الوجوه تغيّرت
والناس تكبر ..
والقلوب اللّي قبل كانت حنونة
صارت الغـدر وطعونه !!0
السماء حمرا وطيور الحب ماتت
واشتعل ( دوح ) الوفاء
نار وحريق ..0
وين يصدح عندليـبه ؟!0
كلّ جرحٍ تجرحه لمسة طبيبه !0
كلّ قلبٍ تطعنه يمنـا حبيبه !!0
والقريب يشوف موته من قريبه !!!0
ياصديقٍ مابقى
غيره صديق ..
واقفٍ لي بالطريق ..
ينكسر من دون كسري
وينثني من دون ربعي ..
إن كتبني سال دمعه
وان كتبته جفّ دمعي ..!0
ليتني ما كنت شاعر ..
واكتشفت إن الحروف
اصدق من أوهام المشاعر ..!0
******************
من مدينه
يسكنون الناس فيها
هاجرت روحي
طريد ووجه شاحب ..
وبدفاتر
ينـتـثر شعري عليها
طابت جروحي
سكنت وصرت صاحب ..0
ما سمعت اللّي نصحني
" لا تهاجر "
ما سمعت اللّي جرحني
" لا تهاجر "
ما سمعت اللّي ذبحني
" لا تهاجر"
بعت عمـرْ
سنين عمـره علّقوها الناس
في سوق المدينة والمتاجر ..0
وقلت أهاجر !!0
بعت عمران المدينة ..0
الشوارع
والميادين الحزينة ..0
والنهار اللّي بكت فيه الفضيلة
والظلام اللّي ضحك به
ألف فاجر ..!!0
قلت أهاجر ..0
وأتحمل كلّ صيحات الحناجر !!0
وأتحمل كلّ طعنات الخناجر !!0
لعنبوها ها لمدينه ..0
فرّقت بين الحبايب
والنسايب
والقرايب ..0
علّمتنا كيف نكره
كيف نكفر ..0
نسرق اللقمة من عيون
اليتامى !!0
ونتعامى !!0
علّمتنا كيف نخسر
كل ( طـيّب ) وبجداره !!0
كيف نفرح بالخسارة !!0
كيف نفرح وبجنون ..0
كيف نخفي بالفنون
اسم ( الشطارة ) !!!0
بس ابد ما علّمتنا
كيف نرقى
ونتسامى ..0
كيف نقسم لقمة العيش البسيطة
بين جار
وبين جاره !!! 0
****************
وين جرّات الربابة ؟؟
وين ( رجمٍ ) صدّعه صوت الذيابه ؟؟
صيحة ( الهاون ) تشقّ الليل
وصهيل الخيل
ودلة هيل
ومشاكيل القرابة !!؟
يوم كانت عامره بيض النوايا
كانت الدنيا..0
سحـابه !!0
هيه ياصحرا ..0
على سكانك آلاف السلام ..0
عاصروا برد وسموم
وواجهوا عصف المنايا
لكن ابداً ما تخلوا
عن طباع ( الطيب ) في حرب وسلام ..0
علمهم فوق أي علم
وحلمهم فوق أي حلم
وجهلنا فوق أي جهل
وغيظنا ما يفتح ابوابه لسلم !!0
يا صاحبي
ما في الرجاوي خير
بعض الرجاوي هم
وقت ( الرجاجيل ) انتهى
وها لحين وقت ( الغمّ ) ..0
لا تقول لي بالهون
اصبر ولا تهتم ..0
لـو للضمير عيـون
سـالـت دموعـه دم !!!
العرض العادي
