على هام السحب

[دوسريه]

انا لي صادق احساس ابد ما يخطي احساسي...اذا هي دبة النمله احس ابها و افزالها

انا يا صاحبي عيت دموعي تحبس انفاسي...تجيني اليوم تبغيني ظروفي ان اماطلها

ابد لا و الذي سواك خلق غيرك من اجناسي...طبيعه فيني ما اتغير لو هو الغير بدلها

انا مثل الذهب يلمع و لي من قيمة الماسي...وكفايه ان لي هامه رفيعه ما انزلها

انا هي الدوسريه اللي على هام السحب راسي...فلا تحاول تساوي راسك براسي و اقبلها

ولو اني انا في يوم رفعت قدرك بلا قياسي...فهذا لانني حره وفي العالي منازلها

هواك اللي اخذ وقتي و حاول خلخلة ساسي...خذاه الريح و تبخر..ولو توه باولها

لانك صاحب ماله صديق ولا له جلاسي...و انا لي بين جلاسي مددت لك يد مطولها

اهي يد الكرم و الجود بعيد عنها الارجاسي...يد الطولات كثير لي غرف هو من مناهلها

عسى رب وهب لي الشرف و العز و الباسي...يظل راسي انا مرفوع هي اخر كلمه ارسلها [/SIZE]