قصة نادمه
يا ظالمه جاني خبر دمعك على خدك نزل
وإنك تبيني بسالفه .. تحكين قصة نادمه
أدري به الحب الجديد خلاك.؟ دوّر لك بدل
عيشي سنينٍ قاسيه .. من قسوتك هي ناجمه
عنّي رحلتي يا ظلوم .. حتى الغلا عنّي رحل
ناديت باعلى الصوت لك..لاشك مانتي راحمه
هلّت عيوني دمعها ومن عقبكم جسمي نحل
لا يا حسافه حبنا مع حلمي اللي راسمه
راح الأمل كنّه سراب والورد من ريّّك ذبل
الله يا غصنٍ رطيب .. جفّ الوفا بالخاتمه
من قال لك انا انتظر مشتاق لك ابغى الوصل
من قال فيني ساكنه .. يا بنت والله حالمه
أنا نسيتك من زمن ونسيت كل اللي حصل
خلاص قلبي ما يبيك واظنك انتي فاهمه
يا ظالمه لا تزعلين.. ترى الجزا جنس العمل
انتي ظلمتيني كثير وهذي نهاية ظالمه
العرض الشجري
