السلا م عليكم ورحمة الله وبركاته
هذه اول مصافحه لي في هذا الصرح
وانا اضع قصيدتي المتواضعه بين ايديكم
واتمنى ان ينال على استحسانكم
((((( اطيح متعالي )))))
[poet font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
تدلل؟اطلب وآمر؟تبـي روحي؟تبـي عينـي=تبي كلـي علـى كلي؟فدالـك ياهـوى بالـي
تبي قلبـي؟ولا يغلـى تفضـل بيـن يدّينـي=كفاك؟او ماكفاك؟ أطلب ولا تحسب ولاتبالـي
تبي شوقي؟رخصته لك ويسبق كـل مافينـي=يسابقنـي عليـك بلهفـة المشتـاق؟ للغالـي
تبي حبي؟ انـا فدوه؟وفـدوه باقـي سنينـي=فداك العمـر وسنينه؟خـذ الاول مـع التالـي
عطيتك ما بخلت؟ ولا بخلت بكـل مـا فينـي=عطيتك قلب؟ شوق؟ وحب؟ ما يغلى بعـد حالـي
عطيتك كل شـئ؟الله علـم ويـش بتردّينـي=نطرتك عام كامل؟ بين شكـي وبيـن آمالـي
وتبع عامي؟ ترى عامٍ؟ ولاأدري ويش تعطينـي=مسافر حالم بطيفك ؟ ولا قـرت بـي رحالـي
وزاد العام فـوق العـام؟ زاد العـام عامينـي=على ذا الحال حالي؟ سالي ولا ظنتـي سالـي
تمنيـت الفـراق اللـي قبـل ينهيك؟ ينهينـي=وتمنـيـت العذاب؟ وآآآه؟ياقلبـي؟ وعـزالـي
وتمنيـت الهجـر؟ دون الوصـل؟ بالله خلينـي=على بالك انا بخضع لجل لحظة من وصالـي
انا لـي عـزةٍ ترفـع شموخـي ماتوطينـي=تسنّدني على العليـا ترقينـي علـى العالـي
وأنا ما أكذب عليـك اطيح؟ لكـن لاتشيلينـي=لأني لا هفيـت وطحـت انا؟أطيـح متعالـي
كذا كلي علـى كلي؟ شمـوخ أن ماعرفتينـي=وهذي عزتي؟ واخير من هرجي ترى افعالـي
مـوادع لا ترجـى لاترجـى بـس عزينـي=وداع الموت لا منه خـذ لـه واحـدٍ غالـي
موادع قلب حي؟ بروح ميت وخاتمـت شينـي=موادع يذهل اللـي بالمهد؟ يهتـز بـه والـي
موادع بس أنسى؟ والله ان انساك مـن حينـي=حلفت أنسى؟ حلفت أقسى؟ حلفت أهجر ولا أبالي
سمحت من المحبه كلهـا مـا عـاد تغرينـي=وسمحت من الغرام اللي يكفي منه مـا جالـي
تصدق؟ ماتصدق؟ شـئ مـا عـاده بيعنينـي=خلاص ارحل؟ توكل عن دروبي؟ مالك ومالـي
توكـل؟ لاتـراجـع؟ رح بفالك؟ لاتنـاديـنـي=فمان الله فـي فالك؟ وأنـا بـروح فـي فالـي
[/poet]
تقبلوا مني ارق التحايا
محمد ابن ساقان
العرض العادي
