بعد شوفك
بعد ما عيني في لحظة لمحت خافي في نظر عينه
وأنا صار القلم بإيدي يخط بنظم أبياته
وصار الشوق ما يدري طريقه لامشى وينه
عذرت الشوق لو يجهل طريقه وين وجهاته
عذرته بعد ما شفتك وقلت الصبر قم عينه
ودعيت إنه بعد شوفك يعوض كل ما فاته
نسيت أمثال من قالواترى هذا العقل زينه
يمشي صاحبه ويمحي سوايا كثر زلاته
ولكن زلتي أكبر وعقلي ربي يعينه
بعد ماتاه فكره في غموض وخافي نظراته
سنيني ويبتدي عمري إذا صارت مع سنينه
وأبد ما تنحسب دنياي إذا خالفت خطواته
محال البعد يقدر يوم ينسيني مضامينه
أحبه لا رحل عني وأحبه بكثر جياته
تبدل حالي بحال. وسري بينه وبينه
توضح وانكشف لأجله بعد ما ذاق حسراته
أنا قاسي بعد عرفه تبدل قسوه بلينه
وأنا عاشق بعد شوفه نساها كل آهاته
أبد لا تلوم لي جسمي إذا يضعف قبل حينه
وقلبي في نبضه ما ينلام إذا ضاعف في دقاته
العرض الشجري
