عضّت قلمها وسرحت ضاعت مع ابحور القصيد

[الصعب بالحيل]

عموما .. اذا بغيتوا سموها قصه .. واذا حبيتوا .. قولوا لها قصيده ... سبق طرحها في الابـداعات الادبيه بس لوجود بعض الشعر ولني ما اشارك هنا قلت اكتبها لكم ان شاء الله تنال على رضاكم
0
0
لك انتي ... اذا كنت اقصدك .. فانتبهي .... بس احتمال تكونين بنت من بنات افكاري فاتمنى ما تجزعي
في يوم ... كانت الدنيا تزينها نجوم .... ويا زينها هاالنجوم ... دق تلفوني .... وقمت من مكاني .. ادور ها التلفون ... رديت .. سمعتها .. غريبه ها الشاعره .... كل ما كتبت فيني تبدع ... وانا بطبع البشر انغر ... الله قمة المتعه اذا انت الملهم ... لشاعره .. تكتسي من فنها .. روعة بس غريبه .. ها المره .. ما قاللت .. الصعب كتبت فيك قصيده ..... جتني تشتكي ... ابيات براسها .. ما تنساق وتعيي تطلع وتبان ... ياانا اللي ما صرت الهم .. او هي ارتضت غيري .. بس تدرون ؟؟؟ ميب مشكله خلوني اقوللكم .. اللي صار
0
0

هي : الصعب كيفك ان شاء الله بخير ؟؟
الصعب : الحمد لله ... تمام .. هاه قصيده جديده بعد .. تدرى مشتاااق اسمعك
هي : تصدق الصعب .... لي ساعه اعضض بهاالقلم عييا يطلع شي وانا لازم اكتب ..
الصعب : بس الشعر ترى مو هين يطلع متى ما بغيتيه يخضع ..
هي : لااازم اكتب لااازم ..الصعب : (( وقتها قبضني قلبي )) لازم تكتبين .... حاطه احد براسك ودك تكتبين فيه ؟؟
هي : تقريبا .. بس جيتك مشتكيه .. ليه مو قادره اكتب بيت واحد ؟؟
الصعب : اممممم ... ماادري شقول لك .. بس خلي قلمك ودفترك عند راسك قبل تنامين .. واكيد بيجول بخاطرك شي
هي : يا صعب ... كل شوي اكتب وامسح ... كل شوي امزع الصفحه واكتب .. ابي اي شي مو قادره .. وين افكاري المجنونه .. وعباراتي الميمونه ؟؟
الصعب : يمكن اللي ودك تكتبين فيه ما قدر يلهمك ؟؟
هي : ماله دخل هو .. ابيك تشوف لي حل ..الصعب : يوم كنت ببالك .. كنت الملهم لك .. ويا ما كتبتي .. وش صار عليك ؟
هي : طيب فديتك لا تغتر ... الشاعره لازم تكتب بكل شي مو بس واحد
الصعب : والمطلوب مني ؟
هي : انت شاعر وابيك تقولي وين العقده ابي تحلها ابي تغتالها ..
الصعب : وليه ما يغتالها هو ؟؟
هي : اووووه .... انت ما عندك سالفه .. فمان الله
الصعب : والله وصرتي تتاففين مني .... عندي سبب منعك .. بس باقول له لك بعدين
هي : متى .؟؟؟
الصعب : روحي لمنتدى همـس القـوافي واقري مع الناس ... السبب اللي ذبحك ومو قادره تعرفين وشو
هي : متى بتنزله ؟؟
الصعب ... بعد شوي ... عطيني ساعتين
هي : اوكي بس لا تفشلني
الصعب ماهيب مشكله فمان الله
هي: فمان الله
0
0
قفلت منها ...... مقتضب ... وفتحت الانترنت بغضب .. ويمكن بعتب
ماادري ليه ...... اكن لها بقلبي كل شي ... وهي .. ااااه من هي بس
عموما .... جيت لهاالمنتدى اكتب لها ولكم .. اللي بقلبي .... وحبيتكم تشاركوني ها الموقف
0
0
عضّت قلمها وسرحت ضاعت مع ابحور القصيد &&& كنّي اشــــوف ابيات تتـــــنافر تخاف وصـالها
تكــتب وتمحي خطّــها تمــزع وتبــدا من جــــديد &&& ترجي بفكرة تصـــــوغها والا معــــاني تنالها

وشوي قامـت تتـصل فيني تقول انت العضيـــــــد &&& فيـــــني مشاعر هايــجه عقــدة ابي تغـــتالها
يا شاعر(ن) ليه الشعر جافي وكنّه لي عنيــــــــد &&& يا ما كتبت من القــصيد الفن وانا اللي زلالـها

قلت يا اللي ساكنه قلبي وحبــــــــك بالوريــــــــــد &&& خوفي ابيّن لك سبب تبكي وتشكي غـــــــلالها
قالت فديت عيونك احكي لا تولعني مزيـــــــــــد &&& ارحم معاليق الهمـــوم اللي تهــز جـــــــــــبالها

من متى يا شـــــاعره شعـرك لغيري به يجيـــــد &&& ما يستــــقيم البيت اذا ما كنـت تحت ظلالها
لا غاب طيــفي عن سما طيفك ترى يمكن يحيد &&& ما تلتقي دروبه ولو حتى جـــمعت اشـــــلالها
ان صار غيريبيــــلهمك يبطي ترى يبــطي عتيد &&& والله يمـــــوت وما طلع بيت(ن) وانا اللي قبالها
بعد قرائتها هاالابيات ..

قالت صدقت ويا جعل عمري معا عمرك مديد &&& تنشل يدّ(ن) ترتضي غيرك تحطه بـــــــبالها
مير البلا كاتب نشـــد ردّي عـــلى كمّ(ن) قصيد &&& والشاعره تدري وفـــــا تقبل ترى من جــالها
0
0
مع تحيات الصعب