مربيات أجيال في قفص الدعاره..........؟

[هجير الشتاء]

بسم الله الرحمن الرحيم ‘‘‘

في البدايه احترت أعنون العنوان المناسب للموضوع ما علينا.. ندخل بالموضوع..
في يوم من الأيام خلصت من المحاضره وطلعت انا واحد من الشباب واتفقنا على انه
نتسكع شويه بالشوارع كعاده في معظم الشباب لو كانت المحاضرات خلصت او
فيه وقت يساعد على الترويح بين محاضره وآخرى..

الشاهد وحنا بالطريق وبعد نص ساعه من الدجه وعند الساعه تقريبا 12 ظهرا..
قال اخوي اقصد زميلي اللي معي اسمع اسمع ..قلت له اسمع شنو .قالي قزز ( يعني ارفع الزجاجه تبع الباب ) علشان تعرف تسمع؟ قلت له اقزز اقزز ورانا شي؟
المهم ما استغربت ابدا صوت ناعم ومعاليه طبعا مخليه وضع المايك ..
وفي تبادل الحوار والحديث اللي فعلا ممتع وشيق وانا اسمع بكل لهفه ومسوي فيها حبتين ونص قدامه اني مطنش المهم اللي آثار حفيظتي كلام طويل بينهم . اللي فهمته انه زميلته
او آسف محبوبته الموقره / معلمه في أحد مدارس مدينة جده ./ طبعا عباره ما فيها شي مستغرب
مدرسه تغازل...عد واغلط.. ولكن الأكثر غرابه نوعية العلاقه اللي بينهم شنو؟ هل هو
حب مصطنع وبس كبقية الشباب والبنات ساعات على النقال وانتهت ليته كان كذا...هل هي لقائات وخلوه محرمه
فقط تجمعهم بأحد الأسواق او الكفي شوب مثل باقي الشباب ليته كذا ..
طبعا انا سمعت كلام كثير والجوال على المايكروفون وفهمت سألت رفيق الغفله .
شسالفه ؟ قال لي : ليش ما سمعت؟ قلت له : إلا بس علمني .
قالي هذي مدرسه تعرفت عليها من واحد من الشباب اعطاني رقمها وتلفنت عليها لين شبكتها
( يعني طيحت براسها او تعرفت عليها)
قلت إيه وبعدين...قال ولا قبلين من فتره لفتره أخذها من المدرسه ونقعد بكفي شوب احيانا
ومن هالأشياء الي انت عارفها هذا احيانا...

قلت إيه واحيانا ..قال احيانا اللي يسلمك آخذ مفتاح شقة واحد من الشباب واجيبها ونقعد فيها
كم ساعه إلين نهاية الدوام والله يستر عليها..( طبعا عارفين شنو يعني ما يحتاج)
المهم قلت له كلمه عابره من دون وعي ..قلت يا أخي والله انك مخرب بنات الناس؟

قال لي ورب البيت يابو راكان ( طبعا اسمي المفضل عند الشباب ) اني ما فكرت بهالأشياء
واني اطقطق معها بالبدايه وشرهتك بالي يعرف انها مدرسه او اي شي من هالقبيل ؟
بس مع الايام طلبت تقابلني وبعدها تقول وش رايك تأخذني معك لأي مكان بعد ما قالت لي
أنا وثقت فيك وما ادري شنو. ( طبعا وثقت فيه مش يعني انه الولد ما راح يسوي فيها شي لا
يعني يكون غطا وستر عليها بس للمعلوميه)
قلت طيب ولما تتقابل معها قال عاد اللي خبري خبرك ..؟ عاد معروفه ..

فالشاااهد يا جماعه..
ليس من رأى كمن سمع ..

انا سمعت من هالبنت كلام ورب البيت بس تمنيت أمنيه وحده في الحياه لو كنت وزير التربيه والتعليم وآخذ ملفها العلاقي وارميه بوجهها وأفصل ابو جد شغالة جيرانها من المدرسه؟

المشكله مش في هالبنت المعلمه اللي تعلم الأطفال في المدارس يا إما دين او عربي او علوم تطبيقيه ..؟
المشكله كم فيه بنت مثلها ..اعترف وبصراحه اني كذا واحد من الناس اللي حتى علاقتي فيهم
سطحيه اسأله يقول لي مدرسه واطلع معها وأتقابل .. ويصير مثل المذكور أعلاه..

لهالدرجه صارت السالفه !!!
كم انسانه مستوره في بيتها محترمه جامعيه على خلق على دين على ثقافه وتفوق
ما حصلت لها هالوظيفه وأهي اكثر ما تكون في حاجتها ..
بكل يوم تتمنى انه بس الفرصه تجيها على طبق من ذهب وتستغلها تفيد نفسها وهي واثقه
تماما انها الإنسانه الكفؤ اللي تقدر تعلم الأجيال حق التعليم..

نسمع في حياتنا اليوميه إنه كم مدرسه مش كفؤ للأمانه اللي اهيه فيها بسبب نقص كفاءتها
او لشدة تعاملها مع طالباتها او قصورها في أداء واجبها ..ونقرا في الجرائد والمنتديات
انه من الواجب التشدد معهم...

ولكن..وين المسؤلين المؤقرين عن هذي المعلمه وممن كانوا على شكالتها ؟
في الفصل او قاعة التدريس تعلم الطالبات على حسن الخلق وتحثهم على اداء
الصلوات في اوقاتها والاحترام ..وبعد خروجها من الفصل إلى أقرب شقه عزاب؟
او مكان تافه وتبادل قبلات او عمل فاحشه ومنكر؟؟

هل هذا امانة يعقل يا أمه؟
وين الأمانه في أداء الواجب ؟
ما راح اقول (حاميها حراميها) لاني اشوف هذا المثل فيه نوع من البراءه شويه ومن الرقي
عن عمل مثل هالأعمال؟
طبعا احنا مش ملائكه احنا بشر كم انسان يخطأ ولكن أن تكون الأخطاء لهذه الدرجه ؟
ومن الناس اللي نأمنهم على بناتنا اشوف كلمة كبيره من الكبائر قليله بحقهم؟
انا ما اقول هذا الكلام امانة من وازع ديني يمكن كل شخص عارف نفسه وعارف شنو اللي له واللي عليه والأشياء اللي تصدر منه ..
ولا اقوله من وازع خلقي لانه برضه في أشياء كثيره أخلاقنا ما تردعنا عن هالشي
ولكن المشكله لو اجتمع هذا الوازع الديني مع الخلقي والتربوي مع شي من الصعب انه إنسان
يرضى يصير امامه؟
خلاص في فتره من الفترات الإنسان يشوف نفسه في موضع او في مكانه ما تسمح له إطلاقا
انه يمارس طقوسه او عاداته السئيه اللي كان يسويها بسبب او باخر..ولكن إنه تكون نفوسنا
لهالدرجه لا تنهانا عن أي شي أي شي ؟ مستحيل


اللي عندي كتبته وما ادري عن آراء الأخوه والاخوات.
ورب البيت انه كل الي صار واقع سمعت كثير بس اول
مره اتأكد من كل الي سمعته؟


وسؤالي؟

ماهو انطباعك من إنسان مربي أجيال قدوه لتلاميذه تصدر منه هالأشياء الخارجه عن نطاق الآ معقول؟

أخوكم: هجير الشتاء