وش يهم صايد الحجل ونات الحجالي
,,,,,,,,,,,,,,,, مايفيد المصيوب كثر الترجي والنواح
وش يهمك وانت نجم بالسما عالي
,,,,,,,,,,,,,,,,, وانا غصن ذابل تلعبة عواصيف ورياح
وش يهمك دامك في الهوى سالي
,,,,,,,,,,,,,,,,, لاسكني الخوف وزارتني بليلي اشباح
وش يهمه في الهوى قلبك الخالي
,,,,,,,,,,,,,,,,, لانحنت هامة والشيب في الراس لاح
وش يهمك ياهوى عمري وبالي
,,,,,,,,,,,,,,,, لو صرخت احبك وفي الفضا عم الصياح
وش يهمك لو سهرنا ياحبيبي بالليالي
,,,,,,,,,,,,,,,, في هيامك والنوى لين ترنيم الصباح
وش يهمك لو بكيت ودمعي عالخد سالي
,,,,,,,,,,,,,,,, واعتزلت الناس بعدك وكل لحظات المزاح
وش يهمك ليه تسأل عن ظروفي وحالي
,,,,,,,,,,,,,,,, ليه انا ساير نحيل والوله ينزف جراح
وش يهمك وانت ماكن في خفوقي وخيالي
,,,,,,,,,,,,,,,, وانا عصفور سجين يرتجي اطلاق السراح
وش يهمك وانت اغصانك وارفة الظلالي
,,,,,,,,,,,,,,,,, تهدي غيري مهجتك وتهديني طعنات الرماح
العرض الشجري
