البارحه عيت عيوني عن النوم ** واحاول ارضيها وعيت جفوني
كن السهر حاتم وانا جيت معزوم** ومن الكرم شبعت ورويت عيوني
تلعب بي الدنيا بعد صرت محروم**من شوفة اللي سافروا واتركوني
عهدي بهم في تالي الصيف واليوم**اعيش بالذكرى وتنزف طعوني
ماعاد في البستان ورده ويشموم**ولا فيه عصفور يجر اللحوني
اضحك وانا في خافقي نار وهموم**الله ياكثر التعب والغبوني
راحل وفي جوي معاصير وغيوم**طالت مسافاتي وخابت ظنوني
سريت لكني لحالي ومنجوم** بين الهضاب العاليه والحصوني
ايه البحر ما ينكر الغوص والعوم**ايه الجفا غير حياتي ولوني
اشيل في صدري براكين وعلوم**وبيت السعاده قفل الباب دوني
انا كذا ساكت وصابر ومظلوم**من هالزمن واصحابي اللي جفوني
لا تحسبون القلب داله ومعصوم**يكره يحب وينجرح مايخوني
للحب في قلبي علامات ورسوم**واخاف يغريني ويصبح جنوني
وسلامتكم.. بالنسبه لكلمة(اسيرة الدرب) في القصيده الاولى كانت محيره بعض الاخوه في المنتدى وانا اعتذر لانها كانت غلط مطبعي ... وبالنسبه لاخوي (جاهد) القصايد اللي طرحتها كانت عباره عن تجارب في الشعر ولكن الحمدالله رب العالمين مع الايام تحسن كل شي وانا من جد من جد مبسوط من نقدك علي بالقصايد وبتوجيهك لي بالنسبه للوزن والقافيه .. والكلام للجميـــع ولا تحسبون اني شلت عليكم ولا شي بالعكس انا تحمست كثير للكلالم .. ولكم هاذي القصيده وان شاء الله انها تنال اعجابكم واذا كان فيها اي نقد انا قابله من اللحين (ومنكم نستفيد).... القلم الحزيــن....
العرض العادي
