قصيدها كتبتها بعد ماشفت بعض البنات الله يهديهن في الاسواق شي يخوف
البنت وش فيها للاسوا تغيرت = كانت لنا مصدر فخر وعزه
بنت البلد بالدش والكفار تاثرت = من شافها بمظهرها الحالي تستفزه
هي درت ياناس والا مادرت = يوم تبيع الشرف والدين بنص بيزه
تلبس عباه مخصره ثم سرت = تلاقيها في كل مكان وفي كل حزه
من العطور الفارهه اتعطرت = لو هو اكبر عابد في بلدنا تهزه
ترتدي خرقة من اخلع ماشرت =بنطلون يضيق على الجسم ويلزه
باعت الحشمة قالو بنت تحضرت =كل قطعة من جسدها التافه تبرزه
من البلوزه تظهرلك انياب كشرت =في ثواني راس ناظرها تحزه
تضرب بخطواتها الارض وفجرت = تحتها زلزال سطح القلب هزه
العيون في البراقع بالكحل تحورت = حاطة المكياج للخروج دايما متجهزة
قدوتها بورش الدعارة تسمكرت = الفاسقة نانسي وخصرها اللي تهزه
اخوها يشوفها خارج البيت تعرت = يناظر الدلخ ماخذ من الدخان مزه
بجنبها بالمخصر كذا العادة جرت = بالسوق والشارع معها وجهه يرزه
ديوث الرجوله في خطاه تعثرت = مابينه وبين الانثى غير دزه
باليهودي وبني علمان اغترت = غدت اسيرة بحبال الباغي مثل غزه
بالمسنجر والجوال والغزل انهرت = عاشق خان الشرف بعد اخلاص ومعزه
مادرت البنت ان افعالها جرت = ذل ومهانة وحسرة وهم ولعوزه
لؤلؤه يوم بالحجاب والعباه تسترت = وبعد ماتبرجت غدت مثل عنزه
قال الله ولا تبرجن قامت تحررت = لابسه كالعاهرات بشاشات التلفزه
قنوات الرذيله في البيوت انتشرت = وسمها القاتل بعقول اجيالنا تفرزه
الكون خمسة حروف بالسما نورت = (عين) (با)( الف) (ها) قبلها (همزه)
النور والخير في احتشامها لو درت = والظلام والشر بالسفور والعباه مطرزه
لو البنات تاملو اذا السماء انفطرت = خروجهم كاسيات عاريات اصبح معجزه
قصة نفق الرياض سمعة بلدنا عطرت = كل درس غاب عنا في ثواني توجزه
اخوكم وحيد
العرض الشجري
