السلام عليكم ورحمة الله وبركاته
اعزائي الكرام هذه القصيده واقعيه ونحن الآن نعيش هذا الواقع المؤلم
وهو اللعب بالمشاعر دون مبالاة هذه القصيده حقيقة اعجبتني جدا
وهي للشاعر الصديق الرقيق فيصل السديري...................
أحبك ليتها ملكي اذا قلتي تحبيني
أحبك ليتها كلمه ولاغيري لها سامع
أحبك كلمة قيلت فذاك وذاك ثم فيني
وخلتنا ثلاثتنا وراحت تخدع الرابع
أنا المخدوع في حبك ونا اللي ماخدعتيني
خدعني قلبي الطيب مع قلبك وهو خادع
أنا قلب الوفا قلبي ولو هي خاينه عيني
وقلبك مشكلته انه مابين اثنينهم جامع
وفيه كل ماقالو حبيبك وين جيتيني
واذا جيتي ونا جنبك عيونك غيري تطالع
عيونك آه لو شفتي عيونك كان شفتيني
أناظرها تناظرهم وتعكس نجمي الساطع
وعاتب نفسي بعينك اذا شفتك تخونيني
واقول بحق خلاقك توكل لاتجي راجع
واعاندني واقول اصبر تعال نحسب سنيني
واذا عدنا حساباتي طلع وقتي معك ضايع
عطيتك كل ماعندي خذيتي ماعطيتيني
سوى كلمة انا احبك بشفة خاين قاطع
احبك كلمة خرسا ولاظنيت ترضيني
أحبك لقمه بفمي ولا ابلعها ونا جايع
احبك سهلة عندك ولااسهل قولة انسيني
ونا ماني في هالكلمه ولافي غيرها طامع
حشى منتي بغلطانه اذا قلتي تحبيني
تراها غلطتي صدقت وحده يكرم السامع
وسلامتكم
العرض الشجري
