اخواني واخواتي شعراء منتدى الود
أرجوا ان تحوزهذه القصيده
على القليل من اعجابكم ,,,,,,
=-=-=-=-=-=-=-=-=-=-=-=-=-=-=-=-=-=-=-=-=-=
لا تحملني الخطأ دون ارتكابه
..................ياحبيبي طال هجرك مانتهيت
جيت له كلي وكله ياهلا به
...................جيت له شفقان يوم اني هويت
وش يفيد الحرف من دون الكتابه
....................وش تفيد سطور دمعي لو بكيت
وين هرجه وينها ذيك الذرابه
.....................وش يفيد الصمت يوم اني لفيت
خافقي ياهو بعدها صك بابه
..................... ومن بعدها يعلم الله ما اهتنيت
من سبايب حبها شفت الغرابه
.....................ارفع المنصوب واكسر كل بيت
ليه يرحل ليه يترك لي سرابه
........................ ليه يبخل بالعطا يوم عطيت
لا ذكرته افقد العقل وصوابه
.....................ويلعب الهوجاس فيني لا غفيت
يحرصه ربي ويحفظ له شبابه
..................... ومن عيون الناس ياربي دعيت
يوم شفته زال جرحي والتهابه
.....................ومن جماله ما احس اني ارتويت
هو بعد عمري وهو سبه عذابه
......................راضي بظلمه وعايش به رضيت
لو يأشر بالرموش الكل هابه
........................ والقصايد تنحني له بيت بيت
في نبرة حب حتى في عتابه
........................ فيه عطف وفيه رقه لو بغيت
يا شقـــاوي يالامير اللى نهابه
.........................خبره لو زاركـم يم الكـــويت
خبره عن حال المحب في غيابه
..........................بس يرجع خبره اني وفيت
وعلمه ان الهوى قد دق بابه
.....................مثل ما دق الهوى بابي وشريت
ولو يمر العيد ماجاني جوابه
...........................خبره اني على الفرقا نويت
.......وشكرااااااا...........عين الصقر
العرض العادي
