والله لو انك على الهجران تجبرني =مهجرك لو انت مع غيري تخليني
تعال شف طيفك بليلي يسامرني=ولو نمت لحظه من احلامي يصحيني
تعال بالله ابي عنك تبشرني=وش صار في غيبتك يا فرحة سنيني
تدري وش اللي على فراقك مصبرني=انك تمكنت من قلبي ومن عيني
والله مافي ساعةٍ فيها تغادرني =وانا معك وانت تبعدني وتدنيني
ابيك لا ضاق بك كونك تذكرني=اني لعينك ابيع اغلى قريبيني
كل شيٍ يكدرك والله انه يكدرني =لوانك بعيد لكن ساكنأً فيني
انا معك ما اتغير وانت خابرني=من يوم ما كنت مجنونك تسميني
تدري وش اللي بهالدنيا محيرني = انك قطعت العلاقه بينك وبيني
ان كان ودك بعد هالحب تقهرني = اكبر عزاى ان حبك في شراييني
تكفى ترى الصمت بغيابك يدمرني=مافيه شيٍ عن غيابك يسليني
من شانك القلب والتفكير منكرني=القلب بيديك والتفكير مشقيني
حتى الفرح من من غيابك صار هاجرني=ماني بلاقي بعدك اللي يواسيني
وان كان قلبك قسى تعال واقبرني=ابيك بس انت تقبرني وترثيني
العرض الشجري
