ذيبٍ شمـالي

[ناشدالود]

لي الشرف لو كنت ذيبٍ شمالي ياما علوم المرجله لي سبايا وان هو تردى حظي ازبن خوالي ومنين ماجيتن .. ربوعي طناياٍ وجه ْمعـنى / صدري فلا عاش خالي ياما تزبّـن ضيغمي بالحنايا يا الوايليه يابعد كل غالي قربك يشرفني . . فدتك الردايا اشفق على امجاد الليال الخوالي ماعاد له بين الرزايا بقايا أمجادكم تجعل من المر حالي وامجادنا للعـز جند وسرايا امجادكم ماخلّت اليوم تالي وامجادنا مايشبهنّـه سوايا امجادكم مايحتويها مثالي وامجادنا .. للحينهن البلايا امجادكم تعلا على كل عالي وامجادنا بيرق بروس العلايا امجادكم ماعنها اليوم سالي وامجادنا لليوم ما هي خفايا حنا على روس المعادين والي وعند الخوي نرخص جزيل الهدايا حنا مرازيب السخى مانبالي وحنا معازيب الكرم والعطايا حنا زبون اللي من الهم جالي ولا صاح صياح الوغى له فدايا يفداك حالي يابعد كل حالي يا اللي بقربك زاهيات التحايا ما انساك من شمس المهاد لْزوالي يا اللي عيوني من عيونك روايا دايم على وضح النقا . . إرتحالي يااللي عيونك صافيات النوايا احترت اوصّف ثغرك اللي بدالي مابين لولو والعسل والثنايا واحترت اوصّف طيب قلبٍ وفالي يا اللي بكل مافيك حلْوالتهايا الحمد لله يوم شفتك لحالي وهنّيت نفسي فيك ورد وسجايا والحمد لله يوم اصادفك تالي قبل العمر لا يخطفنّه منايا والحمد لله غالي ونال غالي اللي خذوا حب المكارم وصايا لعيونك الشّعْـل ارخص المال مالي وتصبح جميع الناس عندي سوايا أعزاز الانفس راكبين المعالي لعيونهم هانت كبار الخطايا يامالكه بالحب روح الشمالي ياساكنه مابين قلب وحنايا لي الشرف كانه عمامي خوالي والحمد لله كل ربعي .. طنايا

[الشـــــاكي]

يااااااااه
روعه اخوي ناشد الود
وكلمة الروعه تخجل أن تطلق نفسها علىَ هذه التحفه الرائعه واللتي سلمتها لنا علىَ طبق ٍ من ذهب
لكَ تحياتي اخي الغالي
اخوكم
حسوف الدمع

[بندر العجمي]

ناشدالود

صح لساانك 0

وبيض الله وجهك على القصيده الجزله 0

وكفو والله بعنزه0

سجل اعجابي 0

وتقبل فائق تحياتي 0
0
0
بنـــــــــــدر

[عبدالله الرقاص]

ياهلا والله

بالشمري

قصيدة جميله

في قمة الروعه والجمال

والله والسبعة انعام

نقبل تحياتي

[آخرة العنقود]

اخي ناشد الود

*0* بــدايــة رائـعــــة لقصيــدة جميلـــة *0*

*0* في كلمـاتها ومعانيهــا الرائـعــــه *0*

*0* الا انك ابدعـت في صيـاغتهـا الجميلة *0*

*0* اتمنى لك اخي التـوفـيـق والابداع الدائــم ان شــاء الله *0*

*0* ونحـن بانتظـار المزيـد والقـادم من ابداعاتك معنـا *0*

*0* والله يعطـيــك العافيــــه *0*

[محمــد القعـيقعي]

بسم الله الرحمن الرحيم

أشكرك من أعماقي قلبي

يا السنعوسي ونعم والله فيكم يابعد حيّ


قصيده لا تعليق عليها أبداع ياعزيزي

ننتظر جديدك


تقبل تحياتي

صــادق الكلمه