[poet font="Simplified Arabic,4,darkblue,bold,normal" bkcolor="transparent" bkimage="backgrounds/15.gif" border="outset,4,gray" type=0 line=200% align=center use=ex length=0 char="" num="0,black" filter=""]
هلابلي يسلم عد ما ذعذع هوا الانسام=وغرد مع صباح الشعر فوق الغصن قمريه
تحية شاعراً لادق هاجوسه على الانغام =عسف صعب البيوت الشاردة وتصير طوعيه
كما الياقوت والعنير و مسراها من الدمام=وبكره بذن رب البيت في حد الصباحيه
انا يابندر الفيصل معك ومع الوفاء عزام=انا ماني بجازي راعي الحسنات بالسيه
ترانا لو توطينا الافاعي مانروح اقسام=مواقفنا تشرفنا من سنين الهلاليه
تعلمنا من الدنيا دروس ولزمان احكام =وعشقنا شيمة العقال والناس الحياويه
شكيت من الهوا والحب بلوى والغرام اوسام=خصوص أنكان جدرانه على ميثاق مبنيه
انا حاضر بما تامر ولو شفت الطريق ازحام=امانه ما تخلى عنك لو روحة بلاجيه
انا في كلمتي صادق وانا في طرقتي مقدام=على سلوم الرجال ونيتي ما هيب سطحيه
عسى ربي يسهل دربنا ونحقق الاحلام=وتصير ايامك اللي مقبله بالحب ورديه
صحيح أن الهوا بلوى وراع الحب ما يلام=يموت من الوله وهمومه راع الحب مخفيه
انا قبلك يابندر صاب قلبي طعنتين اسهام=من عيون الفتاة اللي مثل وصف النداويه
اموت بحبها العذري قبل تلبس غطا ولثام=لكن في ؟؟؟؟؟؟؟؟؟؟؟وانا وسط السعوديه
عليها اجاذب الونات واجبر قلبي المنظام=واقول اليوم بكره يرجع الغالي لغاليه
عسى ربي يحقق مطلبي والله هو العلام=لها في خافقي وحشة وهي مشتاقتن ليه
اخذ مني نصيحة وافية حب ً وراه اخصام=يعذب صاحبه ونهايته بتكون عكسيه
ترى بعض البضايع والسلع يبلش بها السوام=ويسج ولا يفرق بين هاذيه وهاذيه
ليا منك عشقت اعشق جمال ومركب الحكام =وجنب عن غرام اهل العقول البهلوانيه
محبكم / متأمل خير
[/poet]
العرض الشجري
