السلام عليكم اعضاء منتدى الود
هذي قصيدة لاحد الاصحاب وبصراحه اعجبتني يوم قالها لي وخليته يكتبها لي
واستأذنته اني احطها
ولكم هالقصيدة وصح لسانه
يالله ياللـي تــرزق العـبـد بـبـلاش*^*^* ياقـاسـم الارزاق بالـمـال والعـيـش
ياللـي عليـك الخلـق بالكـون تعتـاش *^*^* ياخالـق الدنيـا علـى الهـون بشويـش
انـك أتوفـق رجـل للطيـب طـرّاش *^*^* اللـي علـى مالـه تعيـش المعاطيـش
اللـي لجـل ضيفـه يذبـح لـه أدبـاش *^*^* أغليـه مـن قلبـي ولـو ماعطانـيـش
هـذاك والله خوتـه نشـريـه كــاش *^*^* اويش الزمن من غير شـرواه ياعميـش
والمرجلـه ماهـي مسـدس ورشــاش *^*^* المرجـلـه درب طـويـلٍ وتفتـيـش
المرجلـه تلفـي علـى نـاس مطـراش *^*^* ماهيـب هـرج أخبيـل مالـه مناويـش
والمرجله ماهـي عـن النـاس تخفـاش *^*^* كـلٍ علـى فعلـه يحـوّش محـاويـش
والضيف لاجانـا تـرا النـوم مـاراش *^*^* النـوم حـق امكحـل العيـن بالشيـش
الضيـف لامنـه لفـى مجلسـي عـاش *^*^* في بيت بن صقـلان يكسـب معاويـش
والضيـف ضيـف الله وبـروح دشـاش *^*^* نـذرٍ علـىّ مـاراح مـنـي ابتفتـيـش
اوقت اللزوم ان صار مانـي ابمنحـاش *^*^* حـقٍ علـىّ لشبـك الفيـش بالفـيـش
احـدن علـى ربعـه افعولـه بلـيّـاش *^*^* لا..طيـب لا.. خوه..والافعـال مافيـش
واحـدن ايقلـب شـاربـه للتـحـراش *^*^* جالب اعلوم النـاس مـن واحـدٍ ديـش
واحـدن ينـام ابوسـط ديبـاج وفـراش *^*^* واحـدن تـأذا كاسـرٍ ظهـره الخيـش
وأنـا احمـد الله ربعنـا مابهـم لاااااش *^*^* ربعي هل العليا هـل الخيـل والجيـش
ولامن أقصور الناس حايـش وحـوااش *^*^* وكـلٍ علـى فعلـه ينـوش المناويـش
وياناشـدٍ عنـي تـرى الحـال مهنـاش *^*^* حالي دمرهـا فارسـي أبيـض الريـش
طيرٍ ليامن شـاف لـه شـوف يعتـاش *^*^* ماهـوب طيـرٍ بـه فعايـل خفافـيـش
يفعل كما فعـل الرصاصـه بالاكـلاش *^*^* صقلان.1. يخرش صامل الخرب تخريش
أبيض نحر لونـه كمـا لـون الافـلاش *^*^* ودقوقـه الدهمـا بظـهـره نقـاريـش
حبه ابقلبي حـب مـن حـب الاشـواش *^*^* وأكثر بعد مـن حـب هـدب المراييـش
لجله ضربـت القـش ولحقتـه اقشـاش *^*^* ولجله بذلـة القـرش فـوق القراريـش
واليوم طيـري مـات والمـوت كفّـاش *^*^* ولاعادينفـع فيـه كثـر الشوابيـش.2.
من يوم مـات الطيـر والهـم رشـاش *^*^* ولاعـاد أبـا غيـره ول ابغـا نواتيـش
طيـري منـاة القلـب والعمـر منـداش *^*^* وقت الربيـع أتزيـن فيـه المطاريـش
والشعر ذكره من قبـل طـخ الارمـاش *^*^* ومن قبل لرقـد فـي قبـورالتخاشيـش
وأرجي من اللي خالقٍ عرش الاعـراش *^*^* ومن غير رحمة خالـق الكـون مبغيـش
هـو الـذي ارجيـه والعمـر غشـاش *^*^* الكوووووون فاني غير ربٍ بـه ايعيـش
أخـر حيـاة العبـد ملفـوف بقـمـاش *^*^* حتيش لـو يجمـع مـن المـال حتيـش
والختم صلـو عـد ضيقـاتٍ اخشـاش *^*^* على الرسول محمد اللـي مـن اقريـش
1:صـقــلان. اســـم الـطـيــر
2:الـشـوابـيـش.الــمــحــاوره
وســـلااااااااامـــتــــكــــم
العرض العادي
