ارحلي
لى كيفك اذا بتروحين…ما اطلبك تبقين…لانك لأسمى معاني الحب تجهلين…
مهارتك : فيني تلعبين… هوايتك :على تكذبين …اهتمامك:بظهري تطعنين
قلبتي احلى الاحلام…اتعس اوهام
ارحلي..وخذي بقايا ذكرياتك معاك..خذي هدية مانتظرتي يحل وقتها..هدية بمناسبة..محد فكر يها قبلي…مناسبة صعب علي اتجاهلها..عيدك
ارحلي..هذه حياتك.... قرريها…وسوي فيها ما بدالك..طردتيني منها…ماني مترجيك اقعد على بابك لاجل احاتي احوالك…
بس اخذيها من واحد ظهره كلله طعون..روحه كللها جراح..واحد نسى طعم الافراح..عايش ببقايا قلب
واحد..الدنيا مدرسته..الحزن فصله واصله...الكدر دراسته وواجبه…والهم تخصصه..والكآبة شهادته
اخذيها مني…انتي الخسرانه..خسرتيني و خسرتي نفسك..
لكن ابشرك بشارتين..وبنهايتك اخبرك…ولك شي من اثنين
لو ان منك مخلوع الحيا..ربك بيجازيك..وباللي العن منك يبليك..وحسبي الله عليك
اما لو مثل ماعرفتك…خايفه ومترددة…ومن الامل متجردة..كأنك معقدة..ومن الحب تخافين..تصدين حبيبك ثم له تردين وترجعين...
بدعي ربي واقول امين…لحبي تعودين..وللابد بقلبي تسكنين.
لكن بحالتك اللي الحين؟اقولها لك…ارحلي ثم ارحلي
طلبتك حب تسقيني…لقيتك من طعونك تزيديني..مابين بعينك كل اللي اسويه وياك…خطيتي وتحملت خطاياك..وقدام وصالي ..ابدعتي بجفاك
ادري مافي بالك طاري ترجعين…لكن عشان اسلي نفسي بسوء نياتك..بحط لك شرط..وادري انك عنه تعجزين..يمكنه اكبر منك…ويمكن لانك انتي ماتبين..
متى مابغيتي لي رجوع…لابغيتي اكون لك شموع…طال الزمن او قصر..لازم بالاول تحبين..توفين ماتغدرين..تخلصين ماتخونين..كلمة وحدة تقولين و عنها ماترجعين…ساعتها ..قصرك بقلبي مفتوح…وبفديك بعزيز الروح..قدرك على الراس وعيوني…وغطاك بليل الظلم والظلام جفوني…
وغيره ماعندي…مراح ارضى بشي ضدي
ارحلي لدنيتك شوفيها…واخطاء البشر تمتعي فيها..وبقلوب الحجر اسكني فيها…وجماعات الذئاب والكلاب غوصي فيها
وشوفي مين الخسران
واخر الكلام
سلام
العرض الشجري
