على كيفك حبيبي وخذ هالدنيا بمزح وجد ..
على كيفك تمادى في عذابي لين تنهيني..
أنا قد الحزن .. قد الشقا .. قد احتمال الصد
أنا وان كان ما تدري يموت الورد بيديني
ولكن لي رجا واحد قبل ما دمعتي تنهد
الى منك نويت الجرح.. أمانه لا تحاكيني
ترى بعض الكلام اوجع حبيبي من كفوف الخد
على قلبي..على روحي..على إحساسي..و على عيني
وأنا ما قلت هذا أترجى منك عطف وود
أنا أقوله لاجل تعرف وش اللي تجهله فيني
وعلى كيفي أبصبر والصبر له في النهاية حد
ولامنه وصل حده..تأكد ما أنت لاقيني
أضحي بالغلا بجدّي..وأبوجدّي لآخر جد
وأموت من العطش وأشرب دموعي لين ترويني
قصيدة مختارة
العرض الشجري
