بسم الله الرحمن الرحيم
والسلام عليكم ورحمته وبركاته
إلى من يهمه الأمـــر
((( لو جن بنات الكــون ماضنهن هــي )))
متى على الله نلتقي بالولايف "="متى على الله أشبك أيديه بيـدّيّ
وأطالع المزيون حلو الوصايف "="حلو الكلام العذب أبو طبعٍ هدّي
اللي ذبحني بالغلا والكل شايف "="غصب ٍ علي ياخوك لو قلت لي عيّ
مقدر على الكتمان والحال خايف "="يكفخ ولا نلقاه في دربنا حيّ
وأصبح أنا عقبه للناس عايف "="ولو جن بنات الكون ماضنهن هيّ
قلبي عشقها حيل ماهو بزايف "="عشـق ٍِ حقيقي صدق ماعقبها شي
رجاوي رجوى اللي على البيت طايف "="يدعي يبي غاليه وأغلى من المي
واللي سطح قلبي ياليت عارف "=" باللي نظمته في حلاياه ياخي
وأن كان ماهوراضي ٍ الوصايف"=" يصبر ألين ألقاه قدامي شوي
من شان أعيد الوصف بأطيب سوالف "="وأكتـب قصيد ٍ ماكتبناه في حي
قصيد لو سمعوه ناس ٍ عوارف "="أشهــد لغير يصير في وضعهم شي
هذا وسلام الله لكل الولايف "=" من واحد ٍ طاويه درب الهوى طي
الشـــاعر
محمد بن معيــذف القعـيقعي الرويلي
صادق الكلمه 123
العرض الشجري
