السلام عليكم ورحمة الله وبركاته...
هذه احدى كتاباتي..اتمنى تحو اعجابكم ورضاكم..واعتر عن الاطالة فيها...لكن صدق المشار ماتعرف الاختزال
لو راح تحرومني من تعليقاتكم وارائكم...اتمنى منكم ما تحرموها من صالح عواتكم لها بالرحمة ..ولو في سركم
___________________________________________
جلست بحجرتي....وجليستي دمعتي..اللي تحاتي حبيبتي
منتظر خبر..اي خبر عن حبيبتي..
.ش فيها؟؟؟ش اللي جرالها؟؟
يمكن نسيت؟؟معقولة قست؟لالا..ماظن..
وشو اللي غير حالها؟؟
جفاني قليل النوم....وزاد من اهلى اللوم...بس مو مهم...المهم اسألة بالعشرات...تلقى لها شافي الاجابات
ورن جرس التلفون..سمعته وصابني جنون...وسبق قلبي خطواتي...وتبعثرت في طريقي باقي استفساراتي
ورديت..وليتني ما رديت...ليتني الى ذيك اللحظة ماحييت
رديت....وسمعت مصيبتي
قالت لي : حبيبتك ماتت .
وشو؟؟لاتمزحين...ش اللي صار؟
وسمعت منها عن حبيبتي اسوء اخبار....نزلت على قلبي العن من نار
وتسيد الصمت المكان......
الو تسمعني؟؟؟عظم الله اجرك...وعلى فراقها صبرك..بس لاتناساها بدعوتك...حبيتها وحبتك..وكانت بالدنيا جنتك..كل صديقاتها دمعهم عليها انهمر....هذا يا سعود قدر...مالك الا الصبر ثم الصبر...والحين..مع السلامة.
حسيت دنيتي تدور...دموعي جرحت خدي...والزمن انقلب ضدي...جلست اقلب بالاوراق..عن شي يكذب المواجع....عن شي يغير الواقع...وحاولت اوصل للحقيقة...وليتني ماوصلت...كانت مر الحقيقة..
عبير ماتت
فتحت عيني..وين انا فيه؟؟؟انت بالمستشفى
ش اللي جرالي؟ش اللي جابني؟طحت من طولك منهار...بس الحين احسن
وبعد ماعالجو جسم مهدود بالحيل..طلعت روحي لدنيتي...وكانت لي ويل
صارت الدنيا كللها عني غريبة...
بعد ما ماتت الحبيبة
الحزن صاحبني وصرت حبيبه
والكدر مايوم اخطيت طريقه
والفرح...ماعرف بلحظة اجيبه
دخلت حجرتي...واسترجعت الماضي
مع كل صورة اهات...مع كل وردة ونات...لنا بكل مكان ذكريات
مدري شقول...والله بقلبي جمره..اعذروني...خانقتني العبرة
ولا اختلفت الاجواع من اربع سنين...
ذكرياتي وألامي وهمي بقلبي دفين
سالت على الخد دموعي...وانطفت بدنيتي اخر واحلى شموعي...ونزف قلبي داخل ضلوعي
لي اربع سنين...يذوبني لها الحنين
اسمع صوتها باذني...صورتها بعيني ودمعتي...يدها بيدي...احس على صدري راسها...احس بدفا احضانها
احس بيدها تمسح دموعي...انفاسها تدفي ضلوعي...بسمتها تضوي شموعي
اشم ريحتها..اتخيلها...يمكن تخفف لوعتي لاحسيتها حيه
لكن مع الاسف...ذاكرتي دايم قويه...تنبهني انها مو حيه
لكنها والله بقلبي وخيالي حيه.....ذكراها الى الحين حيه
صدقوني...للحين اسمعها تقول حبيبي....الى الحين اقول لصورتها حبيبتي
بقايا حبنا مثل ماهي...الناس والاشياء والجوامد والحقايق...لكن ناقصها الروح....
الروح اللي راحت فوق..الروح اللي علمتني الشوق...الروح اللي بعدها نزفت جروح
الروح اللي فهمتني...ووقت الخوف ضمتني...الروح اللي لـعز همي نستني
الروح اللي بوقت الكدر اسمعتني...اللروح اللي دايم سامحتني...
اللي بحلاها جننتني...وبوقت المزح مازحتني ودلعتني
الروح....
اللي على الحب عاهدتني...وبالوفا والاخلاص وعدتني
بعد عناق حبيبتي...عانقتني مصيبتي...
صرت ابات بحزن الى وقت الصباح
انمسح من قاموسي معنى كلمة افراح
ما ادري...هي ذكراها تخفف لوعتي؟او نسيانها ينسيني بلوتي؟
في كل الحالات...رغم ما مر من اوقات...مانسيتها..ولا ابي انساها
ليه الملامة والعتاب..ليه سكرتوا كل الابواب؟
مو ذنبي لو لحبها وفيت...ولاجلها بدموعي دعيت
قلتوا لي ضعيف...لكنني قوي...حبيتها وللحين لحبها وفي...انتم اللي تهربون من الواقع...ماتتحملون تشيلوا نص المواجع....
لكنني ظليت مع ذكرياتي....
للحين اذكرها...بالغصب وحتى بكيفي...ومن يتعرضها منكم.... بمد له سيفي
حبها علمني احلى معاني الوفا...حولت لي كدر ايامي معاها صفا
بعد كل هذا؟؟؟تستغربون مني لها الوفا؟؟
تستغربون ذكراها اللي ماغابت؟رغم انها تحت الرمال توارت
لكن هذا انا...وهذه قصتي...وهذه وجعتي...
بكيفي...
اتركوني....
تعبت من كلامكم....معاد يأثر ملامكم
اتركوني لذكرياتي
اللي يبي منكم...يقترب..ويفهمني....ويجتاز الحواجز
يدخل معاي....يجي عندي...ويسحب يدي....
اما كل كلامكم... وكثر ملامكم من ورا الحواجز
فلا تتعبوا حالكم...اقولكم مع السلامة...ارحلوا..وخلوني معاها
مع روحها..طيبها ...وذكراها....اتركوني لحبها ظميان...وبحضنها دفيان..
اتركوني لذكرياتي معاها
______________________________________
دعاوتكم لها الله لايهينكم(W)
العرض الشجري
