جارح خدك ... لكم بعد طول غياب

[خالد العلي]

اسعد الله مساكم بالمسرات
وعساكم بخير وعافية
حبايب قلبي ..
انتم على بالي دايما
اعود اليكم ..
كنت اقلب اوراقي
وتذكرت بيت شعر : لسليمان المانع يقول :
( تعبت افتش اوراق الزمن والقى
.... اشيا ابيها وبعض اشيا ماابيها ..! )
عندي قصيدة قديمة لي
قديمة جدا..!
وهي من اللي ابيها ..
حبيت انها هنا قدام عيونكم
ومثل ماهي بدون تعديل
.
.
.
الشعر مافيه جديد
هو قديم يتجدد
موجود فينا
مارحنا له
.
.
.
المهم
ماهي فلسفة
ولاهي أستذة
شوفوها مثل ماهي
لان عمرها 21 سنة
وبدون عنوان
باقية مثل ماهي :
.
.
.
؟
.

عـيـون خـرس.ن. هدبــها جـارح.ن. خدك

..... مـاحـب قـلـبـي ســواك الـيـوم صدقينـي
.
كـل القضية يامناية قلبي طـالب.ن. ودك

..... وآخـر رجائي يارجائي رجيتك تصافيني
.
انـتي مـنـاي وغـايتي مـااحب انـا صدك

..... ولا هـو بصحيـح انـك يـامـنـاية تعـاديني
.
لـيـت أبـويــة خـي أبــوك وجـدنـا جـدك

..... وليتك من ربعي ولو كنتي من الاقصيني
.
لاجـيـت انا من الصبـح قاصدن طـلب يدك

..... وفي بـيـت واحـد نـلـتقـي يـابـعد عيـني
.
وأبـيــح مـااخـفـيـتـه وتـبـديـن لي سدك

..... ويعـيـش حــبـنا ونقـسـمه مـابـين قلبيني
.

23/1/

1408هـ
.*.*.*.*.*.

ذكريات

تجي بسرعه

لكن اذا بغينا نروح لها

يبي لنا سنين كثر اللي راح ...!!

لكم ولاعينكم
كل تحية وتقدير

اخوكم
.
.
.
خالد العلي