السلام عليكم فديتكم نك نك
اتمنى انها تحوز على رضاكم
البارحه يوم برقت شرق الرياض وقمت اشوف
صرت اتخيل هالبروق اللامعه بـرق نحـرك
وذكرت يوم انك تجي تمشي دلع من دون خوف
ثم هب نسناس الهبـوب وبـان بـراق ثغـرك
ذكرت يوم طرحتك طاحت على ذيك الكتـوف
وجريتها مـن دون ماتشعـر وبينـت شعـرك
ذكرت يوم ان الكفوف تعانق بصـدق الكفـوف
يوم الوفـا بقلوبنـا والحـب قاسـم مشتـرك
ذكرت يوم انا على جال الهـدى كنـا وقـوف
يومـك تقولـي يافهـد بالله لـد لـي نظـرك
ذكرت يوم ان الخجل يرسم على خدك كسوف
ودك تعبر عن غـلاي وحبـي اللـي بعثـرك
وذكرت يوم اني ابي غيظك ونادي لك يانـوف
وتثور من غيظك علي وتدير وجهـك لظهـرك
وذكرت يوم انك تقول ليتك بمحبوبـك تـروف
واقول حاسب شـدة الحـب الشديـد تدمـرك
ليته بقى حبك على ماهو ولاصابـك عـزوف
ليته بقى طيشـك وعفرتـك وزودت سهـرك
ليتك مواصل رحلتك بالحب ولا اطريت النكوف
وياليت حظي واكب الرحله ولا دونـك بـرك
الله ما احلا ذكريات الحب مع ذيـك الهنـوف
من قبل ياقلبي تجـي نـار الفـراق وتسعـرك
ايام كان القلب زاهد في جميـلات الخشـوف
زهدت زعيم فايز من عقب خـوض المعتـرك
ولا مثل نظرة شجاع في ظهر شقراء يطـوف
زهد بحفيـان القـدم والجيـش كلـه والـدرك
ما كنت ابي غيره بشر لو صفو العالم صفـوف
وهو مثل ماكنت انا يامـا علـي قلبـه فـرك
من زود حبه لي نقش في ساعده اربع حـروف
حرفين من اسمي انا وحرفين من اسمه شـرك
وانا نحت لصورته برواز مصمت وسط جوف
لا شفت طلة بسمتـه اقـول جـل مصـورك
بس الزمن جار وخذى محبوب عيني والظروف
ماجادت بمثله حبيب لاخـذى القلـب شكـرك
ياحظي العاثر بقيت من الفراق الشيـن اسـوف
كنـي يتيـم لا تضايـق صـد ولعينـه عـرك
يالوف قلبي لوف عشب لافـه الحـراق لـوف
لامن طرت لي غرتك مع سلسبيلـك ونهـرك
ثم قام يرجف قلبي الهايم مثل رجـف الدفـوف
ليا ذكرت انك مشيت وطـال بعـدك وسفـرك
حرااام بعدك مايجي بالقلـب غالـي ياريـوف
واني على طول العمر مع كل بـرق بذكـرك
ذكرت كل الذكريااات اللي على بالـي تطـوف
يومي لمحت البرق يبرق مثـل بـراق نحـرك
وسلامتــكم
العرض الشجري
