دقت نواقيس الخطر واقبل الليل

[الطائر المهاجر]

[poet font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
دقت نـواقيس الخطر واقبـل الليل = الله يعين العين تنقـل خطرها
ياما شكت طول السهر والغـرابيل = عبره تحركهـا ودمعٍ شررها
وقلبٍ من جروحه شكى الهم والويل= والروح تبكي من زمان قهرها
يا ليـل وين اللي رموشه مظـاليل = يجلي همومٍ في ضميري كدرها
أوّاه وا ويـلاه ماعـاد بي حيل = فالصبر يشكي من سنينٍ صبرها
من يـوم ما طفّت بليلي القنـاديل = وقالت بامان الله وابدت خبرها
باعـوا حبيبي بيعـة البن والهيل = ولا فكّـر اللي بـاع بنته قبرها
ولا فكّـر إني بعـدها جرّني السيل = لواد الحزن والتيه قبري حفرها
منهو بقى لي بعـدها نجمة سهيل= ومنهو ينير لروح غايب قمرها
لا والله اللـي يازمـاني بك الميل = احرقت قلب اللي ملاكه خسرها
حسبي عليهم ما بقى به رجـاجيل = كلٍ على كيفه سرق من مهرها
واللـي شراها عن خـداعٍ وتضليل = اغري ضعاف النفس واعمى بصرها
راعي بقر ماهوب ضمن الجماميل = تاجر بكثر النهب سرّ وجهرها
قلت اخذ البندق واطوّح على الخيل= واشفي غليل النفس واتبع اثرها
قــالوا تعقّل خـل هرج المهابيل = ماعاد يمدي من تبي في شهرها
مـادام ابـوها راضيٍ ليش تنكيل = كلٍ ببنته باخصٍ لو حقرها
مكتـوب يـاقلبي ولا فيـه تبديل = تمضي العمر والحب تجهل قدرها
مهمـا تونّ الليـل ونّ المحاحيل = ليلك طويل ودمعتك في سهرها
يالله يـامرسل طيـور الأبـابيل = تنقذ حمى بيتك من اللي غدرها
ترسل لحبّـي منقـذٍ دون تأجيل = وتجمع قلوبٍ تايهه في سفرها

[/poet]