رسمتك على صدر القمر واكتشفت اني=سهيت ورسمته يا غناتي على صدرك
عليك الله اكبـر والمفـارق مبهذلنـي=ياهدرك الموعد ساعة الشوق ياهـدرك
اليا مرني طيفك من الضيقـه آغنـي=يا قلّك على وجه البسيطه ويـا نـدرك
ياحظك يا قلب" فالهوى منـت متعنـي=وياحظ الحمام اللي يوقف على جـدرك
غيابـك مجننـي وحـبـك مجنـنـي=ياويلي على شيحك وويلي على سدرك
عيونـك تعشمنـي محبـة وتقتلنـي=وانا اضيع في نظرة وفاء عينك وغدرك
وتمايل وعرقي مـع تمايلـك متثنـي=وتناثر طرف ليلك وحول علـى بـدرك
تناقض مفاتن جسمك الغـض تفتنـي=علوك يطالع واوسطك حاجبه حـدرك
لو اني بغيت احكي عن الحسن لو اني=يخلص كلامي ما بلغ حسنـك وقـدرك
عليك المشاعر والاحاسيـس تشغلنـي=ومع غيرك احساسي مايشعر ولا يدرك
العرض الشجري
