قصيده اعجبتني وهي كذلك للشاعر الصديق فيصل السديري
أسمعك كمل كلامك بعد احبك ويش قلت؟
تحسبني يوم اطالع غيرك اني مسمعك
لاوربي يوم تنهت واتصدد مازعلت
اسمعك واشوف غيرك واحمد الله اني معك
إنت ياللي طول عمري ماعرفت ولاجهلت
ضعف نفسي لين ربي في فؤادي ربعك
جيتني مثل الجنون ويوم فارقتك عقلت
وهاك شفني بعت عقلي وجيت بجنون اتبعك
وين افارق حبك اللي لاتركته له وصلت
ووين اجمع نفسي اللي لانثرتك تجمعك
كيف ابطلع من غرامك وانت في قلبي نزلت
وكيف ابنزل دون قلب حالف انه يطلعك
أسأله واجد لو انك واحد منها سألت
كان ماتعبت كفك وانت تفرك بصبعك
إيه احبك بس كمل بعد احبك ويش قلت؟
المهم ان طال صمتي تدري اني اسمعك
وسلامتكم
العرض العادي
