لوحه في منتصف المشاعر.
اجمعي الوان الطيف.
وفرقي كل لون لوحده.
وهاتي لوحه من مشاعرك.
وضعيها امام عيونك.
وامسكي اللون الاحمر.
وامزجيه مع اللون الاخضر.
يخرج لك لون ماتعرفينه.
وامسكيه بيدك وخطي على اللوحه.
خط طويل من زاويه اللوحه الى زاويتها الاخرى.
وطالعيه زين.
وابحري في خيالك مع طول الخط.
واسترخي قليل.
ثم ارجعي وابحري بخيالك مره ثانيه.
واذا انتهيتي من الابحار.
لك عندي اسئاله.
اذا جاوبتيها.
بانت لك اللوحه.
وبان لك بعد موقعها.
وامسكي اللون الابيض.
وامزجيه.
مع اللون البنفسجي.
يضهر لك لون.
تنتظرينه من زمن.
وامسكي اللون بيدك.
وخطي به على اللوحه.
نصف دائره في وسط اللوحه.
وطالعيها زين.
وابحري بتفكيرك مع نصف الدائره.
كرريها .
مرات.
ومرات.
واذا انتهيت من الابحار.
لك عندي.
لا اسئلتك اجوبه.
تبتدي مع سؤالك.
وتنتهي مع جوابي.
وامسكي اللون الازرق.
وامزجيه مع اللون الاخضر.
يضهر لك لون.
ينشدك الرحمه.
وامسكي اللون بيدك.
وارسمي به على اللوحه.
اشجار متناثره.
ودققي بنظرك في كل شجره.
دققي فيها حيل.
بس قبل لا تتدققين فيها.
لا ترسمين في كل شجره ثمره.
طالعي الشجره اللي بها ثمره..
والشجره اللي مابها ثمره.
طالعيهم زين.
واذا طالعتيهم زين.
ارفعي يدينك لرب السموات.
وانشدي منه المغفره.
وقبل لاتنشدينه.
استغفري من ذنوبك.
ولا تعودين لها.
وبعدها.
امسكي اللون الا صفر.
وامزجيه مع اللون البني.
يضهر لك لون.
صادق في طلته.
امسكي اللون بيدك.
وارسمي به على اللوحه .
اشعه شمس متفرقه.
تخرج من نصف الدائره.
وتمر بالخط..
وطالعيها زين.
ودققي في المسئاله.
واذا دققتي فيها.
وقتها تعرفين.
ان الحياه بعيون البشر.
لذه جامحه.
ولذه غير جامحه.
وتعرفين بعد.
ان السؤالف الصادقه.
مقنعه...
والسؤالف الكاذبه.
موجعه.
انتهت اللوحه اللي امام عينك؟
نعم انتهت.
وش رسمتي فيها؟
رسمت فيها. عشق ماقدر اتبعه.
كم لون مزجتي فيها؟
ست اللوان.
وكم لون خرج منها؟
ثلاث اللوان؟
تدرين وش ذيك الالوان؟
لا.
تدرين انها
( مشاعرك المبعثره. )
بدر |
العرض العادي
