شيك مرصود
قم يا نديب الخير ووصل كتابي
للصاحب اللي خوته شيك مرصود
عقب الفجر ممشاك مشي السحابي
من فوق جمـسٍ للوازيم معهـــود
تله وغـــرب يـــم هــاك المـــرابي
دارٍ نسايمها مـن المسك والعـــود
العصر تاصل من عــلاها الرقابي
شيــخٍ تـربع قمة الطيــب والـجـود
ذاك الــزعــيم اللـي يفـك النشـابي
سقم الحريب إليا تعزوو هـل الذود
رد الســلام وعطــه منـي جـــوابي
من زلةٍ جتنا عـلى غــير مقصــود
قله تــرى بندر وصــله الخطـــابي
ولا يعطي الناقص ولا يأخذ الـزود
له هــامةٍ مـا جـــرحتها الحـــرابي
ولا هــزها يا صاحــبي كـــل مــقرود
واللي حصل منه أسود الراس شابي
جرحي عطيب وضيقتي ما لها حـدود
ذاك الضعــيف اللي له الوضع طابي
قــام يخـلطها بيض الأوراق بالسـود
مــاني بمــثله ما إحتـــزمت الســرابي
فاطـــن لهــا لــو إنــها سهــود ومهــود
يا صــاحــبي لــو هــو تــزايد صــــوابي
جيتــك وأنــا خـابرك لـي شــيك مرصـود
العرض العادي
