انتظر يابعد قلب اللي هواك
لازم اجيك ولو طال السفر
لا تحسب اللي عشق حبك نساك
لو غيابي عنك يتعدى الشهر
لو اصير ابعيد عايش في رجاك
لاتجاهلني ترى كلك نظر
لا تعذبني ترى قلبي فداك
انتظري وانتظر مني خبر
انتبه لا تتهمني في جفاك
انتظرني لا تزود بي قهر
انتبه واحرص تبيع اللي شراك
اجبر القلب الذي منك انكسر
من فراقك ياحلو ذقت الهلاك
صرت مثل اللي غرق وسط البحر
انت غالي والحلا زود غلاك
لك جمال مالقيته فالبشر
هرجك حالي ترى زود حلاك
لونك صافي كما لون القمر
زاد حسنك ربي اخلاق عطاك
ربي اللي لا بغى شي قدر
منقول ( اخيكم هم الليل )
العرض العادي
