يسعد مساكم اعضاء منتدانا الشامخ لكم مني اجمل واعذب وارق التحايا واعذروني على الغيبه بس الصيفيه تعرفون وشلون غثاها هنا اقدم لكم ابيات وعساه تنال اعجابكم
اخوكم خالد القحطاني
ساعة غيابك كنها عندي سنه == وشلون لو فكرت بالغيبه شهر
السهر والليل والوحده تسبب الاكتئاب =والهموم تزود العله على القلب الجريح
والوله لاصار يكوي من سبب طول الغياب =مايلام القلب لو فكر من الضيقه يصيح
ياوليفي لاتحسب الهرج وحروفه عتاب=بس غبت وخافقي عيا بشوقه يستريح
كن كوني خالي وفرحته في جاله سراب= والسراب يعني الظميان مايقدر يميح
كل ما الد النظر اشوف به مثل الضباب= مدري امن الدمع ؟ ولا البعد ! ما عاده صحيح
في غيابك صرت جيد حيل في علم الحساب = اجمع الساعات واحسبها وخلتني طريح
اتوجد من طلوع الشمس لا حد المغاب = وان بدا ليلي بدا للضيق زفرات وفحيح
وجد تايه بالخلا مطعون ولى للذهاب = ما يفكر بالسلامه كيف يبني له ضريح
لا سلم من جرحه القاتل تلقته الذياب= مات قبل الموت قلة حيل والبخت الشحيح
ذا وجود القلب عقبك به شكوكٍ وارتياب= تلعب الافكار به مثل الشراع بوجه ريح
زود حبك ناب والغيبه على الخفاق ناب = التقت والحق محبك قبل لايصبح ذبيح
لو بطيعه كان تلقاني بصالات الاياب = انتظر رجعتك انا والشوق يالوجه المليح
يامتى ترجع تبشرني بتوديع العذاب = ويامتى حاجز بعادك من مواصلنا يطيح
لعنبوا حبك مضيعني من الدرب الصواب = لابغيت اقول طيب قلت بالغلطه منيح
ليه لان صدري لغيرك مافتح بالود باب =وما ملى عيني ابد غيرك بهالكون الفسيح
فلا تلوم اللي خفوقه من كثر الاشواق ذاب =لو تزيد شوي بغيابك معا نبضه يسيح
صغت لك حس المشاعر في تفاصيل الخطاب= بينه وحشتك فيني واسمع القول الصريح
العرض الشجري
