[gl]بسم الله الرحمن الرحيم .......[/gl]
السلام عليكم ورحمة الله وبركاته
هذه قصه واقعيه صارت لبنت والصراحه محزنه جدا ودي انكم تقرونها وتعطوني رايكم لاني جديده عليكم ودي اتحمس معاكم يعني نصير على خط واحد o.k?
ابـــدأ
مها=بنت عمرها 19 سنه ثالث ثانوي عربجيه عادت سنوات كثيره
ريم=اخت مشاعل بنت نعومه وهاديه
مشاعل=بنت خالتهم وقريبه منهم بقوه
فواز=ولد خالتهم واخو مشاعل.........
الام.....:مهـــــــــــــــــــــــــا مها يامهاوي ردي علي
مها :نعم نعم خير وش فيك تصارخين ؟؟؟
الام: وينك ماتردين
مها:يووه يمى مشغوله جالسه العب مع العيال بالحووش بسرعه يبي يفوتني الدور وش تبين؟؟؟؟
الام: الله يهديكي متى تبي تصيرين بنت وتعقلين
مها:يوه منك يايمىى كم مره قلت لك لا تفتحين هالموضوع انا كذا والي يبيني ياخذني كذا خلاص عاد.. ماقلتي وش تبين ؟؟
الام: روحي تزيني البسي التنوره.......
يقاطعون الام صريخ الي يلعبون برى:::: يامها يالله دورك ترى نطلعك من اللعب
مها:: زين وجع جاايه ... ايه وش قلتي البس تنوره يمى انتي تحلمين؟؟
الام:جدتك جاينها ضيوف شلون تبي تطلعين لهم كذا
مها:اصلا ماراح اطلع منيب فاضيه بروح
الام:الله يهديك بس..
الخاله:شكلها بنتك مافي امل منها ولد من جد
الام:لا بكرى تشوفون بنتي تبي تصير ازين البنات..
فواز:خالتي انتي لسى حاطه امل انها بنت؟؟؟ هاذي ولد وبعد اكثر من ولد
مها بعد ماسمعت الحوار وهم مايدرون
مها: ايه كملوا كملوا كاني سمعت احد يحش فيني؟؟؟ ولا انا غلطانه؟؟ تكلم يادلوع امك انطق فواز تحش فيني؟؟ تكلم لااخرب تقاطيع وجهك
فواز:يمىى والله انك تخوفيني لا ابد ماحشيت
مها: ايه احسب
في اليوم التالي
مشاعل:يالله يبنات شفت لكم واحد امس ياخذ العقل مملووووووح ويهببببل ماشالله
ريم :: اما انتي يامشاعل كلهم عندك مملوحين مافي احد شيين ماشالله عليك
مها: يوووووووووووووووه منكم هذي هي بس سوالفكم هاه؟؟؟ هذا مملوح وذا مزيون وذا طيب والله انكم تجيبون الملل قسم بالله
ريم: وش تبينا عاد نسوي هذي هي سوالفنا بلاك منتي فالحه الا بالكوره والبلايستيشن الي عمى عيونك عربجيه والله
مها:ريم انا عربجيه؟؟
ريم:لا ابد حاشاك منتي عربجيه ابد انتي قليل عليكي عربجيه انتي رجااال
مها:لا والله؟؟ رجال
ريم : الكل متعقد منك مافي يوم مره شفناك لابسه تنوره ولا فاكه شعرك ولا جالسه حاطه رجل على رجل...كلش بناطيل وتدقين التربيعه بس
مها:زين زين اما وريتكم تراكم مو ازين مني تشوفون بكره
اليوم التالي في بيت جدهم
مها داخله فاكه الشعر ولابسه تنوره ورافعه شعرها بالنظاره والكل مو مصدق....
مشاعل::::يؤ يؤ هذي مين ؟؟؟؟ ريم تعالي عطيني كف صحيني انا احلم؟
ريم:شفتي حتى انا مني مصدقه انها اختي
فواز:اوف اوف هذي مهاو لا مين وشفيكي تغيرتي؟؟
مها بضحكه نعوومه هههههه وش فيك فواز عاد منت مصدق انا كذا من اول
فواز : الله اول مره تضحكين من غير ماتطقيني.عادتك لازم الضحكه وتضربن على الكتوف تكسرينها
مها:لا هذا اوول
المهم مرت الايام على هالحال مها مترتبه
وفي يوم....
مها:ريم خلاص احس اني مليت من هاللعبه
ريم: وشو اي لعبه
مها: هذي اني البس تنوره ....
ريم: لا يالخبله وشو هذي مهيب لعبه هذا من جد ترى حتى الناس قاموا يحكون عنك
مها : يحكون عني؟ قولي لي منهي وانا اوريها مين انا لانسيها عمرها تحش فيني قوليلي من بنته؟؟
ريم: لالا وشفيك انتي مايحشون يتكلمون عنك يعني ودهم يخطبونك
مها:ههههههه من جدهم ذولا؟؟ منهم
ريم اقولك بس من غير زعل o.k?
مها:طيب قولي بسرعه
ريم : فواز قال لمشاعل انه وده يخطبك
مها : ههههههههههههه فواز دلوع امه؟ يخطبني والله دنيا ريم تمزحين؟
ريم: لا من جد ماامزح وبعدين ترى الولد من جد وده وناوي
مها : مابقى الا ذي
ريم: من جد يالمجنونه ترى خلاص شوفي كم عمرك بس ترسبين لين بتعجزين وانتي الى متى بتبتلين على هالوضع؟؟
مها:يوه مافيها شي الرسوب معناه روح المثابره وامل بالنجاح.يعني غيري كان فقدت الامل وتركت الدراسه.
ريم:زين الحين موضوعنا فواز بالله وش رايك؟؟
مها :ماادري ماادري
في اليوم الثاني....
مها منسدحه على الارض تتفرج تلفزيون وفواز يبي يدخل.
فواز: احم احم كح كح كح
مها :وهي تعدل جلستها..::هلا هلا فواز ادخل وش فيك تتنحنح كان في احد غريب هنا
فواز:لاابد مافي بس تعبان شوي
مها:سلامتك دلوع ماما ماتشوف شر
فواز :الله يسلمك بس مها وش صار على دراستك؟
مها: مثل ماهي.
فوزا: مها ودي انك تشدين حيلك هالسنه عاد
مها:طبعا مهوب انت الي تذاكر ولا انت الي تختبر وش عليكم تقولونها وانا اتوهق
فواز:لا موقصدي بس
مشاعل تقاطعه:بعدين وش دخلك انت؟
فواز:ايه صح مالي شغل انا منيب امك ولا ابوك ولا قريب منك بقوه
مها:ايه صح
فواز:مها الي متى راح تستمرين على هذي الحركات انتي ليش منتي حاسه فيني؟؟؟؟؟؟؟؟؟؟
مها: يؤ انا حاسه فيك الحين لو مني حاسه كان ماتكلمت هذاك تتكلم واا احس انك تتكلم وارد عليك
فواز:طول عمرك كذا ماراح تتغيرين ابد
وراح
مها: فواز دلوع ماما وش فيك زعلت؟؟؟
فوزا:الله يهديك بس
في الليل:
مها :ريم شوفي جاني فواز اليوم وانا.....................وحكتها السالفه.
ريم : خبله انتي انتي فاهمه وش قصده بانك ماتحسين فيه
مها : ايه فاهمه بس وشو استحي بعد اقوله ايه حاسه فيك؟؟
ريم : والله انك مجنونه هو يتكلم بقلب وانتي بابرد ماعندك تراه يحبك
مها:زين ماحبيتك انتي وامي عشان احبه امزززح امززح هههههه
ريم: انا اتكلم جد
مها :يوه وش تبيني اسوي يعني اناقز فوق السرير واقول هيييه احبه هييه احبه؟؟
ريم: لا يالغبيه بس اعطيه شوي امل حسسيه انك تتقربين منه مو تتكلمين بوجهه كذا وتصارخين وتصيرين بااردة؟ ترى الحب غريزه فكل البشر الرجل يميل للمراه والمراه تميل للرجل مافيها شي انتي كذا دااايم .....مع طول العتاب
مها وهي تبكي:ريم خلاص عاد يكفي خلاااااااااااااااااص
ريم:يوه مها تبكي الله من اول مانولدتي ماشفتك تبكين وش قلت انا شي علط؟
مها:وشو يعني ماعندي احساس انا؟؟؟؟؟؟؟ ريم ريم انا احبه ماتفهمين انا احبه والله احبه
>>>>>>>>لحظة سكون<<<<<<<<<<<<
ريم : متفاجأه من جد؟؟
*******مرت الايام وكل مايعدي فواز يسلم ولا يحط عينه بعين مها ويمشي بسرعه
لين يوم جالسه مها بالحديقه على المرجيحه الي بالحوش وتشوف فواز يمر بسرعه
مها:: فواز فواز فواز تعال
فواز:نعم خير وش تبين؟؟؟
مها :وش فيك معصب علي شوي شوي
فواز: بسرعه انا مستعجل
مها:فواز زعلت من ذاك اليوم يوم قلت لي منتي حاسه فيني؟؟
فوااز:اي يوم مااذكر خلاص بمشي انا
مها: الا تذكر والله تذكر فواز انا ماكان ودي ازعلك كان ودي اقولك......
فواز:ايه ايه وش كنتي تبين تقولين؟
مها:انا حاسه فيك وانت الي مو حاس فيني فواز انا احبك والله
فواز: مها من جد تتكلمين؟؟؟ احلفي
مها: والله ليش في شي غريب؟؟
فواز:يوه قوليلي متى تبين اجيكم عشان اشوفك ولا وشوله متى الخطبه ولا الملكه اقول على العرس بس متى تبينه
مها:يوه اول قول لامي يمكن ماتناسبونا وماتوافق
فواز:هاه يامها لاترجعين لسوالفك......
وتمت الخطبه والان فواز مملك على مها
فواز:الوووو عمري مهاوي
مها:هلا قلبي
فواز:شخبارك وحشتيييني والله
مها :انا تمام بخير وانت بعد
فوزا: مهاوي مسوي لك مفاجاه تهبببللل
مها:فوزا وشو قولي
فواز: ايه اعرفك تحبين هالسوالف
مها::يالله عاد قول
فواز:رايح اليوم للثمامه ودك تروحين؟؟؟؟
مها :واااو ايه ودي بقوه متى تمرني؟؟؟
فواز: نص ساعه واجيك
مها: حلووو
راحوا للثمامه
مها: مره حلووو فواز ذولا خوياك ماتوقعتهم كذا توقعتهم مثلك نعومي...
فواز::تراهم مو ازين مني تشوفين
طلع فواز من السياره وركب سياره واحد من الشباب وقاموا يطاعسون..
وفجأه
تنقلب السياره ثلاث قلبات بعيد عن السياره الي فيها مها
وتجري مها لمكان الحادث وتسمع واحد يقول لا حول ولا قوه الا بالله انا لله وانا اليه راجعون
قامت مها تصارخ بوجهه: وش فيه انت وش تقول وش صااار؟؟؟
قالها اختي تعرفون وحده اسمها مها؟؟؟
قالت ايه انا مها
قال::اخر شي قاله قبل لايموت مها تراني بخير انتبهي لنفسك
مها تبكي عند فواز واغمى عليها
قامت بعد الصدمه ولقت حواليها.... امها وريم قالت وين فواز وش صار عليه؟؟؟؟
قالت الام مها حبيبتي كلنا راح نموت واخرتنا الموت وفواز كان يومه ذا
صار ت تصارخ وتقول انا السبب لو ماقلت له روح كان ما مات
[gl]واكملت حياتها هذه الفتاه وهي تعتقد انها السبب في موت زوجها اولا وثانيا حبيبها وولد خالتها[/gl]
انتهت.@.@.@..@.@..@.@.@..@....
مع تحياتي لكم جميعا...
Om al wanaasaaaa #_#_#_#_#
العرض العادي
