تو الليالي بينت لي شقاها = وتوني دريت اني من الوقت منصاب
لي قصة مع بنت محدن دراها = ولو قلتها للناس بيقلون كذاب
حبيتها والله بحبي بلاها = وعشان مثل بالحب يضرب للأحباب
ياما قضيت أيام اعيش بهواها = وياما من يدها تشفى جروح منصاب
الحب والاخلاص دايم عطاها = وأنا لحب إعيونها جيت طلاب
ودنياي لمن طلت عليها تنور سماها = نور القمر يخجل ولا شافها غاب
سبحان خالققها مكمل حلاها = إم العيون المستظله بلأهداب
الله مكبر في خفوقي غلاها = جتني لها قصه وقلبي لها إكتاب
لكن من بعد ماقضيت إسنين عمري وراها = جتني تقول الوقت خاين وكذاب
وروحك ماعاد عندي دواها = روح دور على غيري تلقالك أحباب
راحت وراح القلب يركض وراها = ينزف جريح من الهوى من بعد ما طاب
وعيوني عليها مكثره من بكاها = وبدموعها تعبير عن حزن وإعتاب
صحيح قصة غرام المر في منتهاها = فرقا القلوب بدون تعليل اسباب
العرض العادي
