انا ادري.. وهي تدري!!

[غالي الاحساس]

هلا بالروح واالخافق...
هلا بأحلى بساتيني
هلا بالي أحس الشوق منها
ياكل باقي عظامي

هلا بك طيفك أوزاير
هلا بك يابساتيني
تمطر كل مافيني
بحب وريحتك كادي

أحبك يامغربلني
أحبك ياهنا الولهان
أحبك وانتِ تعذيبي
وحكاوينى بكل لسان

أحب يومك تناديني
تقولي لي: تعال اقرب!
أبيك اقرب
وأجي اركض... وحين اوصل !!
نعم ياروحي وش عندك؟
تقولي إنسى ... حبيبي نسيت وش ابغى؟

وأقوم اضحك... ومستانس
وعنها بخطوتي ابعد... ويوم ابعد
تناديني! ...حبيبي تعال لا تبعد!!
أبيك اقرب ... تعال اقرب
وحين أجلس...

نعم ياروحي وش عندك؟
تقول إنسى ... حبيبي نسيت وش أبغى؟
وأعاتبها... بلينه وخافقي معها!
تقول ارجوك اعذرني
ترى شوفك ينسي القلب وش يبغى؟

وأرد ابعد... وعنها أبعد...
وقـلبي ملتهف ينطر...
تنادي روحي من ثاني
وأجي ملهوف ... وهي مثلي
تبي قربي ... وأنا ابها...
لا أنا مبعد ...وهي تدري...
وهي تنادي ... وانا أجيها.