السلام عليكم ورحمة الله وبركاته
هذه اول قصيده لي في هذا المنتدى الراقي اتمنى ان تحوز على رضاكم:-
يامرحبا بك مثل ما سلمت وعليك السلام
============== عد الحروف اللي نطقت بها السلام وقدها
يامرحبا بك والعيون الخرس داخلها كلام
============ والكلمه اللي تستحي منها دواما بدها
قلها ولو هي كالسهم صاحبك ضاري بالسهام
============ كم صوبت صوبه سهام وكم بصدره صدها
قلها وريحني قبل تصحى بك جروح نيام
================= تعبت انومها لعل النوم يحفظ سدها
اخاف لا صحيتها ترقص لها بنت الغمام
============= لامن لمع براقها قال الرعد خذ ردها
اشوف كنك غارق باللهم ولا مستهام
============ ولا تبي تعرف خفايا النفس واللي شدها
خذ عندك اللي ماتعرفه والعلوم لها زمام
========= واللي فلت منه الزمام اكثر علومه هدها
صاحبك تعجبه الجميله دام مبداها احترام
=================== لكن ليا شاف التغلي ماطلبها ودها
قوى روابط عزته وايقض لها حرب الخصام
=================== ولا انهزم قدام ضحكتها وبارق خدها
لو تكتسي حلة حنان من قدمها لا البهام
====================== مالينت قلب قسى ضد الحنان وضدها
الا حنان امه خضع له واستلذ الانهزام
==================== قبل قدمها وانحنى قبل يقبل يدها
صاحبك لا منه جفاه النور ماهاب الظلام
================= اشعل قناديل الثقه بالنفس واشعل ندها
ساق المطيه للوفا وادرج يمينه للخطام
==================== ون مال عنها شدها عجل وعدل شدها
له شور ابلغ عند نفسه من مضاريب الحسام
============= وله عزم اقوى من جفا بعض النفوس وصدها
لا صار شور الرجل مايجلى عن النفس العسام
========= ياعل شلفا القوم تطعن في لآخر حدها
ون كان محصول التعب ماسد حتى للحمام
=========== في ذمتك وش فايدة يمنى الفلس من كدها
لاينشغل بالك على مثلي ترى ربعي كرام
============ لكن معك بالله رساله للعواذل ودها
العاذل اللي لامني ماله على مثلي ملام
=========== عليه يبني لومته ونا علي اهدها
ون كان مافاد الهداد الضرب في الميت حرام
========= انا مسكت نصابها خله يلاوي حدها
اشوف كن الليل قرب يرتخي عنه اللثام
============ ونا علومي لاتزال يزيد عندي مدها
تعال اباقول الك شي واضح قبل الختام
===============ابيك تفصل به سواليف الهزل عن جدها
والله لو اخسر مابقي بالعمر ماارجع للغرام
========== ونا ليا من قلت كلمه والله اني قدها
الخلاوي,,,,,,
العرض الشجري
