ألا ليت الزمن يرجع ورى والا الليالي تدور
ويرجع وقتنا الاول وننعم في بساطتنا
زمان أول احس انه زمان فيه صدق شعور
نحب ونخلص النيه وتجمعنا محبتنا
زمن مافيه لاغيبه ولاحتى نفــــــاق و زور
ياليته بس لو يرجع ونسترجع طفولتنا
صغار قلوبنا بيضا نعيش بعالم محصـــــــور
ولا نعرف ابد اغراب ماغرعيال حارتنا
صحيح صغار في التفكير لكن ماعلينا قصور
نخطط نكسر اللعبة وتسعدنا شقاوتنا
نروح المدرسة بدري ونضحك داخل الطابور
نحاول نزعج العالم في روحتنا وفي جيتنا
وعشان ناخر الحصه نخبي علبة الطبشـــور
نشاغب بس في الاخر تميزنا براءتنا
نحب الضحك والهيصه نحب نط فوق السـور
نفرفش ليه مانفرفش مادام الضحك عادتنا
ولكن ..! دارت الايام وبان الخافي المستــور
وصار الهم متعلي على قمة سعادتنا
كبرنا وصارت الايام تصف .. احزاننـا بالدور
وتهدينا الألم والهم غصب عن عين رغبتنا
تعبنا من بلاوينا احد ضايق واحد مقهــووور
وكل ٍ غارق بهمه وفالاخر تشتتنا
وانا مااقول غير الا حلالاه* الزمـــان يــدور
ويرجع للورى فتره نعدل وضع عيشتنا
منقوووووووووووووول
العرض العادي
