الأيام دواره

[عبدالله الفهمي]

	أنا حالي سعيد وأمنياتي مالها عنوان أجدها كل يوم أكبر وكل أسبوع تتجدد أداري خلف قضبان الزمان أيام وأتناسى لهيب الوقت لو فكر يعكر صفو أيامي صحيح إن القلوب اللي خلقها ربها تشقى ولكن الأمل بالله شتت كل أحزاني أحاسب نفس تغريني وساير بالأمل قنديل على الله اتكالي وين ما وجهت هو رجواي أنا مثلك بشر بل يمكن أتفوق بإحساسي ولي نزوات نفس كم لها سطوة ولكن ما أتبع أخطاها بكل هدوء أحقق أكبر أحلامي وأعطي أولويات الأمور العقل والترتيب مهما طالت المدة متى بنحس إن اللي بنيناه أول المشوار ترك فجوه مع الأيام تكبر لين صارت عمقها اكبر من أيام العمر اللي تولت وانقضيت فينا تعال وخل أمالك تنير خطاك براحة بال عش دنياك بلا هم ولا أحزان صلاتك لا تفوتها وذكر الله لا تنسى تعطر فيه أنفاسك ولا تظلم وتتكبر ترى الأيام دواره