لنتخيل أن هناك [
ديوانية البنات ] خاصة بهم فقط لا يدخلها غيرهم !!!
ماذا سيحصل بها أو ماذا يدور فيها
أرجوا من الجميع عدم [
إساءة الظن ] هذا الموضوع بعيد عن [
التشبيه ]
و الشبهات هو مجرد موضوع ساخر أحاول فيه أن أجسد الأحداث الدرامية
في حياتنا اليومية ومدى تلقي و استيعاب وجهات النظر المتضاربة في تلك
الزاوية البعيدة !!!!!
[
ديوانية البنات ]
فصفص و شاهي وكلام فاضي
هرج و مرج وأخرتها الحمار ما يركب عليه السرج !!!
منوعات أخبار الحارة من المراسلة لؤلؤة المحارة
أم سوار معفوط لديها موضوع بعنوان [
العسل في زمن البصل ]
تقول فيه :
كانت أيام شهر العسل أيام جميلة ورائعة لأن الكلام الحلو والجميل وإلى زي العسل
كان يقطر من لسان زوجي وكان يضحك معي ويلعب معي ونراكض في البيت كنا بزارين الله
على ذيك الأيام أيام توم وجيري
وبعد شهر العسل بشهور أنقلب الحال وأنقلب الرجال وتغير على مدري وش السبب
وصار العسل بصل
نكمل بعد الردود
**
المتواجدون الآن 4 أعضاء _ 6 زوار
[
أم كشه طايره ] [
مفقعه وجه أخوها ] [
مثقفه وغبية بس ذكيه ! ]
[
بيرة طايشه ]
**
رد [
أم كشه طايره ]
أم سوار معفوط ماعدلتي سوارك إلى الحين الله يرج سوارك إلين يعتدل
أقول خلي عنك الخرابيط عسل وبصل وين قاعدين حنا في دكان ابوصويلح
وين فلوس الكراث إلى اخذتية قبل يومين وإلى بلعتيه ونسيتي
**
المتواجدون الآن 6 أعضاء _ 2 زوار
[
بيرة طايشة ] [
مفقعه وجه أخوها ] [
مثقفه وغبية بس ذكيه ! ]
[
أم كشه طايره ] [
أحساس نملة ] [
شينه ودلوعة ] !
**
تعود أم سوار معفوط للموضوع
تغير الحال والأحوال وصارت الأجواء العسلية بصلية قلت في نفسي أكيد فيه مشكلة
لازم أدور عليها وأحلها بعدين لقيت الحل ومالقيت المشكلة !!! والحل
إني سويت نفسي زعلانه وقلت له ودني بيت اهلي ابي ازورهم وأكشت عندهم كم يوم
قال لي أحسن شي ماصدق على الله إني اقول له ودني بيت أهلي !!!
وداني وقال متى ماخلصت كشتتكم دقي على أجي أخذك .
وراحت ثلاثة ايام وانا عند اهلي وقلت في نفسي والله ما أدق عليه لين مايدق على
أو يجي من نفسه مشتاق وملهوف .
*
رد [
لؤلؤة المحارة ]
ياحليلس يام سوار معفوط تقصين قصة حياتس تراي أعرف هذي القصة من زمان !!
**
المتواجدون الآن 5 أعضاء _ 4 زوار
[
أم كشه طايره ] [
لؤلؤة المحارة ] [
خرمانه شاهي ] [
زاحفة على شعرها ]
[
مأدبة عيال الحارة ]
**
أقول [
أم كشه طايره ] تنتظر دراهمها تراها 10 ريال استحي على خشتس ولاعاد تبعين كراث
لا ويقولون عندك كراث هبرقر تطورت حليمة وصارت نانسي عجرم !!
تعود أم سوار معفوط للموضوع
راحت ثلاث أيام ومادق على زوجي وراح أسبوع ومادق هاو لايصير متزوج على
الصراحة يابنات خفت مرة ومتردده كثير ادق او ما أدق طلعت للحوش وأخذت
عسيب نخلة وقعدت أقطع في الخوص خوصه يدق على وخوصه مايدق على
إلين وصلت إلى آخر خوصه وطلعت مايدق على بعدين قلت في نفسي هذي كلها
خرطي وانتظرته حتى جتني رسالة منه على الجوال
تدرون وش مرسل لي الرسالة
حبيبتي أم سوار معفوط أشتقت للمقلوبة ووحشتني الكبسة من إيديك المعفوطه
الله على أيام الجريش والمرقوق أبو قفر وإلى المراصيع الأليمة والله على ريحت
البصل وهي تفوح من إيديك تولمي ابجيك الحين علشان نلحق على وقت الغداء
ويمديك تطبخين لي .
تدرون وش قررت
والله لطبخله كبسة لحم وأكثر فيها الملح [
عرفين قصدي ] مايحتاج أوضح
*
رد أم سوار معفوط على أم كشه طايره
يام كشه طايره روحي رشي راسك بفيلت وبعدين أزعجتينا على كم ريال الله لايعيد
ذاك اليوم إلى شريت فيه كراث منس مافيه أحد في الرياض إلى وعلمتيه يشيفه
*
رد أم سوار معفوط على لؤلؤه المحاره
ردك له صله بطبعك ولا يمت لهذا الموضوع
في العدد القادم
فضايح الحارة مع لؤلؤه المحارة
هوشت مفقعه وجه اخوها مع مأدبة عيال الحاره [
بنات عرابجه ]
أحساس نملة وفضيحتها الدرامية مع البلوتوث
[ ديوانية البنات ] ممنوع دخول التماسيح إلا بــ [ محرم ] !!!!
العرض العادي
