ورده سعيدان

الشــــــــــوق · 03-05-2003, 06:04 PM

ورده سعيدان
في صباح يوم مشرق وتحت اشعه الشمس المتحمسه..المنبثقه من فتحه المكيف على عين سعيدان..الذي قام من النوم نشيطا ..ونقز يغسل وجهه بالماء والصابون سبع مرات احداهن بالتايد مع مبيض.
وبعد ذلك انطلق مسرعا ليقف عند باب بيتهم لاعنده لاشغله ولامشغله الا انه ينتظر حبيبته وعشقه الوحيد..من بيتهم ذاهبه الى مدرستها..انها منيره..ام الشوشه المستديره..ذات الخدود الكبيره ..وام جبهه مثيره..

خرجت منيره من بيتهم ضاحكه مستانسه ..تناقز يميناذات مره ...ويسارا مره اخرى
تغني وهي مبسوطه..وفي نفس الوقت تحمل بين خلجات قلبها الشوق..لأن تركب الباص ..لكي تجلس جنب النافذه..حيث ان الحلاق سوف يمر من الحلاق الذي يحلق فيه حبيبها ..والانسان الذي تحبه من قلبها ..

انه خالد..ولد جيران صديقتها..الذي قام من الصباح ..راكضا الى سيارته ليحلق شوشته..لأن اليوم سوف يذهب يجيب أخته من مدرستها..والتي تدرس فيها حبيبته الوحيده ..التي لم يحب غيرها ..انها سارة

سارة التي كانت تجلس في فصلها ..في حصه الرياضيات..تهوجس وترسم وتكتب حرف نون كبير..وودها انها تصرخ وتقول أحبه..أحبك يانواف

نواف ..اللي عنده مباراة مع اخوياه ..وقاعد يتدرب بحوش بيتهم من الصبح..على امل ان تطل عليه بنت جيرانهم .وحبيبته اللي يحبها من كل قلبه ..ريما

ريما اللي تذهب الى المشغل ..تصلح شعرها..ومتشخصه بتروح لعرس صديقتها..وودها تصير حلوة قدام اهل حبيبها مشعل

مشعل وهو الذي دخل العسكريه ..وتبهذل..ومازال يدرس فيها بسبب انه سمع حبيبته هند ..تحب العسكر

هند وهي تلك الفتاة الجميله..الرقيقه..التي تجلس امام التلفزيون..تنتظر برنامج ..فيه واحد يشبه حبيبها وليد

وليد ذلك الفتى المندفع بين اصدقاءه..يحاول الاّن ان ينط فوق الملحق يجيب الكوره
عشان يقز حبيبته في حوشهم ..حبيبته امل

امل والتي كانت ناويه تروح للملاهي مع صديقتها..عشان اللي يبي يوديهم هو اخو صديقتها..وحبيبها عماد

عماد دايم يرجع من الدوام زهقان..ولكنه يروح يدق على بيت حبيبته مها ..ويسمع صوتها ويسكر السماعه..

مها وهي مدرسه العربي..وبينما هي تشرح الدرس دايم تكتب بالامثله..قام فهد ..وجلس فهد..على اسم حبيبها

فهد يعمل مصمم مواقع..ودائما ما يكتب تحت تصميم له ..لجين على اسم حبيبته
لجين ..التي تموت على ولد جيرانهم سعيدان

وفي نفس ذلك الصباح نقز سعيدان على حوش بيتهم وقطف ورده حمراء
وراح ..وزلق عند باص منيره وعطاها الورده..وردت له بأبتسامه..

وبينما الباص مر من عند الحلاق اللي فيه..خالد كانت منيره تويق من الدريشه..ولما شافها خالد رمت له الورده تعبيرا عن حبها ..

اخذ خالد الورده واعجبته ريحها ..ولما طلعت اخته من المدرسه قالها اعطي ساره هذي الورده مني ..

اخذت ساره الورده ..وداخت على ريحتها ..وقالت في نفسها..هذي ما تصلح الا لحبيبي نواف..وراحت الملعب اللي فيه نواف وحطتها على سيارته..

شاف نواف الوره وقال بأندهاش هذي ورده ريما..وانطلق للمشغل اللي رايحتله ريما وحط الورده عند الباب...

شافت ريما الورده ..وفز قلبها ..وقالت هذي ورده حبنا انا ومشعل ..وارسلتها له

لقى مشعل الورده ..ولما رجع البيت ..ارسل الورده مع اخوه الصغير ..لحبيبته هند..

وخذت هند الورده ..وراحت تعرفت على اخت وليد ..وقالت لها عطيه هذي الورده مني..

وليد كان مشتاق لحبيبته امل ..وقال مالي غير هالورده تعبيرا عن شعوري..ورمى الورده على حوشهم ..

امل خذت الورده ..وهي رايحه مع صديقتها حطتها جنب يد حبيبها عماد

اخذ عماد الورده وراح لبيت حبيبته مها ..وحط الورده عند الباب..

شافت مها الورده وهي طالعه ..وعطتها اختها الصغيره تحطها على سياره حبيبها فهد..

فهد اخذ الورده وارسلها لحبيبته لجين..

اخذت لجين الورده و طارت من الفرحه انها لقيت شي تعطيه حبيبها سعيدان

ونقزت لبيت سعيدان وعطته الورده

وقال سعيدان :يؤ موب ذي الورده حقتي !!!

اللي يبيننا عيت النفس تبغيه**واللي نبيه عيا البخت لا يجيبه

يالطيييييييييييييييييييييييييييييف
يضرب الحب شو بيزل
تحياتي لكم: الشوق*r

كونان_1 · 03-05-2003, 07:25 PM

ههههههههههههه
الورده لفت ولفت ولفت و لفت ولفت و ....فاضين انا باكمل ... ولفت ولفت ولفت ..
خلاص طفشت .. ولفت ولفت هادي الدايره على قولت استاذي الرياضيات و الفيزياء
و الرياضه و الاحياء و الجولوجيا و الادب والقواعد و الانجليزي و الا اقولك الانجليزي لا و الفقه و التوحيد انتو فاضين زي تمام كده و الاتفسير و الحاسوب
و الكمبيوتر و pc " حاسب الي " .....
" دائره مغلق " يعني تلف و تلف و تلف و ..." ترجعلك "
شوق التعليق صار اكبر من الموضوع عايادي صح ..
خليني اكمل كلامي فين وصلت اها الدائره المغلق هي الدائره اللي تلف و تلف و تلف
و تلف و تلف و تلف وتلف وتلف وتلف و ... و تلف . وترجعلك
سوري على التطفيش
سلملم