يامدعي للود ماباقي أعتاب=أرحل ودع قلبي بحالة سبيله
الود عندك لعبة مالها أحساب=حتي المشاعر في حياتك دخيله
لاتحسب أني جاهلا فيك مرتاب=يامير نفسي في هواها جميله
ولاتحسب أني بحتري لك علي الباب=وأذل نفسي لك وذيي مستحيله
أنا عزيز النفس والطبع غلاب=ومرضي علي نفسي لها بالهزيله
من صك لك بابن فغلق لة أبواب=ومن لايجئ لك في الهوي لاتجئ له
هذي طبايعنا وكلا له أسباب=والكل يفهم في معاني دليله
والحر مايثني علي الحوم وثاب=الا ومقناصه غدي في حميله
وقرم الرجال اللي عزيزين لشناب=تلقاه دايم في الشروف الطويله
وتلقي جواده في مغاديف لهضاب=مايسلك العوجاء ولاهي سبيله
ولوشاب أناقلبي عن الصبر ماشاب=بسقيه من مر الصبر وانتخيله
والوقت يجري لاكن الدهر قلاب=والدهر دولابن علي كل جيله
يالله يامجري من اليم سحاب=تجري به أمزون الحيا في مخيله
ويدوربه غيثا من الجود سكاب=يسقي اديار ن ظاميات محيله
حتي غدي للعشب من فوقها أطناب=وتضاولت وحش الفلا في مقيله
لي ماتري يا غير قرنن بلا ناب=في روضتن يرعن أعشوب الخميله
أنت الرجاء ياربنا بعد لسباب=وماخاب من عبدا رجاك الوسيله
ترحم ضعيفن رافع الكف طلاب=يرجوك من جودك وعينه هميله
وأختم كتابي والشعر ماله أكتاب=الا علي نظم القوافي وسيله
العرض الشجري
