اسعد الله صباحكم ومسائكم بأكاليل الورد والزهور
قريت القصيدة في احد المنتديات وعجبتني وحبيت انقلها لكم واتمنى تنال اعجابكم
الشاعر عبدالرحمن الذايدي
عنوان القصيدة ( الحروف الحزينة )
جاني خبر مكتوب بدموع وجروح=كل الحروف اللي بوسطه حزينه
طاحت عليه دموع عيني وانا انوح=وقلبي من الفرقى تزايد حنينه
قمت اتوجد كاتم الشوق ما ابوح=واصبّر قليبي عسا الله يعينه
واعشمه هم الليالي يبي يروح=اصبر ياقلبي والجروح الدفينه
وازريت انا انسى همي منين ماروح=كل اتجاهاتي جروحا ً طعينه
والعين مهما تخفي الدمع مفضوح=ما تحتمل دمع الالم والغبينه
ياللي تقول الدمع مافيه مصلوح=علمني بطب الجروح اللعينه
وين الطبيب اللي يداوي يا ممدوح=ووين الصبر واشريه يا سعود وينه
ماظنتي بالطب حزني يبي يروح=وقلبي غدى يا عناد مثل الرهينه
لاصار فرقى من توده من الروح=سلم على قلبك ترى حان حينه
ودام الشقا يا حمود مكتوب باللوح=كلا ً يذوق اللي انكتب في جبينه
دمتم بخير
العرض الشجري
