[poet font="Simplified Arabic,4,orange,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=orangered,strength=6)"]
من غيبتك يازين صابتني هموم"="غدى بي التفكير شوش براسي
غديت مثل اللي قلب راسه الحوم"="اشبه كما المنجوم في ضرف قاسي
عليك ياللي مادمر وجهك وشوم"="من غير زينك كل زينٍ يداسي
بفرقاك لولا خايفٍ يلحقن لوم"="هليت دمعي عند ربعي وناسي
واصيح باعلى الصوت ياناس مسموم"="جيبوا وليف الروح يزول باسي
عليه قلبي له حنين وله رزوم"="اصبح بصندوق الضماير محاسي
ياجى سواد الليل غدى به غيوم"="واظلم بعيني برقها بانعكاسي
كني صغير ومن حلى العطف محروم"="امه توفت والأبوحيل قاسي
الله ياكثر السهر وقلة النوم"="والله من فرقاك يا عز ناسي
ماينخلط ياناس هيله مع الثوم"="ولا ينلبس ثوباًبليا مقاسي
ولا يروي العطشان شم الهوا دوم"="والفرق يعرف بالذهب والنحاسي
غيرك فلا والله لي فيه ملزوم"="ومن غيركم والله مالي مواسي
يالولو ياياقوت ياعقد منضوم"="يادر ياتاج الذهب فوق راسي
ياعود ياعنبر من الطيب مقسوم"="ياريح مسكٍ يوم طب اللباسي
لا ياقمر بين وحيت به نجوم"="ياشمس بانت عقب ذاك الدماسي
اسمك غدى في داخل القلب مختوم"="ومن دونه اغلق باب قفله نحاسي
لا ياسمي الضوا صابتني هموم"="عقب الرجاء حطيت يازين ياسي
ليتك تجي ماظن تلحق ولا يوم"="جب لي كفن يازين عندك مقاسي
[/poet]
العرض الشجري
