البــارحـــه ليــلـي عــلـى خافقـي نـار=اطــــلـــق شــــرارتهـا بدايـة حضـوره
وثـــار الخفوق اللي على الجور صبار=ظـــلم الليــــــالـي مـا تحملـت جـوره
الكل يـعـرفنــــي ولو صـــار مـا صـار=ماني بمخـــلوق على الكـون صـوره
أرقى عـلى الهامات من وين ما أختار=شاعر ولي في الشعر وأعرف بحوره
وسج القوافي مـا يخــلـيــنــي احتـار=أورّد الجــزلــه وأثــمــــــن صــــــدوره
ولا أتســـلى فـــي زمانـي بالأعـذار=والهرج ما ينــــــقص مقامـي مـروره
واللي خفى يعـــلم به الخالـق البـار=واللي ظهر يدفـن زمـــانـه جــــــذوره
وأعـــــرف دليـــل الدرب لو عج وغبـار=والنور ما تحجب ســمــايـه ظهـــــوره
فارس يقود الخيل في الحرب مغوار=أحمل على جنبـي جبــــــال معمـوره
ياليل جاك العلم لـو خـــــافقـي ثـار=ما يكتم الغيضه ونفسـي صبــــوره
العرض الشجري
