الشوق يسري لك

[اســير الشـــوق]

اقــــــدم لكـــــم

قصيدتي المتواضعه

عسى ان تنال استحسانكم


بعنوان
(( الشـــــوق يســــري لك ))





جيتـك وأنـا دايـم مـع الشـوق بجـدال
الشوق يسري لـك وأنـا عنـك أصـده
جيتك وحبك في حشـا الـروح مـازال
نـيــران حـبــك بالـحـشـا مسـتـجـده
لك في ظميـري داخـل الـروح منـزال
ولك مسكن(ن)بالجوف محد(ن) يسده
في كل وقت وحين تطري علـى البـال
يـا مـن خفوقـي فـي غـرامـك تـشـده
أفديـك أنـا بالـروح والـجـاه والـمـال
حـتـى النـظـر لــو تطلـبـه مسـتـعـده
الـحـب بـلــوى يـابـعـد كـــل الازوال
ومـحـد (ن) يـلـوم المبتـلـي بالـمـوده
حـبـك حبيـبـي مـالـه الـيـوم مـكـيـال
عـذلـت قلـبـي عـنـه والـشــوق رده
انـا اشهـد انـه صـار للقلـب غـربـال
هـم(ن) سطـا والقلـب ملـتـاع وجــده
ونيـت مـن جــورك وجـريـت مــوال
عليـك يــا مــن عــذب القـلـب بـعـده
الحـال مـن بـعـدك تـقـل جــاه ســلال
أرحـم عشـيـرك بـايـح الـيـوم ســده
مـن سبتـك دمعـي علـى الخـد شـلال
حـالـي تــردى الـيـوم والـويـل حــده
يـا قاتـلـي بالـصـد وبشـيـن الأفـعـال
بــاب الـوصـل أرجــوك لا لا تـســده
أنت الفرح فـي دنيتـي وانـت الآمـال
وأنـت الـذي جـازيـت حـبـي بـصـده
جازيـت قلبـي وصـادق الـود إهـمـال
وأتعبـتـنـي مـــا بـيــن صـــده ورده
واشقيت قلبي وخاطري عنـك مامـال
نـوب(ن) تكـف الـود نـوب(ن) تـهـده
مـاظـن حبيـبـي بينـنـا لـعـب جـهــال
أرفـق بحـالـي وهــدي اللـعـب هــده
جيتـك وفـي قلبـي مـن الـهـم ولــوال
وقـلـب(ن) يـــودك بالـجـفـا لا تـلــده
جيتـك وكـل ظنـي يكـون الزعـل زال
جيـتـك الا والـقـلـب ذكـــراك شـــده