ولا اذا جو يسلمون على بعض يمه يمه يمه تسمع صراخهم من على بعد عشر كيلوات
كأن احد ميت لهم وقسم ان صراخهم يروع .. كنهم ما شافو بعض من سنيييين .. وهم امس شايفين بعض :
بس هذا لزوم الدلع يعني المخرج عاوز كده ...
ومن ناحيه نظامهم .. انا اقول لكم وش نظامهم في السلام ..
1-اذا شافوا بعض من بعيد صارخوا صراخ قوي مع كلمه يااااااي ( وحطوا يدينهم على خدودهم) وطيروا حواجبهم شوي
2-يركضون ركضه الانااقه الي بشووويش .. خخخخخخخخخخخ
3-ما يصافحون بعض أبد. يعني نظام على طول بوسه على الخد
ملاحظه: ( الي بتمد يدها ترا بتتفشل)
4-يوقفون قدام بعض ..ويطالعون بعض .. بعدين فجأه يصرخووون
5- يحضنوون بعض ويجلسون ساااااااااعه .. يبربرون في أذنين بعض
6-بعدين يبعدون.. بس يصيرون ماسكين يدين بعض..
7- كل وحده تريش بالثانيه .. وأول شي يقولونه ( ياااااي مره نحفتي , ياااااي مره الفستان خطير عليك
:
نجي الحين الستايل .. وهو أهم شي
الشعر .. لازم يكون على جنب ويفضل يكون {ويفي} ولونه بني فاااتح..
وروج احمر عشان الشفايف وكذا ..
والنظاره وهي أهم شي .. عشان لزووم الكشخه..
هذا غير نظرات الأستحقار الي تطالعك فيها اذا كنتي مو من مستوها ...
لما تجتمع مع صاحباتها .. كل سواليفهم .. يوووه شوفي مره نحفت .. يوووه مرره سمنت
واااااااااااااااو لونها روعه .. شوفي نفخت شفيفها .. لا لا سوت تجميل بخشمها .. لا ترا نافخه خدودها .. شنطتها تقليد .. جزمتها مااركه ياااي ..
ولا السوالف حقتهم .. نص حكيهم { إينو }
إينو أنا مررره تفشانه .. وإينو ماما .. مره معصبه مني عشان أنا .. ما عطيتها بوسه الصباح
وإينو أحنا .. كل صيف في باغيس ..<--غصب تصير كشخه
و دادي يقول لي خذي الفيزا حقتي واشتري الي في خاطرك< نصآآآبـه
وقسم سوالفهم تجيب لي المرررض .. ما استحملهم . ويحبون يحكون عن نفسهم مررره..
وياليت كل حكيهم صدق .. نصه نصب في نصب
انا اعرف بنااات .. مع اهلهم غير .. ومع صاحباتهم { إينو} ما ادري وشو هل هو انفصام في الشخصيه ولا ايش بالظبط
ترا انا اسميهم بنات { إينو و كيفوك }
هنا بتجيك ولما تسألونهم ايش اكثر حيوان يحبونه .. المصاله
ياااااااااااااااااااااااااااااااااي مررررره احب الـ Dog ( كلب اكرمكم الله )
زماااان كان عندي بوبي .. يااااااااااي مره وحشني <-- بتسوي نفسها مره حزينه ..
بس يا حرااااااااام مات .. لأنو المربيه ما اعطته اكل .. :
ولما تقول لها شي عن القطوه .. بتقول ييييييييع مرره مقرفه .. بس شعرها يتييييح ويوسسخ الأرض <---- مع مية رمشه بعيونها .. ورزه هااشفايف
لالالالالالالالالالا وابشركم .. فيه حيوان جديد صاير موضه ويحبونه .. تعرفون وشو ؟؟
الهامستر .. الفار الأبيض
مااااره كيووووت وماااره بريئ .. وماااره ياي يخقق .. احس انو البيبي حقي <---- وقسم ما استحمل بصيييح
ما اقول الا يا صبر الأرض بسس ...
نجي لنظامهم في الصباح ..
لما تسألونهم ايش فطوركم ؟؟ طبعاً معروووف كلهم زي بعض سبحان الله
تقول لك (كروسان+ كلوب ساندوتش+كورن فليكس+كوفي + اومليت >-- ترا قروي الي يقول بيض )
لاكن لو جينا للصدق .. خبز صامولي وجبن كرافت.. وعصير ربيع .. <--- ويخب بعد
بس لازم عشان برستيجها ما يخرب الله يحييها ..
ولا لما تزعل وعووووووه انواع البثاره ..
كل صاحباتها الـ { أينوات}
.. يجتمعون حولها .. وش فيك حبيبتي .. ليه انتي مرره Sad مين مضايقك علميني بس وأنا اروح أأدبه < بس حكي فاضي ولا هي من جنبها---- اصلن
ويسوون افلام وقصص .. وصياح ونياح
واخر شي يطلع السبب .. ـ بااااااااااااااااااااااااايخ
اعطيكم مثال :
مره وحده الله يذكرها بالخير.. شفتها مرررره زعلانه وحزينه وضايق صدرها.. كأن احد ميت لها .. جيت سألتها وش فيك ..
سوت لي قصه .. واجتمعوا حزب الـ {إينو} علينا .. وخمخمه وشي الله لا يوركم .. انا ما عطيتهم جوهم ابد ..
جيت جنب البنت الحزينه وسألتها .. طبعاً سااااااااعه تتشكى وتبكي .. ومدري ايش ..
اخر شي قلت لها طيب الزبده الله لا يهينك وش فيك؟
.. وش تتوقعون طلعت زعلانه منه ؟؟؟!!!!
زعلانه عشان أعز صاحبتها .. ما كلمتها امس .. من بعد ما وعدتها انها تكلمها<----- يقططططططع أوم المرض الي كذا .. انا بغيت اصفقهاااااااااااا
قلت لها من جدك ولا تمزحين ؟؟
قالت: لا أينو هيااا وعدتني .. وانا ما احب كيذااا .. تخيلي ما نمت استناها...مره تعبت امس جايه مواصله من القهر .. انا هنا طقت طبولي .. وقمت ادخن ..
هو اني اسفهها وامشي ولا اقتلها و لا ولا ....
يعني من جد ما ادري وش يحسون فيه بالظبط ؟
ايه نسيت اقول لكم شي : نص حكيهم English واذا جينا للجد .. ما يفقهون شيئاً فيه هههههههههههههه
ما يستفاد من الموضوع :
1-أنا ما اقول كل البنات كذا لااا بس الأغلبيه
2-أن كل ساقط وله لاقط <---- اشتهيت اقولها
3-أن البنات ما كانو كذا من أول
4-أذا حسيتي بألم في الراس وثقل في اللسان ترى احتمال كبير تطلعين من بنات { أينو}
العرض العادي
