,, ضحكت بليه اضروس انشالله

محمد,, انشالله الى يكرهونى

خالد,, يالله باى

سكر الخط وقعد يفتر من شارع لى شارع ويفكر وحالته حاله

فى اليوم الثانى الساعه 7 بليل

فهد,, يالله يبه خلنا نروح المطار

فواز,, الطياره الساعه 9

فهد,, عادى نقعد بالكافى لين ما تجى الساعه 9

سميه ,, فهود بغيتك شوى

فواز,, هما هذه صار عندها اسرار

فهد,, هلا سميه

سميه,, الحين تقدر تثبت حبك لعذارى

فهد,, ما فهمتج

سميه,, يعنى خلك جمها حسسها انه فى احد مهتم فيها ويحبها

فهد,, اوكى

سميه,, ما اوصيك تدق واطمنى

فهد وابوه اطلعوا بعد ما سلمو على الجميع

بالمطار

فهد,, انا بروح اشترى قهوه تبى يبه معاى

ابو فهد,, لا ما ابى
اقول فهد اخذت عنوان عمك

فهد,, اى اخذته ورقمه عندى

ابو فهد,, زين

اقعدو بالمطار لين ما جت الساعه 9 وسافروا

اول ما اوصلوا كانو مو قادرين يشيلون ريلوهم من التعب

فهد,, يبه هذا ت**ى

ابو فهد ,, وقفه

فهد وقف التا**ى وعطوه العنوان ووصلهم

اول ما ادخلو استغربو من المكان كانت غرفتينى وجناح

فهد وابو فهد شافوا بنت قاعده ومعاها اثنين شباب واجانب

فهد,, يبه هذه مو جنها عذارى

ابو فهد,, خلنا نروح نشوف

فهد مستغرب منو هذولى الاثنين

عذارى,, خالى
واحضنته وقعدت تبجى

ابو فهد,, افا عليج يبنتى الحين نرجع للكويت ويتعالج ابوج

عذارى,, وين يعمى الدكتور يقول حالته ردت اسوء من قبل

فهد,, قوه عذارى

عذارى,, هلا فهد

عذارى,, خالى اعرفك على على وعبدالله الى اوقفوا معاى من اول ما وصلت للمطار لى اليوم

فهد تضايق هذولى ساعدوج وانا شنو اكيد طوفه

ابو فهد,, هلا والله مشكورين يا اعيالى

عبدالله,, ما سوينا شى يخالى

طلع الدكتور

ابو فهد,, ها بشر

عذارى,, خالى ما يفهم عربى

الدكتور ,, am sorry he is dead

عذارى ,,شنوووووووووو ماااااااات

لااااااااا مستحيل ابوى ما كان فيه شى ما فيه شى
ملت عذارى المكان اصراخ وبجى

فهد ما قدر يشوف جذى عذاى وطلع

اما عبدالله وعلى وقفين ما يدرون شنو يسون لها

خال عذارى,, هدى يبنتى كل شى مكتوب وهذه يومه وكلنا ما شين بهالطريج

عذارى,, خالى ابوى ما كان فيه شى حراااااااااااام والله حرام
جتلها مثل الحاله الهستريه
قعدت تقول كلام مو مفهوم وتبجى

فى اليوم الثانى

ابو فهد,, يالله يولدى اخذ الجناط وروح للت**ى وانا بجيب عذارى وبجى

فهد,, اوكى

ابو فهد,, يله عذارى بنرد للكويت

قامت عذارى بدون اى كلمه وركبت السياره

عبدالله ظل يطالعها وده يقولها مع السلامه بس حالتها ما تسمح انه احد يكلمها

بعد 8 ساعات طيران
ردوا

فهد دخل اول واحد للبيت كانت سميه وفواز الى بالصاله
اسماء,, فهد انتو متى وصلتو شنو صار معاكم
سميه,, فهد وين عذارى وعمى

ما تكلم وراح لغرفته من التعب

دخلت عذارى وخالها

سميه,, راحت لها واحضنتها بس عذارى اطالعها ولا قالت لها شى

سميه,, يبه عذارى شفيها

ابو فهد,, عمج توفه

فواز,, شنووووووو
طاحت عذارى من مكانها اخذوها للمستشفى
الدكتور,, البنت مو ماكله شى صارلها جم يوم حالتها صعبه جدا

ابو فهد,, فهد خلنا نرد البيت الحين يجون رجاجيل يعزون وما يلقون احد

ثلاث ايام والكل مرهق وتعبان حريم طالعين وداشين ورجاجيل داشين وطالعين

اما عذارى بعد اسبوع بالمستشفى طلعت

وحالتها كل ما تزيد اسوء

ما قامت تكلم احد ولا تاكل شى

اما فى الشيك

على ,, عبدالله شفيك

عبدالله,, متضايق

على,, من الى صار لعذارى وابوها

عبدالله,, اى

على ,, هذه يومه

راح عبدالله للحديقه تذكر ليم عذارى قاعده ليم كانت تلعب مع طفل عمره 9 وكنت اضحك عليها
انا الى كنت ياهل مو اهى

فى الكويت

اسماء,, عذارى مو زين لج جذى حرام عليج شوفى ويهج اصار فيه اكلى عشانى

سميه,, الله يخليج عذارى بعدج انتى صغيره واحنا اهلج

ابو فهد, ها ما اكلت

ام فهد,, هذه حالتها انا تعبت منها

فهد واقف عند الباب ويطالع عذارى
شنو الى اقدر اسويه لها شنو

بعد شهرين من الى صار

عذارى صارت احسن بس تغيرت وايد
ما عادت مثل اول اتغشمر وتضحك ولا تتكلم وايد
بس على قد السؤال

سميه,, عذور ما بقى شى على الدراسه انا واسماء نبى نطلع يلى تجهزى

عذارى,, مالى مزاج للطلعه

سميه,, واذا قلت عشانى

عذارى,, اوكى

طلعوا وراحو للسو ق وتعشوا كانت عذارى تمشى وبس اطالع بالناس ما كانت مثل غيرها

فهد,, يمه وين البنات

ام فهد,, راحو للسوق

فهد,, زين خل عذارى تغير جو اشوى

انا بطلع تبين شى من برا

ام فهد سلامتك

اسماء ارفضت العريس الى تقدم لها على اساس ما تفكر بالزواج
وخالد درا من شذى واستانس وقرر انه يخطبها

خالد,, شذى يالله طولتى

شذى,, شوف احنا رايحين لبيت حبيبت القلب فلا تتأمر ترا بهون

خالد,, لا تشترطين شوفى مثل ما فهمتج تقوليها على كل شى

شذى,, اوكى

انتظروا الجزء السابع
عشان تعرفون شنو الى قاله خالد عشان تقوله لاسماء
وشنو راح يصير لعبدالله وعلى
وشلون راح يقدر فهد يقول لعذارى لحبه لها




يتبع’’’’’’

[عيونكـ غرامي]

الجزء السابع

فى بيت ابو خالد

خالد,,شذى يالله عاد

شذى,, اوكى خلصت

راحو خالد وشذى اهل اسماء وكان غرض خالد انه يعرف اهلها وانه شذى تتقرب من اسماء لصالحه طبعا

راحو لبيت ابو فهد

فهد,,حياك اخوى خالد نورت البيت

خالد,, مشكور اخوى البيت منور بصاحبه

فهد,, تسلم اخوى تفضل ليش واقف

تمو فهد وخالد يسولفون
دخل فواز

فواز,, مرحبا

خالد وفهد,, هلا والله

فهد,, اعرفك خالد اخو رفيج اختك اسماء

فواز,, مشكور اخوى

خالد,, انت فواز صح

فواز,, ما ادرى والله انى مشهور لهدرجه

ضحكوا عليه وعلى سوالفه حب خالد اهل اسماء

اما داخل البيت

شذى,, ها اسماء اشلون عذارى اليوم

اسماء,, الحمدالله احسن

شذى,, الله يعينها بصراحه انا عاذرتها لو شنو سوت

اسماء,, اكيد

شذى,, ها شلون العروس

اسماء,, منو العروس

شذى,, انتى مو انخطبتى يعنى عروس

اسماء,, هههههههههه لا ما فى عرس

شذى,, ليش

اسماء,, رفضته

شذى استانست وايد وقالت مدام جذى انا بفاتحها بالموضوع

شذى,, اسماء ممكن اتكلم معاج بشى بس لا تفهمينى غلط

اسماء,, انا افهمج غلط انتى رفيجتى الى ما عندى غيرها قولى

شذى,, بصراحه من غير لف ولا دوران خالد اخوى يحبج ويبى يخطبج واحنا مو مستعجلين فكرى على راحتج واى شرط انتى تطلبينه احنا موافقين

اسماء انصدمت خالد لا مستحيل

اسماء,, انشالله يصير خير

شذى,, توعدينى انج تفكرين

اسماء,, اوعدج

شذى,,مدام جذى انا بمشى

اسماء,, الحين انتى جايه عشان جذى

شذى,, اسماء والله انا ابى مصلحتج ولا ابى شى ثانى ولو ما شفت اخوى اول مره يحب بنت واهو الى مغرور ما جيت
ثانى شى انتى رفيجتى وما اسمح لاى واحد انه يكون سبب لفراقنا

اسماء حست انه كلام شذى من قلبها يعنى مو مصلحه

اسماء,, اوكى

شذى ,, انزين ما بقى شى على الجامعه اشرايج باجر نروح السوق نشترى للجامعه

اسماء,, اوكى ما عندى مانع

شذى,, مدام جذى الساعه 6 المغرب امرج

طلعت شذى برا وبهالحزه شافها فواز

شذى,, ممكن اخوى تنادى خالد

فواز,, انشالله

فواز,, خلود يالله الاهل يبونك

خالد,, يالله انا استأذن وتشرفت بمعرفتكم

فهد,, احنا اكثر ولا تقاطع بنزعل

خالد,, انشالله

راحو شذى وخالد للبيت
وطلعت قصه حب يديده
الى اهى اعجاب فواز بشذى

اسماء,, سميه وينج

سميه,, يعنى وينى بالصاله على التلفزيون

اسماء,, باجر بروح السوق

سميه,, صج

اسماء,, اشفيج مستانسه جذى ليكون عبالج بتروحين

سميه,, ليش لا

اسماء,, انا بروح ويه شذى وما نبى يهال معانا اسفه

سميه,, انا ياهل يا العجوز

اسماء,, اى من الحره تقولين جذى

فهد,, اشفيكم يا توم وجيرى بس كل وحده شطولها وسوالفكم جذى

عذارى كانت اطالع بغرفتها تحس بفراغ اكيد فقدان الاهل مو شى سهل

فهد,, وين عذارى

سميه,, بالغرفه يعنى وين

فهد,, الحين بدال ما تروح تونسينها قاعده تتهاوشون

سميه,, عذارى تغيرت مو مثل اول

اسماء,, اشتبينها تسوى يعنى بنت افقدت امها وابوها بتصير احسن من اول

فهد,, اقول بس صج ما عندكم سالفه تدرون كملو الكرتون مالكم يا توم وجيرى

راح فوق لعذارى

فهد,, ممكن ادخل ولا اطلع

عذارى,, طالعته بعدين قالت ادخل

فهد,, شوفى انا ادرى انه الى صارلج مو شى سهل بس مو معناته انه حياتج توقف
انتى عمرج 17 توج صغيره المفروض الحين تفكرين بالدراسه عشان تصير شى حلوو بالمستقبل

عذارى ما ردت عليه

فهد,, اوكى انا عازمج اليوم على العشى اشرايج

عذارى,, مالى مزاج اطلع مشكور

فهد,, افا الحين تردين عزيمتى

عذارى,, اوكى

فهد استانس انه عذارى قامت تتقبل معاه

فهد,, اوكى باجر الساعه 8 نروح المطعم الى تختارينه انتى

راح عنها واهو فرحان اما عذارى عادى عندها انسدحت على المخده ونامت

فواز,, اقول اسماء

اسماء,, يس

فواز,, منو هذه الى كانت عندج

اسماء,, منو اهى

فواز,, بلا عبط البنت الى كانت عندج

اسماء,, رفيجتى شذى

فواز,, واااااو اسمها جنان واهيا جنان

اسماء,, مالت عليك هى اقول البنت اكبر منك

فواز,, وشنو يعنى عادى

اسماء,, صج الولد استخف شنو عادى بس بس اقول روح العب مع ربعك احسن

فواز,, مالت عليج انتى

سميه,, اشفيكم

فواز,, مالج دخل يالبومه

ام فهد,, مافى عندكم حشيمه لاحد بهالبيت

فواز راح لغرفته والبنات بعد

سميه,, عذور الحين انا رفيجتج المفروض اقرب الناس لج ليش ما تعطينى اعتبار

عذارى ما كلمتها

سميه,, اوكى على راحتج بس مو تنسين انه الاسبوع الجاى مدارس وما جهزتى شى
تصبحين على خير

فى اليوم الثانى
الساعه 5 المغرب

اسماء,, سميه وين التونز مال التنوره الورديه

سميه,, وانا شدرانى شوفى وين حاطته

اسماء,, باقى نص ساعه وشذى تجى شلون الحين

سميه,, لبسى بدله ثانيه

بعد جم دقيقه اوصلت شذى كلمتها على اللبيت عشان تنزل

شذى,, مرحبا

فواز,, هلا منو معاى

شذى,, انا شذى ممكن تقول لاسماء انى تحت انطرها
مع السلامه وسكرت الخط

فواز,, اى شى بصراحه

اسماء اسماء شذى تحت

اسماء,, وين امى

فواز,, دورى عليها

اسماء,, يمه يماااااااااا

ام فهد,, صمخا انا مو انا وياج ابيت واحد

اسماء,, يمه بسرعه ابى فلوس تأخرت على البنت
ويمه مو تنسين تعطينى حق الموبايل الى ان**ر

راحت شذى واسماء للمهلب
كان السوق مو زحمه بس مايخلى من الشباب

شذى,, اقول اسماء تعالى هالمحل بشوف عطر يديد توه نزل

اسماء,, اوكى

شذى,, ممكن عطر بويزن لديور

راعيت المحل ,, اوكى

راحت اسماء لصوب المكياج

خلصوا وطلعوا من هالمحل

اسماء,, اقول شذى شوفى هالمحل الدبله الى عارضينها حلوه صح

شذى,, بس الوانها مو حلوه

اسماء,, يمكن فى الوان ثانيه

دخلو المحل وشتروا الى عجبهم المهم انهم افتروا السوق ماخلو شى ما اخذوه

شذى,, بس تعبت امشى خل نشرب شى ناكل شى

راحو لمطعم مشويات وسلطات
وكل وحده اخذت صحن وحطت الى تحب تاكله
اخذو طاوله وقعدوا ياكلون ويسولفون

بعدين جو شباب وقعدوا اجبالهم

اسماء,, اف الحين شلون اباكل

شذى,, مالج دخل فيهم

اسماء,, اى مو انتى معطيتهم ضهرج مو انا

اقعدوا الشباب يسون حركات ليم قامت اسماء

شذى,, وين

اسماء,, شبعت يالله قومى

شذى,, اوكى

طلعوا من المجمع وراحو للبيت

فى بيت ابو خالد

شذى,, السلام عليكم

خالد,, وعليكم السلام

شذى,, عيل وين امى وابوى

خالد,, راحو بيت يدى العود

شذى,, اوكى
وراحت لغرفتها

لحقها خالد

خالد,, شذى

شذى,, عارفه شنو بتقول خلود خلاص البيت اوعدتنى بتفكر فيك

خالد,, لا ادرى بس محد تحرش فيكم

شذى,, هههههههههه

خالد,, اشفيج تضحكين

شذى,, بدينا الغيره من الحين

خالد,, قولى تحرش فيكم احد

شذى,, تبى الصج اى فى واسماء قامت من اكلها وطلعنا من المجمع

خالد,, حسافه لو انا موجود جا خليت ويه خريطه

شذى,,هههههههه اى ناقصين عشان ابوى يعلقك بالمروحه
ولانسيت اول هوشه عشان بنت

خالد اى لو تدرين انه اهى الى تهاوشت عشانها بقلبه ما عليه تستاهل عمرى

شذى,,وين وصلت

خالد,, انا بروح عند فهد

شذى,, اى فهد هذه

خالد,, اخوها

شذى,,ليش

خالد,, صار رفيجى

شذى,,هههههههههه بعد ضبطه

خالد,, لا تحاتين اضبط العايله كلها عشانها

شذى,, ياريت القى واحد مثلك جذى يا روميو

طلع خالد من عند اخته شاف الساعه لقاها متأخره
قال مافى غيرحمود ادق عليه هالحزه

خالد,, هاى

محمد,, هايات ومايات واثنين بوسات لاحلى خلود

خالد,, احم احم كل هذا لى

محمد,, اى بس اشوف من لقى احبابه نسى اصحابه

خالد,, انا نسيتك

محمد,, اى من عرفت الست اسماء

خالد,, اقول لا تتكلم عنها ترا ما ارضى على زوجتى

محمد,, ههههههههه والله انك اثبت لى انك بعدك مراهق

خالد,, جب زين ليم تحب بتعرف عدل

محمد,, انشالله بس وين مالقيت فارسه احلامى

خالد,, هههههههه اى فارستك تلقاها تنطرك بالمريخ روح لها

محمد,, ههههههههه دمك خفيف

خالد,, تبى كاس منه

محمد,, اقول وينك انت الحين

خالد,, بالبيت

محمد,, غريبه

خالد,, شنو الغريب

محمد,, ولا شى تجى الدوانيه عند ناصر اليوم السهره عنده

خالد,, لا بنام

محمد,, كيفك يالله خلنا نشوفك

خالد,, انشالله مع السلامه

راح خالد ونام

فى بيت ابو فهد

سميه,, عذارى وين رايحه

عذارى,, بطلع

سميه,, شنوووووو تطلعين وين

عذارى,, ويه فهد

سميه استغربت
ليش

عذارى,, عازمنى على العشى

سميه,, اهاا

عذارى,, تروحين

سميه,, مشكوره ما احب ارز ويهى
وطلعت

فهد تجهز وقاعد يغنى احبينى بلا عقدا وضيعى فى خطوط يدى احبينى لاسبوع لايام لساعات فلست انا الذى يهتم للابدى

سميه,, الله الله شنو هذا كل هذا عشان عذارى

فهد,, اشتبين

سميه,, انا شبى ولا انت

فهد,, ششبى ليش شسويت

سميه,, انت مو ياهل اوكى عشان انا انصحك واعلمك لو ابوى درا انك بطلع عذارى بروحها بيعصب لانه مو حلوه تطلع بروحها

فهد,, مالى دخل بأحد

سميه,, اوكى انا قلت وبطقاط يطقك انت واهى انزين

عصبت وراحت للغرفه شفت عذارى اول مره تشوفها جذى لابسه احلى ما عندها وحاطه مكياج وفاتحه شعرها

طالعتها ونزلت للصاله

فواز,, سميه قومى سوى لى عصير برتقال
فواز,, انا اكلم الطوفه

سميه بجت وراحت لصاله الجلوس

فواز,, اشفيها هذه ولا عشان قلتها سوى لى عصير بجت ههههههههه صج هبله

فهد,, عذارى خلصتى

عذارى لفت شافها فهد انجن اول مره يشوفها جذى

عذارى,, اشفيك اطالع خالصه بس بشرط سميه معانا ما ابى كلام

فهد,, ليش ما فيها شى

عذارى,, لا ولا بهون

فهد,, اوكى انا بروح اقول لها

فهد نزل للصاله

فهد,, فواز وين سميه

فواز,, بصاله الجلوس

فهد,, سميه اشفيج الحين مو انتى تقولين بساعد اخوى

سميه,, اشتبى الحين

سميه,, انا عازمج وبتروحين معانا

سميه,, عازمنى ولا عذارى قالت لك ما راح اروح الا انا معاك

عذارى انزلت

فواز,, واااااااو شو هيدا الجمال

راحت عذارى للصاله ووقفت

سميه,, اسمع فهد مو عشان حبك لعذارى ادخلنى خلاص انا طالعه من الموضوع

فهد,, سميه الحين انتى اختى اذا ما ساعدتينى مو بيساعدنى انا ما سويت شى غلط انا حبيت بنت عمتى

عذارى انصدمت من الى اسمعته ما صدقت

سميه,, عذارى

فهد,, عذارى من متى انتى اهنى

عذارى,, من اول كلمه

فهد,, اى اشفيج مستغربه الى سمعتيه كنت اوصله لج من زمان وهذا انتى سمعتيه

عذارى,, انت اخوى كلكم اخوانى من صجك انت

فهد,, لو سمحتى لا تقولين هالكلمه

عذارى راحت للغرفه وقررت قرار ولا ما راح تتراجع عنه

شنو قرار عذارى
بتعرفون


يتبع.....

[عيونكـ غرامي]

واذي الاجزاء لعيونكم

الجزء الثامن

فى بيت ابو فهد

فهد.....صباح الخير

الكل.......صباح النور

ام فهد...... يالله تعال تريق

فهد....ما اشتهى انا بروح للشركه بس وين ابوى

ام فهد....ابوك من الصبح طالع يقول عنده جم شغله وبيمر الشركه بعدين

فهد...اوكى انا بطلع تبين شى

ام فهد.....سلامتك

طلع فهد بالسياره كان كل تفكيره ردت فعل عذارى بعدين شلون بترد له كلامه بكلام
ما اعتقد انها بتحبنى
اوف انا مليت

فى البيت مره ثانيه نرجع
وبغرفه سميه وعذارى

عذارى قاعده على السرير وما نامت عدل قررت قرار بعد الى اسمعته
قامت

سميه... شمقعدج هالحزه

ما ردت عليها وراحت

سميه... انا غلطانه اسألج زين

راحت عذارى تحت للصاله

عذارى....صباح الخير

ام فهد.... صباح النور

عذارى...خالتى وين خالى

ام فهد... راح للشركه ليش خير انشالله شمعقدج هالحزه

عذارى....ولا شى بس بغيته بموضوع

ام فهد... انزين ما تبين اريوق

عذارى...باخذ نسكفيه بروح الحديقه

ام فهد.....على راحتج

راحت عذارى للحديقه وابالها اكثر من شغله اتسويها
بعد رجعت خالها بتقوله على كل شى شنو الى ابالها نشوفه بعد شوى

اسماء...قوه يمه

ام فهد... هلا انتو شسالفتكم قاعدين هالحزه

اسماء.... منو الى قعد

ام فهد.... عذارى

اسماء... وينها ما اشوفها

ام فهد.... بالحديقه

راحت اسماء لحديقه

اسماء.... صباح الخير يا قمر

عذارى... هلا صباح النور

اسماء... شعندج قاعده

عذارى... مثلج

اسماء....هههههههه انا ما جانى نوم ما ادرى ليش

عذارى.. اكيد بالج مشغول

اسماء... يعنى انتى بالج مو مشغول

عذارى... امبله

اسماء.. بشنو

عذارى... خليه بالبال

اسماء حست انه عذارى وراها شى بتسويه

اسماء...اوكى اخليج بجوج بروح اتريق

راحت اسماء وتريقت

الساعه 12 الظهر على الغدا

ام فهد.... يالله يا عيال الغدا جاهز

سميه....وين عذارى

ام فهد.... يمكن لى الحين بالحديقه من الصبح واهيا اهناك تجى تاخذ شى من الثلاجه وترد

فواز.... انا بروح اناديها

راح فواز لها

فواز.... بووو

عذارى... ويعه خرعتنى

فواز.... انا ويعه هااا

سكتت ما ردت عليه

فواز.... غدا

عذارى... مشكور ما اشتهى

فواز.... مو بكيفج

عذارى... عيل بكيف منو

فواز.... بكيفج انتى ههههههههههه

عذارى.... يملقك

فواز.... انا قلت لج مو تقولين فواز ما قال سي يوو

راح داخل

فواز... عذارى ما تبى

سميه.. كيفها

تغدو

بعد شوى اوصلو فهد وابوه من الشركه

فهد شاف عذارى بالحديقه ما حب يقولها شى

عذارى اول ما شافت خالها راحت له

عذارى.... قوه خالى

خالها... هلا والله

عذارى.... ممكن خالى بعد الغدا ابيك بموضوع

فهد ميت وده يعرف شنو تبى منه

خالها...بس جذى حاظر اتغدا واجى هنى بس بشرط تسوين لى شاى

عذارى.. من عيونى

ردت للحديقه

تغدا فهد وابوفهد

راح ابو فهد للحديقه

عذارى.... نورت الحديقه خالى

ابو فهد... ما اشوف الشاى

عذارى.. دقيقه وجدامك

راحت وسوت له

عذارى... احلى شاى لاحلى خال

خالها... يالله شنو بغيتى ومايردج غير لسانج

عذارى... ما تقصر

اسكتت
بعد

عذارى... خالى بصراحه انا بقولك بس ما ابيك تزعل ابيك تفهمنى
انا بنت عمرى 17 وباخذ راحتى يعنى بيت بروحى وبصراحه ما اقدر اخذ راحتى هنى
انتو ما قصروتو معاى بأى شى بس ابى اعيش حره

خالها.... انزين

عذارى... انا برد بيت ابوى ما فيها شى اظل مع الخدامه وكل يوم وترك اجى عندكم وادق عليكم ما على شى

خالها... وانتى بنظرج عدله بنت بعمرج تظل ابيت اروحها ويه شغاله

عذارى... مو ذنبى اذا ما عندى اهل

خالها... واحنا مو اهلج فواز وفهد اخوانج سميه واسماء خواتج انا ابوج وخالتج اعتبريها امج هذه مو عايتلج

عذارى... ما قلت شى بس الله يخليك يا خالى انا ودى بهالشى

خالها... ما اقدر يا عذارى طلبج صعب
بعدين شنو تبين الناس يقولون عنى خله بنت اخته ابيت اروحها واهوا عايش

عذارى... يعنى انت همك بس كلام الناس وانا مو هامتك راحتك

خالها.... بالع** تهمنى راحتج وانتى خلاص بتظلين بهالبيت لين ما تتزوجين وتروحين بيت زوجج

عذارى قامت وقعدت تبجى

فهد كان بالصاله

فهد... اشفيها

راح لابوه للحديقه

فهد.. يبه اشفيها عذارى تبجى

ابو فهد... تبى ترد بيت ابوها تقول مو ماخذه راحتها اهنى

فهد.... شنو بيت ابوها بروحها

ابو فهد... انا رفضت وكيفها انا بروح انام شوى عندى شغل

راح ونام ابو فهد

اما عذارى ما اسكتت من البجى

سميه.. عذارى شفيج منو كلمج

قامت عذارى واخذت جنطه وحطت ملابسها

سميه.... انتى استخفيتى فهد كلمج شسالفه وين رايحه

عذارى... بروح بيت ابوى مالى قعده اهنى

طلعت عذارى وشافها فهد

فهد... وين انشالله

عذارى ما ردت عليه

فهد... قاعد اكلمج كلمينى مثل ما اكلمج

عذارى... نعم

فهد... نعم بعد وين رايحه

عذارى... وانت شكو ابوى زوجى عشان تقول وين رايحه

فهد...عذارى تعوذى من الشيطان وردى

عذارى ما ردت عليه

اخذ منها الجنطه

عذارى.. اخذها مو هامتنى الملابس

طلعت نادت السايق

عذارى... عبدالكريم ودنى بيتنا

فهد... عبدالكريم لا توديها مكان ولا بسفرك

عذارى...مو مهم ادق على سايقنا

راحت داخل وقاعد ادق

فهد... انتى ليش عنيده جذى

عذارى... مالك دخل انت فاهم

فهد... عذارى لا تخلينى اتصرف معاج تصرف ثانى

عذارى... سوه وشوف

فهد... شوفى دخلى الغرفه هذا بيتج ما فى لج غيره

عذارى... لا انا عندى بيت عندى بيت امى وابوى

فهد...لا حول ولا قوه الا بالله

فهد... انا اقعد ابوى عشان يتصرف معاج احسن لانه انا خلاص اوصلت حدى

راح وقعد ابوه

ابو فهد... شفيج عذارى

عذارى... ابى اروح بيت ابوى

خالها... هذا بيتج ما فى غيره وطلعه من البيت مافى

راحت عذارى للحديقه وقعدت تبجى احلفت انها ما تدش هالبيت

بعد ما هدوا

فهد.... فواز روح دخل هذه عن البرد

فواز.... مالى دخل

فهد... انا بروح لها

راح لها

فهد... دخلى داخل وبلا دلع

ما كلمته ولا طالعته

فهد... قاعد اكلمج ما قاعد اكلم عمرى

اوكى منتى راده يصير خير

مسكها من ايدها

عذارى... هد ايدى مالك حق تسوى جذى

هد ايدى

فهد.... اوكى خلج اهنى لين ما تموتين والحقى ابوج وامج

عذارى.... انا اكرهك تدرى اكرهك اموت ولا اقعد معاك ابيت واحد

فهد دخل داخل

ظلت عذارى طول الليل بالحديقه

دخل ابو فهد

ابو فهد... عذارى شمقعدج اهنى بالبرد دخلى داخل

عذارى... ما راح ادخل غير بيت ابوى او القبر

ابو فهد... الله يهديج بس

نامت عذارى بالحديقه بعد ما بجت
ونومها متقطع كل شوى تصحى من صوت قطوه او سياره


يتبع,,,

[عيونكـ غرامي]

اليوم الثاني



اسماء... عذارى لى الحين نايمه بالحديقه

فواز... ههههههههه

سميه... صج انك بايخ على شنو تظحك

فواز... جب انتى

فهد راح لها

فهد... بتدخلين ولا شلون ما تحسين بالبرد

ما ردت عليه

فى بيت ابو على

عبدالله.... يالله على تأخرنا

على ... يالله كانى

راحو لبيت عذارى بعد ما اسألو وين بيتهم

فهد شافهم تذكرهم وتذكر كلام عذارى عنهم

فهد... حياكم

على ... مشكور

عبدالله.. عظم الله اجركم واسفين على التأخير بس مثل منت عارف كنا مسافرين

فهد.. مشكور

على... شلون بنته

فهد استغرب منو انتى عشان تسأل

فهد.. بخير

عبدالله.. كانت حالتها مو زينه اخر مره

عذارى.. اول ما شافتهم راحت لهم


الجزء التاسع

فى بيت ابو فهد
وبالاخص الدوانيه

فهد...ياهلا نورتو البيت

على...منور بأهله وعظم الله اجركم واسفين على التأخير بس مثل منت عارف كنا مسافرين

فهد...اجرنا واجرك معذورين

عبدالله...شلون بنته انشالله احسن

فهد..تمام

فهد..عن اذنكم شوى

عبدالله..اذنك معاك

طلع فهد على اساس يجيب القهوه والشاى للضيوف

شاف عذارى جايه ناحيته

فهد...وين على خير وين رايحه

عذارى...بروح اشكر عبدالله وعلى على وقفتهم

فهد...صج انج ما تستحين على اى اساس اتشكرين

عذارى..احترم عمرك انزين ومالك دخل

فهد..بشوف روحى عندهم وتشوفين اوكى

يالله جدامى داخل البيت اشوف

دخلت عذارى وفهد

فهد..فواز لا تخليها تطلع اوكى لين يمشون الضيوف

فهد...سميه قومى قولى للخدامه تيب القهوه والشاى بسرعه

فواز..خيبه انتى شمسويه

سميه..انتو شغلتونى من الحين انا بعطله المفروض اكون الكنج

فواز...اقول سوسو روحى لا يجى لج فهد يعلقج بالبنكه

عذارى...اف مو عيشه هذه اخوك هذا مقعد

فواز...ههههههههه ليش شنو سوا لج

سميه..اقول عذارى امشى فوق الغرفه ابرك من مجابل فواز الفقر

فواز...انا فقر ها اوكى تين

عذارى...يالله امشى

راحو للغرفه

سميه...تدرين ودى اسوى شى يوخر الكبت الى فينى

عذارى...وانا ودرى اسوى شى يقهر اخوج المصون

سميه....ههههههههه ليش شنو صار

عذارى...كنت بروح اشكر عبدالله وعلى اهم مثل خوانى على وقفتهم معاى
الاخ عصب

سميه...ههههههههه شكله يغار

عذارى...يغار والله انه موصاحى

سميه..عذارى باجر راح نروح انجهز ما بقى شى يومين على الدوامات

عذارى...اف عاد انا مالى خلق بس شبسوى

سميه..اممم عذارى بكلمج ابموضوع بس لا تعصبين

عذارى...تكلمى

سميه...تدرين انه فهد يحبج

عذارى...وتدرين انى ما ادانيه

سميه...ليش

عذارى..لانه مقعد ويفهم الشى على كيفه

سميه...انزين تعالى نشبك ونطلع الكبت كله على الشباب

عذارى...هههههههه ليش لا

ادخلو الشات وقعدوا ياخذون ويعطون بالحجى

ماخلو احد بحاله

لين ما صارت الساعه 9

على...يالله اخوى فهد القعده معاك ما تنمل بس احنا نستأذن الوقت تأخر

فهد...تو الناس

عبدالله...انشالله يوم ثانى بس انت الى تجى مو احنا

فهد...انشالله

اطلعوا على وعبدالله

كانت عذارى وسميه
حاطين هالمسجله
وقاعدين على النت يضيعون وقتهم

فهد...يمه يمااااااااااااااا

ام فهد...وى اشصاير اشفيك انت جنى ابيت وانت ابيت على هالصراخ

فهد...يماا انا يوعاااااااااان تعرفين يعنى شنو يوعان

ام فهد...والله عبالى عندك سالفه كل هالصراخ
انطر ابوك لين يرجع

فهد...لا لا ابوى اكيد بطول

ام فهد...دق عليه وشوفه انا بروح المطبخ قبل ما تحترق الكيكه

فهد...فواز دق على ابوى شوفه وينه انا بروح اخذ لى شور

فواز...وليش ما تدق انت ما راح ادق

فهد..فواز يالله عاد لا تصير جذى ترا والله اذا طلبت شى ما اسوى لك

فواز...لا حول الله بهالبيت كل شى بالمصالح

فهد...دق وانت ساكت وقول حق امى اوكى

فواز دق على ابوه

ابو فهد...الوووو هلا

فواز...يبه انته وين

ابوفهد..انا بدوانيه عند الربع ليش

فواز...لا بس بتعشه اهنا ولا بدوانيه

ابو فهد...لا بدوانيه لا تنطرونى يالله مع السلامه

فواز...والله حاله

فواز..يماااااااااا يماااااااااا ما ما

ام فهد...حشى والله اعيالى استخفوا
اشوف مافى حيه فيكم مافى جيران حواليكم

فواز...يمه ابوى يقول لج انه بيتعشه بدوانيه يعنى حطى لنا العشى

ام فهد...والله اعيال اخر زمن
روح يالله ناد خواتك وبنت عمتك واخوك بسرعه

فواز...شنووووو اناديهم بعد اشرايج اوكلهم

ام فهد...عن الهذره الزايده يالله بسرعه

فواز صعد فوق ينادى عذارى وسميه واسماء وفهد

فواز وهو صاعد بالدري

فواز...لا حول الله شغلونى وانا بعز شبابى

فواز وهو يطق باب عذارى وسميه

فواز..سميه عذارى سميه عذارى وقعد يدق الباب ويغنى

سميه...ويعه انشالله شنو هذا جذى الواحد يطق الباب

فواز...جب يالله نزلى عشى يالله سنيروا عذارى لو تكرمتى بس تنزلين تتعشين معانا

عذارى...اممممم افكر واقولك

فواز...والله اخر زمن يالله نادى اختج المصونه وفهد

راحت سميه وعذارى لاسماء ونادوها

عذارى...سميه خلج انا الى بنادى فهد

سميه..شنو تنادينه غريبه

عذارى...جب روحى انا بناديه

راحت اسماء تحت وراحت وراها سميه
اما عذارى راحت لغرفه فهد

عذارى ماكانت تحتك وايد ويه فهد لثقل دمه وجديته كانت تعتبره انسان عملى شغل وبس

طقت الباب

عذارى..فهد ممكن ادخل

مارد عليها احد

دخلت لقت الغرفه مافيها احد بس اسمعت صوت بالحمام قالت اكيد يتسبح
شافت على الكميدنو (المرايه) صورته

عذارى...والله شكله حلووو
امممم انا ليش دخلت غرفته المفروض ما اكلمه

راحت واخذت ورقه وقلم واكتبت عشى تحت
وألزقت الورقه على المرايه عشان يشوفها

وطلعت

ام فهد...يالله عذور قبل ما يبرد العشى

طلع فهد من الحمام ولبس
ليم راح للمرايه لقى الورقه
عرف انها عذارى
نزل وقعد على الطاوله
قعد يطالعها اما اهيا حاولت كثر ما تقدر ما يشوفها
تعشو وكل واحد راح الى نام والى قعد سهران

فى اليوم الثانى
كان الجو حلوووو

صحى الكل مبجر على غير عاده كل واحد يقعد يصحى الثانى

سميه...عذارى ويعه الساعه 2 قومى بنروح السوق عن الزحمه

عذارى...مالت انزين امقومتنى عشان السوق تو الناس

سيمه..شوفى ان ما قمتى رحنا وخليناج اوكى

قامت عذارى وراحت سميه واسماء تحت يتغدون
على الغدا

سميه...اقول فواز ليش ما تروح ويانا

فواز..وين اروح

عذارى...السوق

فهد...لا كلش ولا روحت السوق ويه الحريم

عذارى...محد طلب منك انت قلنا فواز

سميه قاعد اطالع عذارى على كلمتها

اسماء حاولت تغير الموضوع

اسماء..يبه انا ودى اسوق

ابوفهد...ليش والسايق اشفيه

اسماء...مافيه شى بس ما ابى ارتبط ويه احد انا اروح وارجع

ام فهد..لا مافى سواقه السايق يوديج ويجيبج متى ما تبين

ابو فهد...امج معاها حق ماله داعى للسياره والسواق موجود

اسماء...يبه مافيها شى كل رفيجاتى يسوقون اشمعنا انا يعنى

فهد...خلاص قالج مافى سواقه ليش العناد

قامت اسماء واهيا زعلانه

سميه. واهيا تهمس لعذارى
اقول قومى شكل الجو بيتكهرب لا يجى طشار لنا

عذارى ...الحمدالله شبعت

سميه..وانا بعد

فواز...هههههههههه انزين من الادب وحده فيكم تنطر ليم تقوم الاوله بعد نص ساعه تقوم الثانيه ترا السوق مو طاير ابمكانه

ابوفهد...خلاص خلهم على راحتهم


بدا يوم جديد كان حلو على اسماء

فى بيت ابو خالد

ام خالد...اشرايك يا بو خالد بالموضوع الى قتلك ترا الناس ما عليهم قاصر والبنت اعرفها رفيجت شذى واخلاقها حلوه

ابو خالد...والله يام خالد اذا انتى تشوفين البنت مناسبه والولد موافق فما عندى مانع

ام خالد...اوكى انا رايحه اجهز العشى

انزلت شذى من فوق

شذى واهى تبوس راس ابوها...شلونك يا حلوو

ابو خالد..ههههههه اشوف جنج اتكلمين مع وحده من ربعج

شذى...لا انت ابوى الى مالى غنه عنه

ابو خالد...جنه ورا هالحجى شى

شذى...الحين عشان اقولك كلام حلو ابى منك شى اصلن انت مو مقصر معاى بشى

وبهالحزه يدخل خالد

ام خالد...يالله العشى جاهز

ابو خالد...يالله خالد روح غسل وغير ملابسك وتعال

خالد...اوكى

تجمعوا على العشى ودار هالحجى

ابو خالد...ها سمعت انه نويت تستغر

خالد...منو انا يبه

ابو خالد...فى غيرك ويانا

خالد ويطالع امه

ام خالد...كلمت ابوك هالموضوع وما عنده مانع

ابو خالد...مدام امك شايفه البنت زينه واهيا رفيجت اختك ليش ارفض

خالد...صج يبه

شذى... مبروك خلود

خالد...الله يبارك فيج انزين يبه متى نروح

ابو خالد...هههههههه اشوفك مستعجل

خالد...بصراحه يبه البنت موصغيره وبسن زواج واخاف انه

ابو خالد...ولا يهمك يوم الاربعاء بنروح لهم

خالد ويقوم ويبوس راس امه وابوه

خالد..تسملون يا احلا ام وابو

ويصعد فوق واهوا طاير من الفرحه وراح ودق على محمد رفيجه

محمد...الووووو

خالد...هاى حمود

محمد..شتبى داق

خالد...افااااااا الحين انا شبى

محمد..اى ولاجنى رفيجك ولا جنك اتعرفنى ولا تسأل اشدعوه يا اخى

خالد...والله حمود ما فضيت الشركه جايبه لى الظغط

محمد...صج اى تحجج بالشركه ترا اعرفك اوكى

خالد...انزين ما باركت لى

محمد...على شنو

خالد...بتزوج

محمد...ومنو

خالد..اتعرفها اسماء

محمد...ليم تروح وتخطبها وتوافق وتملج ذيك الساع ابارك لك

خالد...لا والله

محمد...اى يمكن البنت ترفضك

خالد...وليش ترفض شنو فينى انا كل بنت تتمنانى

محمد..اقول بس لا تطيح وتن**ر رقبتك على هالغرور

خالد...محمد لا تحبطنى والله انا مستانس

محمد..انزين انا بنام

خالد...انزين اشوفك باجر بالقهوه

محمد..ما ادرى اشوف اتصل عليك باى

خالد...بايات

ينسدح خالد على الفراش وقاعد يفكر بكلام محمد ماكان حاط اباله هالشى
انه اسماء بترفضه

دخلت عليه شذى

شذى...خلود نايم

خالد...لا شذى تعالى

شذى...اى اشعليك منو قدك اليوم بتزوج الى تبيها

خالد...انا خايف

شذى...ليش

خالد..اخاف ترفضنى

شذى...لا انشالله بتوافق بعدين ما بتلقى احسن منك

خالد...انزين انا بنام تصبحين على خير الوقت تأخر ولا تسهرين عشان عطله

شذى...امر اى اوامر ثانيه

خالد...عطينى مقفاج وسكرى الباب

نام خالد

فى اليوم الثانى

ام فهد...شوفى حدكم ساعه بالكثير وترجعون فواز دربالك عليهم

فواز...اى هذا الى ناقصنى هذولى منو ينقدر عليهم

اسماء...اقول ترا تحجى وايد يالله امش

فواز...عذارى وينها

سميه...ما خلصت لبس

فواز...ليش الاخت رايحه عرس

عذارى وهى نازله

عذارى...ترا سمعتك انزين بعدين شنو تبينى اروح ببجامت النوم

فواز...جب ويالله جدامى



يتبع,,,,

[عيونكـ غرامي]

طلعوا وراحو فواز واسماء وسميه وعذارى للسوق يشترون لانه ما بقى شى اسماء شاريه ويه شذى بس رايحه جذى وفواز رايح عشان ما يصير يروحون ويه السايق بروحهم

فواز...عبدالكريم مو تقعد تفتر اسفط بالمسفط وانطرنا فاهم

عبدالكريم...انشالله بابا

عذارى...سميه المجمع فاضى وناسه

سميه..اى مو احنا اخر الناس اتجهز للمدرسه الناس شرت وخلصت

فواز... اقول انا بروح اشترى جم غرض والله انه شفت وحده راحت عن الثانيه يويلها وعيونكم جدام لا يسار ولا يمين واى اوحد يقرب يمكم تدقون على

عذارى...لا حول الله اقول روح وبس بتفتح محاظره انت

انقسموا فواز راح يشترى ويتمشى

وسميه وعذارى واسماء راحو صوب المحلات

سميه...عذارى هذا القميص مو حلو عادى

عذارى...استغفر الله ترا تعبت اخذ مثلى ناعم ليش هالخبه ترا كله مدرسه

اسماء..انا بقعد على الكرسى راسى افتر

بعد ما افترو السوق كله

دقت اسماء على فواز على اساس يرحون للسايق وهوا يلحقهم

اوقفوا اسماء وعذارى وسميه عند باب المجمع

عذارى...هذا وينه الحمار

اسماء...ما ادرى عنه هندى شنو اترجين منه شوفى وين واقف

اطلعوا اثنين شباب

الصبى...ليش الحلوين واقفين برا تبون توصيله

عذارى...صج انك ما تستحى على ويهك روح بطريجك احسن لك

سميه....خلاص لا اتكلمين معاهم الحين يجى فواز ويتهاوش ما نبى مشاكل

راحو الشباب

وجا فواز

فواز...انتو ليش واقفين جذى شنو تحف ولا منظر للى رايح والى جاى

سميه...تعال طقنا بعد مالقينا عبد الكريم شنو بنسوى يعنى

فواز...صج انكم بلوه

عذارى...محد بلوه غيرك يحصل لك انك تروح معانا

فواز...لو منى ما اروح بس عشان امى ابتلشت

اسماء...هذا عبدالكريم يالله

ردوا للبيت وقبل ما يرحون اخذوا معاهم عشى

فواز...وااااى شنو هذا

ابو فهد...شفيك

فواز...لا لا خلاص مدام باجر اتزوج يصير جذى من مكان لى مكان لا ما ابى

ابوفهد..ههههههههه شنو سوا فيك اكرفوك من مكان لى مكان

عذارى...سميه هاتى اشيل عنج

سميه...لا خلى

سلموا وراحو لغرفهم

بدلو ونزلو تعشوا وكل وحده راحت لغرفتها

شذى دقت على اسماء

شذى...قوه اسماء

اسماء...هلا شذى اشلونج

شذى...تمام اسفه دقيت متأخر

اسماء..بزعل منج انتى بذات ادقين اى وقت واى حزه افا عليج

شذى...انزين اسماء انا بس حبيت اقول لج انا واهلى بنزوركم باجر عشان ما ندخل فجأ

اسماء...اى حياكم البيت بيتكم اى وقت

شذى...اوكى اخليج الحين واشوفج باجر

سكرت شذى عن اسماء واسماء مستغربه سبب الزياره[/size]


يتبعــ,,,,,