هلا بك عيدنا الغالي

[الطائر المهاجر]

[poet font="Simplified Arabic,4,white,bold,normal" bkcolor="seagreen" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
هـلا بك عيدنا الغالي هلا والحب لبلادي = هلا بالـورد والكادي ابارك للسعوديّه
تعودونه سنين طوال بفخر وعز الامجادي = رفيعي الراس بالعالي على العادي نداويّه
عبرنا للعـلا نبني حضاره فوق الاجسادي = وكلٍ يفتخر انّه سعودي اصل وجنسيّه
حميّة دوم تلقـاها وشهـامه للكـرم حادي = رجالٍ وين ما نمشي سباعٍ حزّة الهيّه
سعوديه من اقصى الشرق لاقصى الغرب والوادي = ومن عزّ الشمـال لتهمها والروح نجديّه
هلا بك عشقي الأول هلا بك فجر ميـلادي = هلا بك والغرام اكبر بقلبٍ صادق النيّه
تعالي افرحي حبّي وغنّي واطربي الشادي = على حبّك تلاقينـا ياشمس الكون يافيّه
ترى في العيد فرصتنا نتناسى كل الاحقادي = فخير الناس من يبدا بسلام ويكسب اخيّه
بـلا هجران نتعـايد وهذا طبع الاجوادي = كذا الاسـلام يامرنا نعيش بكل حبيّه
نصفّي نفوس مليـانه بفعل ابليس والعادي = بدين وعقل فالحكمه شعار نفوس مرضيّه
ونترك عنّنـا الفـرقه بتصنيفٍ به ينـادي = ضعيف الدين أو جاهل يفرّقنـا بعفويّه
فهـذا صار علمـاني وهـذا صار الحادي = وهذا من الخوارج صار وهذا فيه جاميّه
عقول صغار تزرعها عطت للنفس القيادي = وكلٍ يصدر الفتوى ولا به من حـدٍ زيّه
يغسل عقول من سحره يقول إن الله ينادي = ويصدر صك للجنّه وعقـد قران حوريّه
واذا من انكشف امره تعـذر دون اجهادي = عن اللي اصدره كالطفل لا عقلٍ ولا رويّه
يبي الدنيـا ويشريها يمثّـل دور زهّـادي = مثل غيره من اللي سلعته بالـدين مخفيّه
عقـولٍ تشترى وتبـاع لو تظهر للعنادي = سريعه في تحـوّلها سـلاحف برّمـائيّه
وضحايا كثار ما تدري تحسب إن الأمر عادي = ولو هي من القبر تبعث تدين اللي انكشف طيّه
سعوديين يالعزوه يا فخري بكل الأعيادي = نبي وقفة رجل واحد لاجل أمن السعوديّه
جسد واحد فكر واحد ما بين الحضر والبادي = وحب الدار يجمعنا على خـوّه وحنّيّه
حصاني الحقد لو كثرت تبي الفرقه والافسادي= نعرّيها ونحمي الدار ونكشف من خفى غيّه
سعوديين ما نقبـل تطول الـدار الانكادي = نفاديهـا بدم القلب والأرواح مرهيّه
نعيش بحاضرٍ احـلا ونبني مجد الاحفادي = حمـاك الله يا بلادي بعالي المجد دريّه


[/poet]

[محمــد القعـيقعي]

[poet font="Arial,5,white,bold,normal" bkcolor="limegreen" bkimage="" border="groove,5,black" type=2 line=200% align=center use=ex length=0 char="" num="0,black" filter=" dropshadow(color=gray,offx=4,offy=4) shadow(color=black,direction=135) glow(color=black,strength=5)"]
أضم الصوت للصوت وأنشد لك بلادي"="عسى الله يحميها وتبقى سعوديــّه
مرفوعه رايتنا على الاسلام بتنادي"="عز وفخر للناس جنوب وشماليــّه
هذا الوفا للدين والدار ياشادي"="والله على شانك ..!! صفقت بيديــّه
تسلم على ماقالت ياصاحب الكادي"="وهذا سلامي واصلك من دون برقــيّه

(( محمد الرويلي ))!! (( صـادق الكلمه))
[/poet]

[آخرة العنقود]

شاعر العثمانيات
صح لسانك مليون
وكل عام وانت بخير
وكذالك منتدى الود يفخر بك وبكلماتك
التي اطربت قلوبنا
ولك كل التقدير والاحترام

[عبدالله الرقاص]

طائرنا المهاجر

تهاجر بعيدا

ويداد شوقنا لقدومك

وهاانت تعود الينا بمعايده رائعه

امتعت احاسيسنا


لله درك شاعر

كل عام وانت بخير

تقبل تحياتي

[مسعد المدلج]

هلا هلا


بالطاير اللي يطير ويعود


اخوي الطائر المهاجر


كل عام وانت بخير

جعله ينعاد علينا وعليك باليمن السرور

اخي لا تعليق على قصائد الجميله

اخي صح لسااانك مليون


تقبل تحياتي

[أمير البوادى]

[poet font="Simplified Arabic,4,white,normal,normal" bkcolor="transparent" bkimage="backgrounds/3.gif" border="none,4,gray" type=0 line=200% align=center use=ex length=0 char="" num="0,black" filter=""]
صح لسانك يالحبيب.. والله يعطيك العافية
[/poet]