اسعد الله اوقاتكم بكل خير وشعر ومشاعر
هذي قصيدة الشاعرة الكبيرة // سديم الوقت
صح لسانك وهلابك من جديد شاعرتنا القديرة
واعذريني بالتأخر
لأني والله كنت مرضان! هاليومين اللي فاتت افلونزا
مع العلم ان قصيدتك افضل من ردي بكثير
لكن
تقبلي ردي المتواضع
أتمنى ان ينال رضاك
اقول:
اهلا هلا ياشاعرة حلو قيفان= يامرحبا ويامسهلا وياهلابك
منك القصيد اصناف واشكال والوان= لاشك كله مزهر ٍ من خطابك
ومنك التواضع رافع ٍ لك ترى شان= ماغيرّك شعرك ولا الكبر عابك
فيك التواضع للمعالي بسلطان= يعلي مقامك في كرامة جنابك
ياشاعرة ماشافو الشمس عميان= لا شك ضاق الصدر لحظة غيابك
اكيد اكبر قهر لا صرت هيمان= واللي تحبه! مادرى عن عذابك
بس القهر لاخفيت في بعض الاحيان= عن اللي تحبه لك شعور ٍ غدابك
وش يدري المحبوب؟؟ عن حب كتمان= لاصار مابينت له ما دهابك
واجه حبيبك لا تصير انت خجلان= ريح ظميرك .. دز له من كتابك
ياشينها لا صرت خايف وندمان= ويازينها لا ابديت شي ٍ بدابك
وإنكان مايبغاك ليش انت تعبان= اريح لك الصدمه! وشفته سرابك
اطرد ورى اللي بالوفا رمز عنوان= اهل القلوب اللي غلاهم بقى بك
ياشاعرة يامبدعه شعر بأوزان= رديت لك شعرك .. وشعرك زهابك
وان كنت متأخر!؟ ترى كنت مرضان= واخر كلام اقول اهلاً هلابك
مع صادق التحية والإعجاب
العرض الشجري
