ياطير ياللّي حول حائل مرابيك
احبتي
قصيده من كتاباتي اتمنى ان تلامس قلوبكم
[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="outset,10,limegreen" type=2 line=200% align=center use=ex length=0 char="" num="0,black" filter=""]
((ياطير ياللي))
ياطير ياللّي حول حائل مرابيك = برسل معك ياطير هاذي الوصيّه
عجّل بها ياطير واسرع خطاويك = وانزل بها بالديره الشّمريه
في وسط ناسٍ ماتخيب هقاويك = اهل البداوه والكرم والحميّه
تلقى حبيبي يابعد روح مغليك = طاغي جمال وضحكته نرجسيه
اليا حكى كنّه من الشهد يسقيك = واليا سكت تتوّقف الجاذبيه
واليا ابتسم ماظن ياطير يمديك = تعرف قمر وياك والاّ بنّيه
سلّم عليه ودمعتك لاتجاريك = عطه الجواب وعّطره بالتحيه
وقبل الكلام وقبل قولة هلا بيك = ذكّرها باحلى ايامنا الاوّليه
ذكّرها باوّل مابدا الحب يشقيك = وعلّمها كيف سواية الوقت فيّه
قلّه حبيبك ينشدك عن تجافيك = ليه الجفا من دون ذنب وخطّيه
من عقب غابت عن عيونه لياليك = ليل الهنا ماعاد يمسي عليّه
بين التجافي وبين رجوة تلاقيك = اقضي حياتي بين هاذي وذّيه
ماقلت لك قبل ابتدي الحب واجيك = مالك على دروب الهوى مقدريّه
سّيد جروحي كافي ارجوك يكفيك = جيتك وقلبي شايله في ايدّيه
ان كان جرحي ياهوى البال يرضيك = اجرح عساك تعيش عيشه هنيه
تحياتي للجميع
[/poet]
العرض الشجري
