ماسكتي وسويتي درووووووب وعمايل..وانتي بذمة المسكين ابن الحلال

[العنوووود]

هذي قصيده تحكي واقع اجتماعي كثيـــــــــــــر منا يعرفه..
واتمنى تعجبكم,,على فكره هي للشاعر:فيصل المجفل

لوحكو وأستبادوا ماورى الهرج طايل
راس مال السوالف قولة فلان قال
لا يهمك وقدك للهبوب يتمايل
ماعلى الله بعيد ان كان قالو محال
اللقب مايفشل والأصايل أصايل
انتي مطلقه؟لايزعجك هذا السؤال
الطلاق أبغضه الله بكل الوسايل
بس يبقى ويبقى رغم هذا حلال
لاتقولين حظك بعده أغبر ومايل
حظك أحلى الحظوظ وعزتك راس مال
أفخري بالقناعه والعوض فالبدايل
جعل فالك يجي له فالمسرات فال
اصلا انتي عشانك بنت أصل وحمايل
مارضيتي يجي للعيب اي احتمال
ماسكتي وسويتي دروووووب وعمايل
وانتي بذمة المسكين ابن الحلال
ماتوقف على دمعه وهمس ورسايل
الحياه اكبر بعين الهنا والجمال
للأسف مااتعضنا من قديم السلايل
وعذرنا الواهي الكذاب باقي مجال
الزواج بعربنا صار مثل الجمايل
نتجمل بعمر عيالنا,,ذا عدال؟؟؟؟
الزواج بعربنا صار بين العوايل
لوهم اثنين نحسبهم حريم ورجال
ندعي بالتكاتف والحقايق هوايل
ونكتب المهر من زود التجني ريال
والنتيجه خراب بيوت والعمر زايل
ومن يعوض زوال العمر عقب الزوال
وانتي الحين سوقي للطريق الرحايل
ولأكيد قريب السعد لك كرنفال
ولا يهمك وربي ماورى الهرج طايل
كلها كلمتين وقالوا فلان قال...

[دموع الثلج]

أفخري بالقناعه والعوض فالبدايل
جعل فالك يجي له فالمسرات فال

العنود مشكوره على النقله الحلوووة

[سعد العصيمي]

العنوود
يعطيك العافية

اختيارجميل

الف شكر لك

تحيااااااااتي لك

اخوك متأمل خير

[ابن العز]

[poet font="Simplified Arabic,4,deeppink,normal,normal" bkcolor="black" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
اشكرك اختى على هذه القصيده الرائعه

واتمنى ان تقبل مشاركتي لك

كي تضعها بصمه من بصمات ابن العز

وسجل اعجابي الشديد بما تعنيه كلامتك


تقبلواااااااا خالص تحياتي


ابن العز
[/poet]