صد وتغلى واحرق اعصاب مغليك
وش قيمة الغالي اذا ما تغلا
أبعد وطنشني و إذا قلت وش فيك
قول الهوى لعبه وحنا انتسلا
أبيك بارد دم تقهر محاكيك
وانا ابتظاهر بالصبر واتحلا
وان جيت يمك مد عني خطاويك
من شيمة المقفي خطاويه عجلا
لا تلتفت لي لو أصوت و أناديك
وان طاحت الدمعه ترا العين خجلا
وإذا ألتقينا صدفه وقمت أراعيك
راع بطرف عينك وصد وتعلا
وان قلت لك تكفى ذبحني تجافيك
والقلب يا قلبي من الصد ملا
قل بدري وطبطب عليه بياديك
وتل الخفوق بسهم الأعيان تلا
نذرن علي لابيع هالكون و أشريك
يا أحلى من السكر يابو عيون نجـلا
و أبوس رأسك ثم أقبل خطاويك
و أستسمحك لو جاتني منك زلا
ولك العهد لو تحرق أعصاب مغليك
يزود ماينقص غلا من تغلا
م / ن
العرض الشجري
