رثاء زوجه مع بعض الردود عليها !!!!!!

[العاشق والليل]

هذه القصيد منقوله من شخص معروف لدينا وهي عباره عن رثاء لزوجته العزيزه على قلبه توفيت اثناء اداء مناسك الحج . وبعدها ياتي رد اخو الشاعر على قصيدة اخوه واليكم القصيدتين يقول الشاعر :-


مرحوم ياروح بمكة دفناه ........ بجنب الحرم اضفى عليه الترابي
ويا ما سهرت الليل وياما رجيناه ....... وياما طلبت الرب يشفى فؤادي
ويامارجيت الطب يكثف له دواه ......... لكن القدر ماعاد دونه منادي
وزبنت منهو عالم بالخفيات ........... يغفر ذنوبه ثم يجبر صوابي
وطلبت ادوم يوم عظم بالواه ............ اعاد له حواء ونهى العذابي
ونصيت راس الجبل وصليت ركعات ...... لعلي اعطي ماعطاه المنادي
وبعد سبوع زاد بالقلب وناه ......... وطلبت من المحبوب يرحم عذابي


رد عليه اخوه بهذي القصيده يقول الشاعر /

مأجور ياقلبن شكى من الفجيعه ..... يشكي من الفرقى ولوعات الاقدار

ماجور توجر في فريد الطبيعه ....... يالله يجبر خاطرك يابن الاخيار

من خلقت الدنيا وهذي صنيعه ...... يرضيك يامنك تذكرت ما صار

وين الرسل ولي سبقونا جميعه ..... علومهم صارت اساطير وذكار

خالص دعانا برحمة من شفيعه ...... عساه بالفردوس تحفه وزهار

ويجبر عزاكم بما حصل من فجيعه ..... وحر العزى ياخوي نبعثه بأشعار

وتقبلوا وافر تحياتي والله الله بالردود تكفون على القصيده .
مع تحيات اخوكم /// العاشق والليل .

*a *a *a